কেন্দ্রগী মন্ত্রী মন্দলনা জুন ১৪, ২০২২দা অগ্নিপথ কৌবা ভারতকী মহাশিংবু খুৎলায় পায়বা লান্মী শঙলুপশিংদা মথৌ তৌহন্নবা পুক্নিং চিংশিন্নিংঙাই ওইরবা রিক্রুতমেন্ত স্কিম অমা অয়াবা পীখি অমদি স্কিম অসিগী মখাদা খল্লবা নহাশিংবু অগ্নিবীর হায়না খঙনগনি‍। অগ্নিপথনা মরৈবাক নুংশিবা অমদি মপুক্নিং লেপ্লবা নহাশিংবু চহি মরিগী ওইনা আর্ম্দ ফোর্সশিংদা থবক তৌবা য়াহনগনি‍। অগ্নিপথ স্কিম অসি আর্ম্দ ফোর্সশিংদা নহা মশিং হেনগৎহন্নবা শেমবা খুজিল থৌরাংনি‍।

ঐখোয়গী অগ্নিবীরশিংগী তুংগী করিয়রগী মতিং হেনগৎহন্নবগীদমক্তা, অমদি মখোয়বু সিভিলিয়ন সেক্তরদা তোঙান তোঙানবা থবকশিংগীদমক শেম শানবগীদমক্তা এজুকেসন মন্ত্রালয়না থবক তৌরিবা দিফেন্স পর্সোনেলশিংগীদমক্তা অখন্নবা, মখোয়না দিফেন্স এস্তাব্লিসমেন্তশিংদা লৈরিঙৈ মতমদা ফংখিবা স্কিল ত্রেনিং অদুবু শকখঙগদবা চহি অহুমগী স্কিলদা য়ুম্ফম ওইবা বেছেলর দিগ্রী প্রোগ্রাম অমা হৌদোক্কদৌরি‍।

ইগ্নৌনা শেম শাদুনা মখোয়না পায়খৎকদৌরিবা প্রোগ্রাম অসিগী মখাদা গ্রেজুএত দিগ্রীগীদমক মথৌ তাবা ক্রেদিতশিংগী ৫০%না অগ্নিবীরশিংনা তেক্নিকেল অমসুং নন-তেক্নিকেল অনিমক্তা ফংখিবা স্কিল ত্রেনিংশিংদগী লাক্কনি অদুগা লেমহৌরিবা ৫০% অমনা লোল, ইকনমিক্স, হিস্তরী, পোলিতিকেল সাইন্স, পব্লিক এদমিনিস্ত্রেসন, সোসিওলোজী, মেথমেতিক্স, এজুকেসন, কম্মর্স, তুরিজম, ভোকেস্নেল স্তদিজ, এগ্রিকলচর অমসুং জ্যোতিস লোয়ননা এনভাইরনমেন্তেল স্তদিজগী এবিলিতী ইনহেন্সমেন্ত কোর্সিশিং অমসুং ইংলিসকী কম্ম্যুনিকেসন স্কিলনচিংবা য়াম্লবা মখল কয়াগী সবজেক্তশিং কোনশিনবা খনবা য়াবা কোর্সশিংদগী লাক্কনি‍।

প্রোগ্রাম অসি য়ু.জি.সি.গী কাঙলোন অমসুং নেস্নেল এজুকেসন পোলিসী ২০২০দা পীরিবা নেস্নেল ক্রেদিত ফ্রেমৱর্ক/ নেস্নেল স্কিল ক্বালিফিকেসন ফ্রেমৱর্ক (এন.সি.ক্যু.এফ.)কা চুননা শেমবনি‍। মসিদা তোঙান তোঙানবা একজিৎ পোইন্তশিং – চহি অমগী কোর্স মায় পাক্না লোইশিনবদা অন্দরগ্রেজুএৎ সর্তিফিকেৎ, অহানবা অমদি অনিসুবা চহি মায় পাক্না লোইশিনবদা অন্দরগ্রেজুএৎ দিপ্লোমা, অমসুং চহি অহুমগী কোর্স লোইশিনবদনা দিগ্রীগী সর্তিফিকেৎ পীগনি‍।

প্রোগ্রাম অসিগী ফ্রেমৱর্ক অসি ওল ইন্দিয়া কাউন্সিল ফোর তেক্নিকেল এজুকেসন (এ.আই.সি.তি.ই.) অমসুং নেস্নেল কাউন্সিল ফোর ভোকেস্নেল এজুকেসন এন্দ ত্রেনিং (এন.সি.ভি.ই.তি.) অমসুং য়ু.জি.সি.নচিংবা মরী লৈনবা রিগুলেতরী বোদীশিংনা শকখঙলে‍। দিগ্রী অসি ইগ্নৌনা য়ু.জি.সি.গী মমীংশিংদা য়ুম্ফম ওইরগা (বি.এ.; বি.কোম; বি.এ.(ভেকেস্নেল); বি.এম. (তুরিজম মেনেজমেন্ত) হায়না পীগনি অমদি ভারত অমসুং মপান লৈবাকশিংদা থবক অমসুং মহৈ তমবগীদমক্তা শকখঙগনি‍।

স্কিম অসি চৎনহন্নবগীদমক আর্মী, নেভী অমসুং এয়র ফোর্সনা ইগ্নৌগা লোয়ননা মেমোরেন্দা ওফ অন্দরস্তেন্দিং (এম.ও.য়ু.) খুৎয়েক পীনগনি‍।

★★★★