কম্যুনিকেসন অমসুং ইনফোর্মেসন তেক্নোলোজী মন্ত্রালয়
৫জি. থাদোকপদা তেংবাংনবগীদমক্তা দি.ও.তি.না নোতিস ইনভাইতিং এপ্লিকেসন (এন.আই.এ.) থোকখ্রে
Posted On:
15 JUN 2022 12:37PM by PIB Imphal
ইকায় খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীগী লুচং মখাদা ভারত সরকারনা মীয়াম খুদিংদা শেল য়াম্না চঙদবা, হৌজিক্কী মতমগা চুনবা মগুন লৈবা তেলিকোম সর্ভিস ফংহন্নবা খোঙফম চেৎলি। ৪জি. সর্ভিস কয়াবু থাদোকপদা মশক থোকপা মায় পাকপা ফংখ্রবা তুংদা। ভারতনা হৌজিক লৈবাক অসিদা ৫জি. তেলিকোম সর্ভিস হৌদোক্নবা শেম-শাবা লোইরে।
৫জি. থাদোকপদা তেংবাংনবা অমসুং হৌজিক লোইরিবা তেলিকোম সর্ভিসশিংবু হেনগৎহন্নবগীদমক্তা তেলিকোম বিভাগনা স্পেক্ত্রম ওক্সন তৌবগী থৌওং হৌদোকখ্রে অমসুং নোতিস ইনভাইতিং এপ্লিকেসন (এন.আই.এ.) অসিসু ১৫/৬/২০২২দা থোকখ্রে।
স্পেক্ত্রম ওক্সনগী মরু ওইবা ৱারোল খরাঃ
- ওক্সন তৌরিবা স্পেক্ত্রমঃ মেগাহর্জ ৬০০, মেগাহর্জ ৭০০, মেগাহর্জ ৮০০, মেগাহর্জ ৯০০, মেগাহর্জ ১৮০০, মেগাহর্জ ২১০০, মেগাহর্জ ২৩০০, মেগাহর্জ ২৫০০, মেগাহর্জ ৩৩০০ অমসুং গিগাহর্জ ২৬কী মনুং চনবা স্পেক্ত্রম খুদিংমক ওক্সন অসিগী শরুক ওইরি।
- তেক্নোলোজীঃ ওক্সন অসিগী খুত্থাংদা পীরিবা স্পেক্ত্রম অসি ৫জি. (আই.এম.তি.-২০২০) নত্ত্রগা এক্সেস সর্ভিস লাইসেন্সকী হীরমশিংগী মনুং চনবা অতোপ্পা তেক্নোলোজী অমা হেক্তনি।
- ওক্সন পাংথোকপগী থৌওং: ওক্সন অসি সাইমলতেনিয়স মলতিপল রাউন্দ এসেন্দিং (এস.এম.আর.এ.) ই-ওক্সন অমা ওইগনি।
- ক্বান্তমঃ ওক্সন অসিদা অপুনবা মেগাহর্জ ৭২০৯৭.৫৮ থম্লি।
- স্পেক্ত্রমগী চৎনগদবা মতমঃ স্পেক্ত্রম অসি চহি ২০গী পীগনি।
- পেমেন্তঃ মায় পাক্লবা বিদ্দরশিংদা তঙাই ফদবা শেনফমসি ৭.২%গী শেন্দোই চাংদা এন.পি.ভি.বু ঙাক-শেন্দুনা মান্নবা ইন্সতোলমেন্ত ২০ থোক্না পীবা য়াহনগনি।
- স্পেক্ত্রম সরেন্দর তৌবাঃ ওক্সনসিগী খুত্থাংদা লৌখিবা স্পেক্ত্রম অসি য়ামদ্রবদা চহি তরাগী মতুংদা সরেন্দর তৌবা য়াগনি।
- স্পেক্ত্রম শিজিন্নবগী মমলঃ ওক্সনসিগী খুত্থাংদা লৈখিবা স্পেক্ত্রমগী ওইনা স্পেক্ত্রম য়ুসেজ চার্জ (এস.য়ু.সি.) অমত্তা লৈরোই।
- বেঙ্ক গেরেন্তীঃ মায় পাক্লবা বিদ্দর অমনা ফাইনেন্সিএল বেঙ্ক গেরেন্তী (এফ.বি.জি.) অমসুং পরফোর্মেন্স বেঙ্ক গেরেন্তী (পি.বি.জি.) পীশিনগদবনি হায়বা কাঙলোন লৈত্রে।
- কেপ্তিব নন-পব্লিক নেতৱর্কঃ ওক্সন্সিগী খুত্থাংদা ফংখিবা স্পেক্ত্রম শিজিন্নবা ইন্দস্ত্রীশিংগীদমক্তা লাইসেন্সীশিংনা আইসোলেতেদ কেপ্তিব নন-পব্লিক নেতৱর্ক শেমগৎপা য়াগনি।
ইন্তর-এলিয়া, রিজর্ব প্রাইস, প্রি-ক্বলিফিকেসন কন্দিসন, অর্নেস্ত মনী দিপোজিত (ই.এম.দি.), ওক্সন রুলনচিংবা অমসুং অতোপ্পা চৎন-কাঙলোন য়াওনা ওক্সন অসিগী মখা তাবা অকুপ্পা মরোলশিং এন.আই.এ.দা য়াওরি অমসুং হায়রিবশিং অসি দি.ও.তি.গী ৱেবসাইত্তগী লৌবা য়াগনি।
https://dot.gov.in/spectrum-management/2886
স্পেক্ত্রম ওক্সন অসি ২৬/৭/২০২২দগী হৌগনি।
*****
(Release ID: 1834178)
Visitor Counter : 186