নীংথৌকাবা নুমিৎতা হরিয়ানাগী ইন্দ্রধনুশ স্তেদিয়মদা খেলো ইন্দিয়া য়ুথ গেমস ২০২১ মাইপাক্না লোইশিনখ্রে। য়ুম্বু ওইরিবা হরিয়ানানা পুন্না মেদল ১৩৭ (সনা ৫২) লৌদুনা মকোক্তা লৈখি অমসুং মহারাস্ত্র (মেদল ১২৫ – সনা ৪৫) অমসুং কর্নাতকা (মেদল ৬৭ – সনা ২২) লৌদুনা তুং ইন্নখি।

লোইশিনবগী থৌরম অদুদা হরিয়ানাগী ইকাই খুম্নরবা রাজ্যপাল শ্রী বন্দারু দত্তাত্রেয়া, হরিয়ানাগী মুখ্য মন্ত্রী শ্রী মনোহর লাল খাত্তর, য়ুথ এফিয়র্স অমসুং স্পোর্তসকী কেন্দ্র মন্ত্রী, শ্রী অনুরাগ থাকুর, য়ুথ এফিয়র্স অমসুং স্পোর্তসকী রাজ্য মন্ত্রী, শহরী নিসিথ প্রামানিক অমসুং রাজ্য অসিগী স্পোর্তস মন্ত্রী শ্রী সন্দীপ সিংহ য়াওনা হরিয়ানাগী অতোপ্পা মশক নাইরবা দিগনিতরীশিংনা শরুক য়াখি।

থৌরম অসিদা ভারতকী প্রধান মন্ত্রী শ্রী নরেন্দ্র মোদীনা অখন্নবা পাউজেল অমা পীরদুনা মহাক্না হায়খি: “চহি খরা অসিদা লৈবাক অসিগী তেলেন্ত লৈরবা শান্নরোয়শিংনা মখোয় মশা, মখোয়গী ইমুং-মনুং অমদি লৈবাক পুম্ববু তোঙান-তোঙানবা ফম্পাকশিংদা পাঙথোকপা মশান্না কয়াদা উৎখিবা মখোয়গী পর্ফোরমেন্স অদুনা চাউথোকচবা পোকহনখি। শান্নরোয়শিং অসিগী তেলেন্ত অমসুং পর্ফোরমেন্স অসি ২১শুবা চহিচাগী ভারতনা মালেমগী ফম্পাক্তা মখোয়গী তৌবা ঙম্বা হেনগৎলক্লিবা অসিগী খুদম অমা ওইরি”।

“ঙসি লৈবাক অসিগী নহা ওইরিবা শান্নরোয়শিংগী অনিংবা অমসুং অপাম্বশিং অসিনা ৱারেপশিং লৌবা অমদি পোলিসীশিং শেম্নবগী য়ুম্ফম ওইরক্লি। ন্যু এজুকেসন পোলিসীদা স্পোর্তস প্রমোৎ তৌবা অসিনা মোদর্ন স্পোর্তস ইনফ্রাস্ত্রকচর শেমগৎপদা মীৎয়েং চংলি। মোদর্ন তেক্নোলোজীগী সিনর্জী অসিনা ঙসি ভারত্তা অচৌবা স্পোর্তস কলচর অমা শাগৎলি। স্পোর্তসকী লমদা তেলেন্ত মশক খঙদোকপা, সেলেক্সন তৌবা অমসুং ত্রেনিং পীবদগী শান্নরোয়শিংগী স্পোর্তিংগী মথৌ তাবশিং ফংহনবা য়াওনা সরকার অসিনা খোঙথাং খুদিংদা লৈবাক অসিগী তেলেন্ত লৈরবা শান্নরোয়শিংগীদমক লেপ্পি। লৈবাক অসিগী মফম খুদিংমক্তগী লাকপা নহা ওইরিবা শান্নরোয়শিংনা খেলো ইন্দিয়াগী ইদিসন অসিদা শরুক য়ারি অমসুং এক ভারত, শ্রেস্থ ভারতকী ৱাখল্লোন অদু নৌহৌননা পোকহল্লি। ঐখোয়গী নহারোলশিংনা শান্নবুংদা মখোয়গী থৌনা লিংজেল অদু উৎথোক্তুনা হনবা লৈতনা চংশিন্দুনা লৈবাক অসিগী মীংচৎ অমদি ইকাই খুম্নবা পুরক্নবা মাংদা চংশিনসি হায়বা অসি ঐখোয়গী অপাম্বনি।”, হায়না পি.এম.না মহাক্কী পাউজেল অদুদা ফোঙদোকখি।

