এদভেঞ্চরগী লমগা মরী লৈনবা মীওইশিংগী মায় পাকপশিং শকখঙনবা অমদি নহাশিংদা খাঙবা কনবা, খুদোংথিবা মায়োক্নবা, পুন্না থবক তৌমিন্নবা অমসুং খুদোংথিনিংঙাই ওইবা ফীভমদা থুনা, শেম শাদুনা অমদি মতিং লৈনা থবক পাঙথোকপা ঙম্নবগী মতিং শেমগৎনবগীদমক য়ুথ এফঞার্স এন্দ স্পোর্ত্স মন্ত্রালয়, ভারত লৈঙাক্না “তেঞ্জিং নোংগে নেস্নেল এদভেঞ্চর এৱার্দ” (তি.এন.এন.এ.এ.) কৌবা নেস্নেল এদভেঞ্চর অৱার্দ অমা লান্থোক্লি‍।

মনা অসিদা শেনজ্রেংগী মীতম অমা, শকখঙচে অমা, মুগাগী তাই য়াওবা ব্লেজর অমা/সারি অমা, অমসুং লুপা লাখ ১৫গী শেলগী মনা য়াওরি‍। মনা অসি ৱিন্নরশিংদা ভারত লৈঙাক্না অর্জুন এৱার্দকা লোয়ননা লান্থোকপন‍ি‍।

মহৌশানা কংফালগী এদভেঞ্চর, ঈশিংগী (সমুদ্র) এদভেঞ্চর, নোংথক্কী এদভেঞ্চর অমসুং লাইফতাইম এচীভমেন্ত ফোর এদভেঞ্চর এক্তিভিতীজ ওন লেন্দ, সী এন্দ এয়র হায়রিবা কাঙলুপ মরিসিদা মনা অমমম পীরমবনি‍। কংফালগী এদভেঞ্চর, ঈশিংগী (সমুদ্র) এদভেঞ্চর, নোংথক্কী এদভেঞ্চর হায়রিবা কাঙলুপ অহুমসিদা হৌখিবা চহি অহুমসিগী মায় পাকপশিং খন্নগনি অদুগা লাইফতাইম এচীভমেন্ত এৱার্দকীনা অপুনবা করিয়রবু খন্নগনি‍।

তি.এন.এন.এ.এ. ২০২১গী নোমিনেসন মে ১৮, ২০২২দগী জুন ১৬, ২০২২ ফাওবা পোর্তেল https://awards.gov.in গী খুত্থাঙদা কৌরি‍। মনা অসিগী চৎন-পথাপশিং য়ুথ এফ্যার্স এন্দ স্পোর্তস মন্ত্রালয়গর ৱেবসাইতকী পীরিবা য়ু.আর.এল.: https://yas.nic.in/youth-affairs/inviting-nominations-tenzing-norgay-national-adventure-award-2021 অসিদা ফংলে‍। পর্ফোর্মেন্ত নীংথিনা লৈরবা অমদি লুচিংবগী মশক থোকবা মতিং লৈবা, এদভেঞ্চর দিসিপ্লিনগী ৱাখল্লোন লৈবা অমদি এদভেঞ্চরগী অকক্নবা হীরম অমদা হায়বদি কংফাল, নোংথক নৎত্রগা ঈশিং (সমুদ্র) অসিদা লেপ্পা লৈতনা মায় পাকপা ফংলবা মীওই অমা হেক্তনা পোর্তেল অসিগী খুত্থাঙদা অরোইবা তাং জুন ১৬, ২০২২ ফাওবগী মনুংদা এপ্লাই তৌরকপা য়াগনি‍।

*******