নুপীশিংগী শাফনবা অমদি ঙাকশেলনা ইন্দিয়ন রেলৱেজকীদমক্তা খ্বাইদগী মরুওইবা থৌদাং ওইদুনা লাক্লি‍। রেলৱে প্রোতেক্সন ফোর্স (আর.পি.এফ.) অমসুং ফ্রন্তলাইন রেলৱে স্তাফশিংনা ইন্দিয়ন রেলৱেজতা নুপীশিংনা শাফনা অমদি অশোয় অঙাম য়াওদনা চৎহন্নবগীদমক চোকথবা নাইদনা হোৎনদুনা লাক্লি‍। নুপীশিংগী ঙাকশেলগী পান্দমদা কত্থোকপগা লোয়ননা ভারত পুমবগী ওইবা দ্রাইব “ওপরেসন মহিলা সুরক্সা” মে ৩দগী ৩১, ২০২২ ফাওবা চত্থখি‍।

দ্রাইব অসিগী মনুংদা আর.পি.এফ.না নুপীশিংগীদমক্তা রিজর্ব তৌবা কোচশিংদা অয়াবা য়াওদনা তোংলমবা মীওই ৭০০০ হেন্না ফাগৎখি‍। ার.পি.এফ.না নুপীমচা/নুপী ১৫০সু মী লল্লোনবগী অৱাবা নংলমগদবদগী কনখি‍।

নুপীশিংনা মখোয়গী খোঙচৎ পুমবদা শাফনা অমদি ঙাকশেলগা লোয়ননা চৎচবা ঙমহন্নবগী পান্দমদা ভারত পুমবগী ওইবা “মেরি সহেলি” কৌবা থৌরাং অমসু পায়খৎলি‍। নীংথিনা ত্রেন তৌরবা নুপী ওফিসর অমসুং পর্সোনেল তীম ২৮৩না (স্তেসন ২২৩ কোনশিন্দুনা) নোংমদা নুপী আর.পি.এফ. পর্সোনেল ১১২৫কী চাংদা মথৌ তৌহন্দুনা ইন্দিয়ন রেলৱেজকী মফম পুমবদা থমদুনা হায়রিবা মতমসিদা নুপী লাখ ২ লিশিং ২৫ হেনবগা ৱারী ৱাতায় শানদুনা মখোয়না হৌবদগী পন্থুংফম ফাওবগী ঙাকশেল পীখি‍।

নুপা অমসুং নুপী আর.পি.এফ. পর্সোনেলনা পুল্লগা শেমবা ত্রেন এস্কোর্ত দ্যুতীশিংসু হায়রিবা মতমসিদা পাক শন্না মথৌ তৌহনখি‍। অসুম্না পুল্লগা শেমবা এস্কোর্ত দ্যুতিশিং অসি খা খরগী মমাঙদা হৌখিবনি অমদি মীয়ামদগী অফবা ৱাফম কয়া লাক্লি‍।

রেল শীজিন্নরিবশিংদা মখোয়গী খোঙচৎ মনুংপা শাফনা লৈনবা অমদি তৌগদবা অমসুং তৌরোইদবশিংগী মরমদা খঙহন্নবগীদমক এৱ্যারনেস কেম্পেন ৫৭৪২ পাঙথোকখি‍। হায়রিবা থা অমা শানবা ওপরেসন অসিগী মনুংদা আর.পি.এফো পর্সোনেলশিংনা মখোয়গী পুন্সিবু খুদোংথিবগা মায়োক্নদুনা ত্রেন চেল্লিঙৈদা কাখৎলকপা/কুমথখিবদা নান্থখিবা চেল্লিবা ত্রেন্দুনা তকপগী য়াবগী ওইথোকপা চাউনা লৈবা নুপী ১০গী পুন্সি কনখি‍।

ইন্দিয়ন রেলৱেজনা রেলৱে নেতৱর্কসিদা নুপীশিংদা হেন্না ঙাকশেলগী থৌরাং ফংহন্নবা লেপ্পা লৈতনা হোৎননবা ফিরেপ লৌরি‍।

*******