কেন্দ্রগী স্পোর্তস মন্ত্রী শ্রী অনুরাগ থাকুরনা থৌরম অসিদা মহাক্না শরুক য়াখিবা শান্নরোয় পুম্নমক্তা থাগৎপা ফোঙদোকখি। “অনৌবা নেস্নেল রেকোর্দ ১২ থম্বা ঙমখি অমসুং ঐহাক্না শান্নরোয় পুম্নমক্তা থাগৎপা ফোঙদোকচরি”, হায়না শ্রী থাকুরনা ফোঙদোকখি। “খেলো ইন্দিয়া য়ুথ গেমসকী ইদিসন পুম্নমক্তা হরিয়ানা অমসুং মহারাস্ত্রগী মরক্তা লম্বা তৌনখি অমসুং হন্দকসু খেন্নবা করিসু লৈখিদে। হরিয়ানানা অমুক হন্না মকোক্তা লৈবা ঙমখিবা অসিগীদমক ঐহাক্না থাগৎপা ফোঙদোকচরি। হরিয়নানা ভারতকী স্পোর্তিং সুপরপাৱর স্তেৎ ওইনা মখা তানা খুদম চন্দুনা লাকখি।

শ্রী থাকুরনা হায়খি প্রো কবাদ্দিদগী স্কোতশিং য়াওখিবা অসি য়ুথ গেমসকী অখন্নবা এদিসন অমা ওইখি। “স্কোতশিং অসি লোৎশিন্দুনা লৈরিবা তৌবা ঙম্বা অদু পুথোক্নবা অমসুং অফবা ইন্তর্নেস্নেল এক্সপোজর পীনবগীদমক মেৎ খুচিংমক্তা বাওখি। কবাদ্দি শান্নরোয়শিংগী মথংগী মীরোলশিং গেমস অসিদগী থোরক্লগনি,” হায়না শ্রী থাকুরনা মখা তাখি।

কেন্দ্রগী মন্ত্রীনা জুলাই ১৫দগী ২৬ ফাওবা তাশকেন্তদা পাঙথোক্নবা শেম-শারিবা এসিয়ন য়ুথ এন্দ জুনিয়র চেম্পিয়নশিপ ২০২২দা ভারতকী মহুৎ শিন্নবা কে.আই.ৱাই.জি. ২০২২দগী ৱেথলিফতর ১৭ খনখিবা অসিগুম্বা গেমস অসিদগী ফংখিবা ইথিল পীনীংঙাই ওইবা থৌদোক অমদি ৱারী খরা পনখি। কর্নাতকাগী স্বিম্মর অনিশ গোদানা গেমস অসিদগী পুন্না সনাগী মেদল ৬ লৌদুনা খ্বাইদগী মশিং য়াম্না মেদল লৌখি। মহারাস্ত্রগী দ্যুও অপেক্ষা ফর্নান্দস (স্বিম্মিং) অমসুং সনয়ুক্তা ক্লে (রিথমিক জিমনাস্তিক্স)না সনাগী মেদল ৫-৫ লৌখি।

থা খরগী মতুংদা অমুক হন্না খেলো ইন্দিয়া ইভেন্তশিং পাঙথোকপগী আশা থম্লদধনা শ্রী থাকুরনা হায়খি, “ঐখোয়না খেলো ইন্দিয়া য়ুথ গেমস অমসুং য়ুনিভর্সিতী গেমস অসি নবেম্বর অমসুং মার্চকী মরক্তা অমুক হন্না পাঙথোকপা পাম্মি অমদি মসিনা শান্নরোয়শিংনা মখোয়গী তেলেন্ত অমুক হন্না উৎথোকচনবগী খুদোংচাবা অমা পীরগনি”।

*******