প্রধানমন্ত্রীগী লোইশঙ
প্রধান মন্ত্রীনা জুন ৯দা প্রগতি মাইদান্দা বাইওতেক স্তার্ত-অপ এক্সপো-২০২২ শঙ্গাগনি
Posted On:
07 JUN 2022 6:44PM by PIB Imphal
প্রধান মন্ত্রী, শ্রী নরেন্দ্র মোদীনা জুন ৯গী অয়ুক্কী পুং ১০ তাবা মতমদা নই দিল্লীগী প্রগতি মাইদান্দা বাইওতেক স্তার্ত-অপ এক্সপো- ২০২২ শঙ্গাগনি। মসিগী মতুংদা মহাক্না লৈবাক মীয়ামদা ৱারোল খরা থমগনি।
বাইওতেক স্তার্ত-অপ- ২০২২ অসি জুন ৯ অমসুং ১০দা পাংথোক্কদবা নুমিৎ নিনিগী থৌরম্নি। থৌরম অসি বাইওতেক্নোলোজী বিভাগ অমসুং বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.)না শীনবনি। বি.আই.আর.এ.সি. শেমখিবা চহি ১০ মপুং ফাবগীদমক্তা থৌরম অসি পাংথোকপনি। এক্সপো অসিগী থীম্না “বাইওতেক স্তার্ত-অপ ইন্নোভেসনঃ আত্মানির্ভর ভারতকী মাইকৈদা” হায়বসিনা ওইগনি।
এক্সপো অসিনা ওন্তোপ্রিনর, ইনভেস্তর, ইন্দস্ত্রীগী লুচিংবা, সাইন্তিস্ত, রিসর্চর, বাইও-ইনক্যুবেতর, মেন্যুফেকচরর, রিগ্যুলেতর, সরকারগী ওফিসিএলনচিংবা কয়াবু শম্নহন্নবা প্লেৎফোরম অমা ওইনা মথৌ তৌগনি। এক্সপো অসিদা চাউরাক্না স্তোল ৩০০ লৈগনি অমসুং মখোয়না হীরম কয়া অমগী মনুংদগী হেল্থকেয়র, জীনোমিক্স, বাইওফার্মা, লৌউ-শিংউ, ইন্দস্ত্রীএল বাইওতেক্নোলোজী, ৱেস্ত তু ভেল্যু, ক্লীন ইনর্জীগুম্বা লমদা বাইওতেক্নোলোজী শিজিন্নবগী থৌওং কয়া উৎকনি।
****
(Release ID: 1831913)
Visitor Counter : 159
Read this release in:
Telugu
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam