হকশেল অমসুং য়াইফ-য়ুম্বাল মন্ত্রালয়

ভারত সরকারগী শেন তিংদবা তেলিমেদিসিনগী থবক ‘ই-সঞ্জিবানি’ অসি নেসনেল হেল্থ মিসনগী অয়ুস্মান ভারত দিজিতেল মিসন(এ বি দি এম)গা পুনশিনখ্রে


‘ই-সঞ্জিবানি’ শীজিন্নরবশিংনা মখোয়গী দিজিত ১৪গী য়ুনিক অয়ুস্মান ভারত হেল্থ একাউন্ত(অভা) শেম্বা য়ারগনি অমসুং মসি মখোয়গী হকশেলগী রেকোর্দশিংগা শম্নবদা শীজিন্নগনি

Posted On: 03 JUN 2022 1:05PM by PIB Imphal

 ‘ই-সঞ্জিবানি’ অসি অয়ুস্মান ভারত দিজিতেল মিসনগা মাইপাক্না পুনশিল্লে হায়না নেসনেল হেল্থ ওথোরিতিনা লাউথোক্লে। পুনশিনবা অসিনা হকশেল অমসুং য়াইফ-য়ুম্বাল মন্ত্রলয়গী হৌজিক লৈরিবা তেলিমেদিসিনগী থবক ‘ই-সঞ্জিবানি’গী কান্নবা ফংলিবা মীওইশিংনা মখোয়গী অয়ুস্মান ভারত হেল্থ একাউন্ত য়াম্না লাইনা শেম্বা য়ারগনি অমসুং মখোয়গী হৌজিক লৈরিবা পেস্ক্রিপসনশিং, লেব রেকোর্দশিং য়াওনা হকশেলগী রেকোর্দশিং অসিগা নম্বর অসিগা শম্নবা য়ারগনি। অনাবশিংনা মখোয়গী হকশেলগী রেকোর্দশিং অদু ‘ই-সঞ্জিবানি’দা দোক্তরশিংদা য়েংহনবা য়ারগনি অমসুং মসিনা মখা তানা লায়য়েংবদা মতেং পাংলগনি।

পুনশিনবা অসিগী মতাংদা এন.ঐচ.এগী সি.ই.ও দোক্তর আর.এস শর্ম্মনা হায়খি ভারতকী ওইনা হকশেলগী থবক থৌরমশিং অমসুং মসিগা মরী লৈনবশিংগী মরক্তা হৌজিক লৈরিবা অৱাৎপশিং মেনখৎনবা দিজিতেল হায়ৱেজশিং শেমগৎনবা এ.বি.দি.এমনা পান্দম থম্লি। ‘ই-সঞ্জিবানি’গা এ.বি.দি.এমগা পুনশিনবা অসি খুদম অমনি অমসুং মসিনা এ.বি.ঐচ.এ ফংলবা মীওই কোতি ২২ রোম্না মখোয়গী হকশেলগী রেকোর্দশিং ‘ই-সঞ্জিবানি’গী খুৎথাংদা শম্নবা ঙম্লগনি। অনা-লায়য়েংবগী থবক খুদিংমক চে-চাং অমতা য়াওদনা ‘ই-সঞ্জিবানি’গী খুৎথাংদা অনাবশিংনা মখোয়গী হান্না শম্নখ্রবা হকশেলগী রেকোর্দশিং দোক্তরশিংদা য়েংহনবা য়ারগনি।

 ‘ই-সঞ্জিবানি’গী থবক অসি মখল অনি থোক্না লৈরি। অহানবা মখল অসিনা অনাবশিংনা ঐচ.দব্লিউ.সি অমদা চৎলগা ভর্চুএল ওইনা তেলিমেদিসিনগী খুৎথাংদা দোক্তরশিংগা ৱারি শানবা ‘ই-সঞ্জিবানি’ অয়ুস্মান ভারত-হেল্থ এন্দ ৱেলনেস সেন্তর-দোক্তর-তু-দোক্তর তেলিমেদিসিনগী থবক অসিনি। মসিনা সরকারনা খুঙ্গংশিং অমসুং মনুং-হুঞ্জিনবা মফমশিংগী মীয়ামদা অখন্নবা হকশেলগী খুদোংচাবশিং ফংহনবা ঙমহল্লে। অনিশুবা মখল অসিনা লৈবাক শীনবা থুংনবা লৈরিবা অনাবশিংগী থবক তৌরিবা ই-সঞ্জিবানি ও.পি.দি অসিনি। মসিনা অনাবশিংনা মখোয়গী য়ুমশিংদগী দোক্তরশিংগা হকথেংন্না শম্নবা ঙমহল্লি। মখল অনিমক হায়বদি ই-সঞ্জিবানি এ.বি-ঐচ.দব্লিউ.সি অমসুং ‘ই-সঞ্জিবানি’ ও.পি.দি অসি এ.বি.দি.এমদা পুনশিল্লে।

হৌজিক ‘ই-সঞ্জিবানি’ তেলিমেদিসন প্লেতফোর্মদা অতোপ্পা দিজিতেল হেল্থ এপ্পস ৪০ হেন্না শরুক য়ারে অমসুং মখোয় মপুংফানা এ.বি.দি.এমদা পুনশিল্লে। হায়রিবা হকশেলগী থবকশিং অসি য়াম্না মতিক চাবা, ওন্থোক-ওনশিনা তৌবা য়াবা অমসুং লৈবাক অসিদা অপুনবা দিজিতেল হেল্থ ইকোসিস্তেম অমা লৈহন্নবা থৌরাংনি। এ.বি.দি.এমদা য়াওরবা এপ্পসশিংগী অহেনবা মরোলশিং মফম অসিদগী খঙবা য়াগনি : https://abdm.gov.in/our-partners.

****



(Release ID: 1830974) Visitor Counter : 153