প্রধান মন্ত্রী শ্রী নরেন্দ্র মোদীনা মে ২৮, ২০২২দা গুজরাত্তা চৎকনি। অয়ুং পুং ১০ রোম তারকপদা প্রধান মন্ত্রীনা আতকোৎ, রাজকোৎকী নৌনা শাবা মতুশ্রী কে.দি.পি. মলতিস্পেসিএলিতী হোস্পিতালদা চৎকনি। মসিগী মতুংদা ভেন্যু অসিদা মীয়ামগী ওইবা থৌরম অমদা মহাক্না ৱা ঙাংগনি। মতুংদা নুমিদাং ৱাইরম পুং ৪ তারকপদা প্রধান মন্ত্রীনা মহাত্মা মন্দির, গান্ধিনগরদা ‘সহকার সে সমৃদ্ধি’গী মতাংদা কোওপরেতিব ইন্সতিত্যুসন কয়ামরুমগী লুচিংবশিংগী সেমিনার অমদা ৱা ঙাংগনি, মসিদা মহাক্কা আই.এফ.এফ.সি.ও., কালোলদা শাবা নেনো য়ুরিয়া (লিক্বিদ) প্লান্ত শঙ্গাগনি।

পি.এম.না গান্ধিনর চৎপা

গুজরাতকী কোওপরেসন সেক্তরনা অপুনবা লৈবাক অসিগী ওইনা ফীদম্নীংঙাই ওইবা মোদেল অমা ওইরি। কোওপরেতিব সেক্তরদা রাজ্য অসিগী ওইনা সোসাইতী ৮৪,০০০ হেন্না লৈ। মেম্বর লাখ ২৩১না সোসাইতীশিং অসিগী মরী লৈনরি। রাজ্য অসিদা কোওপরেতিবকী ইহৌ মপাঙ্গল কনখৎহন্নবগী মাইকৈদা পাইখৎপা শীংথানীংঙাই ওইবা খোঙথাং অমা ওইনা মহাত্মা মন্দির, গান্ধিনগরদা ‘সহকার সে সমৃদ্ধি’ হায়বা অসিদা কোওপরেতিব ইন্সতিত্যুসন কয়ামরুমগী লুচিংবশিংগী সেমিনার অমা পাঙথোক্কনি। রাজ্য অসিগী কোওপরেতিব ইন্সতিত্যুসন কয়ামরুমদগী মীহুৎ ৭,০০০ হেনবনা সেমিনার অসিদা শরুক য়াগনি।

লৌমীশিংদা পোত্থোক পুথোকপদা শাহৌ পীগদবা পাম্বৈশিং পীনবা অমসুং মখোয়গী শেন্থোক হেনগৎহনবদা মতেং পাংনবা খোঙথাং অমা ওইনা প্রধান মন্ত্রীনা লুপা করোর ১৭৫ চংনা আই.এফ.এফ.সি.ও., কালোলদা শাখিবা নেনো য়ুরিয়া (লিক্বিদ) প্লান্ত শঙ্গাগনি। অলত্রামোদর্ন নেনো ফর্তিলাইজর প্লান্ত অসি নেনো য়ুরিয়া শীজিন্নদুনা মহৈ-মরোংগী পোত্থোক হেনগৎহন্নবগী ৱাখল্লোনগা লোয়ননা লিংখৎখি। প্লান্ত অসিনা নোংমদা মিলিলিতর ৫০০গী বোত্তল লাখ ১.৫ পুথোক্কনি।

পি.এম.না আতকোৎ, রাজকোৎতা চৎপা

প্রধান মন্ত্রীনা চৎকদবা মতুশ্রী কে.দি.পি. মলতিস্পেসিএলিতী হোস্পিতাল অসি শ্রী পতেল সেবা সমাজনা চল্লাইরি। মসিদা হায় এন্দ মেদিকেল ইক্বিমেন্ত থমগনি অমসুং লমদম অসিগী মীয়ামদা মালেমগী থাক্কী হেল্থকিয়র ফেসিলিতীশিং ফংহনগনি। খোঙচৎ অসিগী মতুংদা প্রধান মন্ত্রীনা মীয়ামগী ওইবা থৌরম অমদা ৱা ঙাংগনি।

******