યુવા બાબતો અને રમતગમત મંત્રાલય, ભારત સરકાર સાહસ ક્ષેત્રે સંકળાયેલી વ્યક્તિઓની સિદ્ધિઓને ઓળખવા અને યુવાનોને ભાવના વિકસાવવા, પ્રોત્સાહિત કરવા, સહનશક્તિ, જોખમ લેવું, સહકારી ટીમ વર્ક અને પડકારજનક પરિસ્થિતિઓમાં ઝડપી, તૈયાર અને અસરકારક પ્રતિક્રિયાઓ માટે "ટેન્ઝિંગ નોર્ગે નેશનલ એડવેન્ચર એવોર્ડ" (TNNAA) નામના રાષ્ટ્રીય સાહસ પુરસ્કારથી સન્માનિત કરે છે.

આ પુરસ્કારમાં બ્રોન્ઝ સ્ટેચ્યુટ, પ્રમાણપત્ર, સિલ્કન ટાઇ/સાડી સાથેનું બ્લેઝર અને રૂ. 15 લાખના એવોર્ડ મનીનો સમાવેશ થાય છે. ભારત સરકાર દ્વારા અર્જુન પુરસ્કારોની સાથે વિજેતાઓને આ એવોર્ડ આપવામાં આવે છે.

સામાન્ય રીતે, જમીન, સમુદ્ર અને હવા પરની સાહસ પ્રવૃત્તિઓ માટે લેન્ડ એડવેન્ચર, વોટર (સી) એડવેન્ચર, એર એડવેન્ચર અને લાઈફ ટાઈમ અચીવમેન્ટ એમ ચાર કેટેગરીમાં એક-એક એવોર્ડ આપવામાં આવે છે. લેન્ડ એડવેન્ચર, વોટર (સી) એડવેન્ચર, એર એડવેન્ચર નામની 3 કેટેગરી માટે છેલ્લા 3 વર્ષની સિદ્ધિઓ ગણવામાં આવે છે અને લાઈફ ટાઈમ અચીવમેન્ટ એવોર્ડ માટે, સમગ્ર કારકિર્દીની સિદ્ધિઓ ગણવામાં આવે છે.

TNNAA 2021 માટે નામાંકન પોર્ટલ https://awards.gov.in દ્વારા 18મી મે, 2022થી 16મી જૂન 2022 સુધી આમંત્રિત કરવામાં આવી રહ્યા છે. પુરસ્કાર માટેની માર્ગદર્શિકા યુવા બાબતો અને રમતગમત મંત્રાલયની વેબસાઈટ પર નીચે આપેલ લિન્ક પર ઉપલબ્ધ છે. URL: https://yas.nic.in/youth-affairs/inviting-nominations-tenzing-norgay-national-adventure-award-2021 . કોઈપણ વ્યક્તિ જે જમીન, હવા અથવા પાણી (સમુદ્ર)માં ઉત્તમ પ્રદર્શન ધરાવે છે અને નેતૃત્વના ઉત્કૃષ્ટ ગુણો ધરાવે છે, સાહસિક શિસ્તની ભાવના ધરાવે છે અને સાહસના એક ચોક્કસ ક્ષેત્રમાં સતત સિદ્ધિ ધરાવે છે તે ઉપરોક્ત પોર્ટલ દ્વારા છેલ્લી તારીખ એટલે કે 16મી જૂન, 2022 પહેલાં એવોર્ડ માટે અરજી કરી શકે છે.

SD/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com