আর্ম্দ ফোর্সনা ‘অগ্নিপথ স্কিম’গী মখাদা অগ্নিবীরশিংবু চহি ৪গী মতমগী থবক পীবগী সরকারগী মাইকৈদগী পায়খৎপা অহোংবা পুরক্কদবা থৌওং অমা জুন ১৪, ২০২২দা লাউথোকখিবগা লোয়ননা তেলিকোম বিভাগ (দি.ও.তি.)না তেলিকোম সর্ভিস প্রোভাইদর পুম্নমক্কা ১৫/৬/২০২২দা মীফম অমা ফমখ্রে। মীফম অসিদা আর্ম্দ ফোর্সতগী চহি ৪গী মতুংদা থোক্লক্কদৌরিবা ত্রেনিং লোইরবা ‘অগ্নিবীর’শিংগী তেলেন্ত, লিচৎ-শাজৎ অমসুং মখোয়না ফংখ্রবা স্কিলশিংবু তেলিকোম সেক্তরনা অয়াম্বা ওইনা অমসুং তি.এস.পি.শিংনা অখন্ননবা মওংদা করম্না শিজিন্নবা য়াবগে হায়বগী মতাংদা খন্নখি। তি.এস.পি. ৪মক (এয়র্তেল, বি.এস.এন.এল., রিলাইএন্স জিও অমসুং ভোদাফোন-আইদিয়া) অসিগী মীহুৎশিংনা দি.ও.তি.গী সেনিয়র ওফিসরশিংগা লোয়ননা মীফম অসিদা শরুক য়াখি। সঞ্চার ভবন্দা পাংথোকপা মীফম অসিবু মেম্বর (তেলিকোম)না লুচিংখি।

অগ্নিবীরশিংবু থবক পীবা য়াবা লম খরা খন্ন-নৈনবগী মনুংদা শকখঙখি। লমশিংগী মনুং চনবশিংদি ওপ্তিকেল ফাইবর শেন্নবা অমসুং য়েংশিনবা, এয়র কন্দিসনিংগী খুৎশু-খুৎলায়, লাস্ত মাইল কন্নেক্তিবিতীনা অখন্নবা ওইদুনা ইনফ্রাস্ত্রকচর ফংহনবা, ফাইবর তু হোম (এফ.তি.তি.ঐচ.) অমসুং কস্তমর ইন্তর্ফেস এরিয়াশিংনি। স্কিম অসিনা মরম ওইরগা ফংগদৌরিবা ত্রেন তৌরবা/স্কিল লৈরবা তেলেন্ত ময়াম অমসুং লিচৎ-শাজৎ নীংথিরবা নহারোলশিংনা তেলিকোম সেক্তর য়াওনা লৈবাক্কী এসেত ওইগনি হায়না মীফম অসিদা তি.এস.পি.শিংনা য়ান্নবা পুরকখি। তি.এস.পি.শিংনা মখোয়না অপাম্বা অখন্নবা ত্রেদ/স্কিল সেতশিংগী মতাংদা ইনপুত কয়া অথুবা মতমদা হায়রক্লগনি। মদু ওইরবদি, ‘অগ্নিবীর’শিংনা মখোয়গী অগ্নিপথ সর্ভিস লোইরবা তুংদা ইন্দস্ত্রী-রেদী ওইহন্নবা মখোয়গী আর্ম্দ ফোর্সকী ত্রেনিং মনুংদা হায়রিবা অখন্নবা লমশিংগা মরী লৈনবা ত্রেনিং পীবা য়াবা য়াদবগী মতাংদা খন্নবসু য়াগরগনি।

*****