ইন্তর্নেস্নেল দে ওফ য়োগ (আই.দি.ৱাই.২০২২)গী ২৫শুবা কাউনদাউন পাঙথোক্নবা ঙসি হায়দরাবাদতা য়োগ উৎসব য়াওবা লম কয়াদগী মীওই লিশিং কয়া লাকখি। থৌরম অসি তেলঙ্গানা সরকারগী তেংবাংগা লোয়ননা ভারত সরকারগী আয়ুশ মন্ত্রালয়না শিনবনি। থৌরম অসিদা তেলঙ্গানাগী রাজ্যপাল, দা. ত,ইলিসাই সৌনদরারজন্না অথোইবা মীথুংলেন ওইনা লেংশিন্দুনা শরুক য়াখি। লোয়ননা থৌরম অসিদা কেন্দ্রগী আয়ুশ, পোর্তস, শিপ্পিং অমসুং ৱাতরৱেজকী মন্ত্রী, শ্রী সর্বানন্দ সোনোৱাল’ কেন্দ্রগী তুরিজম, কলচর অমসুং দোনর মন্ত্রী, শ্রী জি কিশন রেদ্দী; আয়ুশ অমসুং দবল্য.সি.দি.গী এম.ও.এস. দা মুঞ্জপরা মহেন্দ্রভাই কলুভাই; অমসুং তেলঙ্গানা সরকারগী শেল-থুম, হকশেল, মেদিকেল অমসুং ফেলিমি ৱেল্ফিয়রগী মন্ত্রী, শ্রী থাননীরু হরিশ রাওসু শরুক য়াখি। উৎসব অসিগী থিমনা ‘মেক য়োগ এ পার্ত ওফ য়োর লাইফ’ হায়বা অসিনা ওইখি।

থৌরম অসি আয়ুশ মন্ত্রালয়গী মখাদা লৈবা মোরার্জী দেসাই নেস্নেল ইন্সতিত্যুত ওফ য়োগ (এম.দি.এন.আই.ৱাই.)না শিনখি, মসিদা য়োগ পামজবা মীওই ১০,০০০ হেনবনা কম্মন য়োগ প্রোতোকল (সি.ৱাই.পি.) উৎখি। সেসন অসি এম.দি.এন.আই.ৱাই.গী দিরেক্তর দা. ইশ্বর ভি. বসাবারাদ্দিনা লমজিংখি। থৌরম অসিনা য়োগগী হীরম কয়ামরুম অমসুং মসুনা মীওইবগী পুন্সি ফগৎহনবা ঙম্বা অদুগী মতাংদা এৱের্নেস পীনবা পান্দম থম্মি। ‘মেক য়োগ এ পার্ত ওফ য়োর লাইফ’  হায়বা অসিনা থিম ওইখিবা উৎসব অসিদা স্পোর্তস, সিনেমা অমসুং কলচরদগী মশক নাইবা মীওই কয়ানা শরুক য়াখি অমসুং অতোপ্পা য়োগ পামজবা মীওইশিংগা লোয়ননা সি.ৱাই.পি. তৌখি।

থৌরম অসিদা ৱা ঙাংলদুনা শ্রী সর্বানন্দ সোনোৱালনা হায়খি ঐখোয়না য়োগ অসি ঐখোয়গী পুন্সিগী শরুক অমা ওইহন্দুনা ঐখোয়গী মমল য়াম্লবা হেরিতেজ অসি চাউখৎহনবা তাই। মসিনা ঐখোয়গী হকশেল অমসুং পুক্নিং ৱাখল ফনা থম্মি। মহাক্না হায়খি ঙসিগী থৌরম অসিগী মাইপাকপনা প্রধান মন্ত্রী নরেন্দ্র মোদীজীনা মালেমদা লৈরিবা য়োগ পামজবা অমসুং প্রেক্তিসনরশিংগা লোয়ননা মাইসুরুদা জুন ২১দা পাঙথোক্কদবা ৮শুবা ইন্তর্নেস্নেল দে ওফ য়োগ অসিদা ইনোৎ হাপ্লগনি, হায়না মহাক্না ফোঙদোকখি। মন্ত্রীনা য়োগ উৎসব অসিগী নুংগী ওইবা ৱাখল্লোন্দি মীয়ামবু ঐখোয়গী চহি লিশিং কয়া শুরবা সভ্যতা অসিগী নীংথিজরবা খুদোল ওইরিবা য়োগ অসি তৌনবা পুক্নিং থৌগৎতুনা মখোয়গী পুন্সিগী মগুন হাপ্নবা হোৎনবা হায়বা অসিনি হায়না ফোঙদোকখি।

