یوگا کے بین الاقوامی دن (آئی ڈی وائی 2022) کی 25 دن کی الٹی گنتی کے موقع پر آج یہاں حیدرآباد میں زندگی کے تمام شعبوں سے تعلق رکھنے والے ہزاروں افراد یوگا اتسو میں شامل ہوئے۔ اس تقریب کا اہتمام وزارت آیوش، حکومت ہند نے حکومت تلنگانہ کے فعال تعاون سے کیا تھا۔ اس تقریب میں تلنگانہ کے گورنر ڈاکٹر تاملیسائی سوندراراجن نے شرکت کی، جنہوں نے اس موقع پر بطور مہمان خصوصی شرکت کی۔ آیوش، بندرگاہوں، جہاز رانی اور آبی گزرگاہوں کے مرکزی وزیر ، جناب سربانند سونووال؛ مرکزی وزیر برائے سیاحت، ثقافت اور ڈونر، جناب جی کشن ریڈی؛ آیوش اور ڈبلیو سی ڈی  کے لئے وزیر مملکت  ڈاکٹر منجپارا مہندر بھائی کالو بھائی؛ اور تلنگانہ حکومت میں مالیات، صحت، طبی اور خاندانی بہبود کے وزیر، جناب تھانیرو ہریش راؤ نے اتسو میں  شرکت کی ۔  اتسو کا موضوع تھا ‘یوگا کو اپنی زندگی کا حصہ بنائیں’۔

یہ تقریب آیوش کی وزارت کے تحت مورار جی دیسائی نیشنل انسٹی ٹیوٹ آف یوگا (ایم ڈی این آئی وائی ) کے ذریعہ منعقد کی گئی تھی جہاں 10,000 سے زیادہ یوگا کے شوقین افراد نے کامن یوگا پروٹوکول (سی وائی پی ) کا مظاہرہ کیا۔ سیشن کی ہدایت ڈاکٹر ایشور وی بسواراڈی، ڈائریکٹر، ایم ڈی این آئی وائی نے کی۔ اس تقریب کا مقصد یوگا کی مختلف جہتوں اور انسانی زندگیوں کو بہتر بنانے کی اس کی صلاحیت کے بارے میں بیداری پیدا کرنا تھا۔ اتسو، جس کا موضوع ہے ‘‘یوگا کو اپنی زندگی کا حصہ بنائیں’’ اس میں کھیلوں کی دنیا کی کئی مشہور شخصیات نے شرکت کی جیسے پی وی سندھو، سائنا نہوال، لکشیا سین، کے سری کانتھ، بیڈمنٹن سے ستوک سائراج رینکیریڈی؛ کرکٹ سے متالی راج، ایچ ایس پرانوئے، پرگیان اوجھا؛ ٹیبل ٹینس سے نینا جسوال؛ اور ہاکی سے مکیش۔ اس کے علاوہ، اس تقریب میں، سنیما اور ثقافت کی دنیا کی مشہور شخصیات جیسے مانچو وشنو، موگلایا، سندیپ کشن، نکھل سدھارتھ، لاونیا ترپاتھی اور دل راج نے دیگر یوگا کے شائقین کے ساتھ اس تقریب میں سی وائی پی  کا مظاہرہ کیا۔

اس موقع پر خطاب کرتے ہوئے جناب سربانند سونووال نے کہا کہ ہمیں یوگا کو اپنی زندگی کا حصہ بنا کر اپنے شاندار ورثے کو منانا چاہیے۔ یہ ہماری صحت اور دماغ کو تقویت بخشتا ہے۔ انہوں نے کہا کہ آج کے پروگرام کی کامیابی میسورو میں 21 جون کو یوگا کے 8ویں بین الاقوامی دن کی طرف مزید رفتار دے گی جہاں وزیر اعظم نریندر مودی جی دنیا بھر کے شائقین اور پریکٹیشنرز کے ذریعہ یوگا کے شاندار جشن کی قیادت کریں گے۔ وزیر موصوف نے کہا کہ اس یوگا اتسو کے پیچھے لوگوں کو یوگا کرنے کی ترغیب دینا ہے، جو ہماری ہزاروں سال کی تہذیب کا ایک شاندار تحفہ ہے، تاکہ وہ اپنے معیار زندگی کو بہتر بنا سکیں۔

