প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা কেন্দ্রগী কেবিনেৎনা ভারত সরকার অমসুং য়ুনাইতেদ নেসন্সকী মরক্তা পেলেস দি নেসন্স, য়ুনাইতেদ নেসন্স ওফিস জিনেভাদা (য়ু.এন.ও.জি.) শীজিন্নগদবা 'সে ফাইন্দিং এপ্লিকেসন'গী মতাংদা লৈবা য়ানচেরোল অমা খুৎয়েক পীনবদা কেবিনেৎনা অয়াবা পীখ্রে।

য়ুনাইতেদ নেসন্স (য়ু.এন.) অসি ১৯৪৫তা লিংখৎখিবা অন্তর্জাতিগী থাক্তা লৈবা ওর্গানাইজেসন অমনি। মসি হৌজিক্কী ওইনা মেম্বর স্তেৎ ১৯৩ লৈরি। ভারতসু য়ুনাইতেদ নেসন্স লিংখৎমিন্নখিবা লৈবাক অমা ওইরি।

য়ুনাইতেদ নেসন্স ওফিস, জিনেভা (য়ু.এন.ও.জি.) অসি বিল্দিং মঙা অমসুং ফ্লোর ২১ লৈদুনা পুৱারীগা শাগোন্নরিবা পেলেস দি নেসন্সতা লৈ। মশীং য়াম্লবা দেলিগেৎশিং, সিভিল সোসাইতীগী মীহুৎশিং অমসুং মীচম মীয়ামগী মরক্তগী কয়া অমনা য়ু.এন.ও.জি.দা তোঙান-তোঙানবা মীফম অমসুং মীতিন কয়া অমদা শরুক য়ানবগীদমক লাক্নরি।

চমম্ননিংঙাই ওইবা বিল্দিংশিং অমসুং মশীং য়াম্না শরুক য়ারবনা অৱাবা লৈরিবা অসিনা মরম ওইরগা থুংলরিবশিং অমসুং অতোপ্পা দেলিগেৎশিংনা সেক্যুরিতীগী ওইবা মীৎয়েং পুম্নমক ঙাকপগা লোয়ননা মখোয়না চঙগদবা মফমশিং থিবদা মতেং ওইগদবা লম্বী তাকপীবা এপ্লিকেসন অমগী তঙাইফদবা লৈদুনা লাক্লি।

গ্লোবেল পোজিসনিং সিস্তেম (জি.পি.এস.)তা য়ুম্ফম ওইবা এপ্সশিং অসিনা অহাংবা মফমশিংদা মথৌ তৌবনা মরম ওইদুনা, বিল্দিং মনুংদা মরীক চুম্না শীজিন্নবা য়াগদবা নেভিগেসনেল এপ অমনা থুংলরিবা মীওইশিংদা কা অমসুং ওফিসশিং তাকপদা মতেং পাংগনি।

'ৱে ফাইন্দিং এপ্লিকেসন' শাবগী প্রোজেক্ত অসি য়ুনাইতেদ নেসন্সকী ৭৫শুবা এনিভর্সেরীগী থৌরম ২০২০দা য়ু.এন.দা ভারত সরকারনা খুদোল তৌবা ওইনা হৌদোকখি। এপ অসিগী দিবেলপমেন্ত দিপ্লোইমেন্ত অমসুং মেন্তেনেন্সকী চঙবা য়াবা শেনফম অসি $ মিলিয়ন ২নি।

প্রোজেক্ত অসিদা য়ু.এন.এল.জি.গী মনুংদা লৈরিবা পেলেস দি নেসন্সদা লম্বী তাকপদা মতেং ওইগদবা সোফৱেয়রদা য়ুম্ফম ওইবা 'ৱে ফাইন্দিং এপ্লিকেসন' অমগী দিবেলপমেন্ত দিপ্লোইমেন্ত অমসুং মেন্তিনেস তৌবা চঙই। এপ্লিকেসন অসিনা শীজিন্নরিবশিংদা য়ুন.এন.ও.জি.গী বিল্দিং মঙাদা লৈরিবা ফ্লোর ২১ অসিগী মনুংদা পোইন্ত তু পোইন্ততগী লম্বী খঙহনবা ঙমগনি। এপ অসি এন্দ্রোইদ অমসুং আই.ও.এস. দিভাইসশিংদা ইন্তর্নেৎ কনেক্সন অমগা লোয়ননা শীজিন্নগনি। এপ অসি শাবগী থবক অসি সেন্তর ফোর দিবেলপমেন্ত ওব তেলিমেতিক্স (সি-দোত) হায়বা ওতোনোমস ওইবা তেলিকোম রিসর্স এন্দ দিবেলপমেন্ত সেন্তর হায়বা তেলিকম্যুনিকেসন বিভাগ (দোত), ভারত সরকারগী মখাদা লৈরিবা অসিনা পায়নবা শিন্নখি।

হায়রিবা প্রোজেক্ত অসি ভারত সরকারনা য়ু.এন.দা মতেং পাংবা শীংথানিংঙাই ওইরবা খুদোল অমা ওইরগনি। প্রোজেক্ত অসিনা ভারতকী তেক্নিকেলগী ওইবা হৈশিং অদু উৎপদা নত্তনা য়ু.এন.গী ফম্বাক্কী থাক্তা ভারতকী মায় চাউনা পুরক্লগনি। এপ অসিনা য়ু.এন. ভারতকী মফম অমা কল্লগনি অমসুং মসিগী লৈজরিবা মপাঙ্গল কল্লবা সোফৱেয়র তেক্নোলোজীগী হৈশিংলবা –'মেদ ইন ইন্দিয়া' এপ অমগী খুথাংদা মালেম শীনবা থুংনা সোফ পাৱর উৎথোক্লগনি। 

*****