শ্রী সোনোৱালনা “গর্জিয়ন রিং” কৌবা মরু ওইবা পুক্নিং চীংশিন্নীংঙাই ওইবা থৌরম অমসু লাউথোকখি, মসিদা মালেম শিনবা থুংবদা য়োগগী পালন তৌরিবা অসি য়োগ নুমিৎ চুপ্পদা রিলে তৌগনি। চহি খুদিংগী মপালদা লৈরিবা মিসনশিংনা মালেমগী য়োগগী নুমিৎতা য়োগগী এক্তিবিতীশিং পাঙথোকই। গর্জিয়ন রিং এক্তিবিতী অসিনা তোঙান-তোঙানবা মিসনদগী ফীদ অদু পুন্না পুনশিনগনি। স্ত্রীমিং অসি লেন্দ ওফ দি রাইজিং সন – জপান্দগী লোকেল তাইমদা অয়ুক পুং ৬তগী হৌগনি অমসুং নোংপোকলোমদা চত্থরক্কনি। নুমিৎ থোকপগী মফম মতমগী মতুং ইন্না অতোপ্পা লৈবাকশিংদগী স্ত্রীম তৌগনি। মসি দি.দি. ইন্দিয়াদা লাইব তেলিকাস্ত তৌগনি। “দি গর্জিয়ন রিং” অসিদা “ৱান সন, ৱান আর্থ” হায়বা ৱাখল্লোন অসি য়াওরি অমসুং য়োগগী অপুনবা শক্তি অসি উৎকনি। ঐখোয়গী রন অপ ইভেন্তশিংগী শরুক অমা ওইনা আজাদী কা অমৃত মহোৎসবকী শরুক ওইনা ভারত শিনবা থুংবদা লৈরিবা আইকনিক ওইবা মফম ৭৫দা পাঙথোক্কদবা য়োগ উৎসব অসিদা মীওই করোর ২৫ হেনবনা শরুক য়াগনি।

য়োগ উৎসব অসি আর্কিওলোজিকেল সাইৎ মঙা হায়বদি রাখিগরি (হরিয়ানা), হস্তিনাপুর (উত্তর প্রদেশ), সিবসাগর (অসাম), ধোলাবিআ (গুজরাত) অমসুং অদিচানল্লুর (তামিল নাদু) হায়রিবা অসিদা শিনখি অমসুং ভারত শিনবা থুংববু “আইকনিক” সাইৎ ওইহনখি। আই.দি.ৱাই.২০২২গী ১০০শুবা কাউন্তদাউনগী কর্তেন রাইজর ইভেন্ত অসিমার্চ ১৩দা পাঙথোকখি অমরোমদা ৭৫সুবা কাউন্তদাউন ইভেন্ত অসিনা দিল্লীগী লাল কিলাদা পাঙথোকখি। মসিগী মতুংদা ৫০শুবা কাউন্তদাউন ইভেন্ত অসি অসামগী সিবসাগরদা লৈবা শিব দোল মন্দিরদা মে ২, ২০২২দা পাঙথোকখি। জুন ২১গী ৮শুবা ইন্তর্নেস্নেল দে ওফ য়োগ অসি কর্নাতকাগী মাইসুরুদা পাঙথোক্কনি মসিদা ভারতকী প্রধান মন্ত্রী, নরেন্দ্র মোদীনা মাস য়োগ দেমোনস্ত্রেসন লমজিংগনি। মন্ত্রালয় অসিনা মমাংগী ইন্তর্নেস্নেল দে ওফ য়োগগী হায়লাইৎশিং অমসুং মাইপাকখিবশিং উৎনবা মাইরুরুদা দিজিতেল য়োগ একজিবিসন অমা শিন্নবা থৌরাংসু তৌরি।

৮শুবা ইন্তর্নেস্নেল দে ওফ য়োগ অসি মালেম শিনবা থুংবদা য়োগগী পাউজেল পীনবা মন্ত্রালয় অসিদা প্রোগ্রাম কয়ামরুমগী খুত্থাংদা প্রমোৎ তৌরি। ইন্তর্নেস্নেল দে ওফ য়োগ অসি মালেম শিনবা থুংনা চহি খুদিংগী জুন ২১দা পাঙথোকই। চহি অসিগী য়োগ উৎসব অসি ব্রান্দ ইন্দিয়াদা ইনোৎ অমা হাপ্নবা ‘আজাদী কা অমৃত মহোৎসব’কী শরুক ওইনা ইতিহাসিক ওইনা মরু ওইবা হেরিতেজ সাইৎ ৭৫দা পাঙথোক্কনি। সরকারগী মন্ত্রালয়, দিফেন্স ফোর্স অমসুং অতোপ্পা য়ুনিফোর্ম সর্ভিস ওর্গনাইজেসন পুম্নমক্না মসি য়োগবু অচৌবা মাইপাকপা অমা ওইহন্দুনা হকচাং ফনা থম্নবা মাইকৈদা পুন্না চংশিল্লগনি।

ইহৌ অসিদা মীপুম খুদিংমক য়াওহন্নবা আয়ুশ মন্ত্রালয়না লৈবাক অসিগী কাচিন-কোয়াদা লৈরিবা গ্রাম পঞ্চায়ৎ পুম্নমক য়াওহন্নবা থৌরাং তৌরি। মসিনা ইহৌ অসি সহরগী মফমশিংদগী হেন্দোক্তিনা ভারতকী মফম খুদিং য়ৌহনবা ঙমগনি। মন্ত্রাকয় অসিনা খুঙ্গংগী মফমশিংদগী হেন্না শরুক য়ারক্নবা পুক্নিং থৌগৎনবা হোৎনরি।

*********