جناب سونووال نے مزید ایک اور بڑی کشش کا اعلان کیا، جسے‘‘گارڈین رنگ’’ کے نام سے جانا جاتا ہے، جس کے تحت پوری دنیا میں یوگا کی تقریبات یوگا کے دن کے دوران پیش کی جائیں گی۔ ہر سال بیرون ملک مشن یوگا کے عالمی دن پر یوگا سرگرمیوں کا اہتمام کرتے ہیں۔ گارڈین رنگ کی سرگرمی مختلف مشنوں کی جوابات کو اکٹھا کرے گی۔ا سٹریمنگ جاپان سے شروع کی جائے گی- ابھرتے ہوئے سورج کی سرزمین- مقامی وقت کے مطابق صبح 6 بجے اور پھر مغرب کی طرف بڑھے گی۔ جیسے ہی سورج طلوع ہوگا، دوسرے ممالک سے اسٹریمنگ کی جائے گی۔ ڈی ڈی انڈیا پر لائیو ٹیلی کاسٹ ہوگا۔‘‘دی گارڈین رنگ’’ ‘‘ایک سورج، ایک زمین’’ کے تصور کی نشاندہی کرتا ہے اور یوگا کی متحد ہ قوت کو ظاہر کرتا ہے۔ ہمارے رن اپ پروگراموں کے ایک حصے کے طور پر، آزادی کا امرت مہوتسو کے ایک حصے کے طور پر، تقریباً 25 کروڑ یا اس سے زیادہ ہندوستان بھر میں 75 مشہور مقامات پر ان یوگ اتسو میں شامل ہوں گے۔

یوگا اتسو پانچ آثار قدیمہ کے مقامات پر بھی  منعقد کیا گیا تھا۔ راکھی گاڑی (ہریانہ)، ہستینا پور (اتر پردیش)، سیواساگر (آسام)، دھولاویرا (گجرات) اور اڈیچنالور (تمل ناڈو) پورے ہندوستان میں ‘‘مشہور’’ مقامات میں شامل ہیں۔ آئی  ڈی وائی 2022 کے 100 دن کے الٹی گنتی کے موقع پر تعارفی  پروگرام 13 مارچ کو منایا گیا جبکہ دہلی کے لال قلعہ میں 75 دن کی الٹی گنتی کی تقریب کا اہتمام کیا گیا۔ اس کے بعد 2 مئی 2022 کو آسام کے شیوا ساگر میں شیوا ڈول مندر کے احاطے میں 50 دن کی الٹی گنتی کی تقریب ہوئی۔ 21 جون کو یوگا کے عالمی دن کی تقریب کرناٹک کے میسور میں ہوگی جہاں ہندوستان کے وزیر اعظم نریندر مودی بڑے پیمانے پر یوگا کے مظاہرہ کی قیادت کریں گے۔ وزارت ، یوگا کے بین الاقوامی دن کے تمام پچھلے ایڈیشنوں کی نمایاں جھلکیاں اور کامیابیوں کو دکھانے کے لیے میسور میں ایک ڈیجیٹل یوگا نمائش منعقد کرنے کا بھی منصوبہ بنا رہی ہے۔ نمائش میں یوگا کی طاقت، بہترین مشق، تحقیقی جھلکیاں، کامن یوگا پروٹوکول وغیرہ بھی شامل ہوں گے۔

یوگا کے بین الاقوامی دن کے آٹھ ایڈیشن کو دنیا بھر میں یوگا کے پیغام کو وسیع تر سامعین تک پہنچانے کے لیے وزارت کے ذریعے متعدد پروگراموں کے ذریعے فروغ دیا جا رہا ہے۔ یوگا کا عالمی دن ہر سال 21 جون کو پوری دنیا میں منایا جاتا ہے۔ اس سال یوگا اتسو ‘آزادی کا امرت مہوتسو’ کے حصے کے طور پر تاریخی اہمیت کے 75 ورثہ   والے مقامات پر منایا جا رہا ہے تاکہ برانڈ انڈیا کو تقویت ملے۔ یوگا کے ذریعے فلاح و بہبود کی اس تحریک کو شاندار کامیابی سے ہمکنار کرنے کے لیے حکومت کی تمام وزارتیں، دفاعی افواج اور دیگر یونیفارم والی سروس تنظیمیں مل کر کام کر رہی ہیں۔

ہر کسی کو اس تحریک کے دائرے میں لانے کے لیے، آیوش کی وزارت ملک کے طول و عرض میں تمام گرام پنچایتوں کے ساتھ منسلک ہونے کا منصوبہ بنا رہی ہے۔ یہ تحریک کو شہری علاقوں سے آگے ہندوستان کے قلب میں لے جائے گا۔ وزارت دیہی علاقوں سے زیادہ سے زیادہ شرکت کی حوصلہ افزائی کے لیے پرعزم ہے۔

*************

( ش ح ۔ ا ک۔ ر ب(

U. No. 5803