ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଶ୍ରୀ ଗଣପତି ସଚ୍ଚିଦାନନ୍ଦ ସ୍ୱାମୀ ଜୀ’ଙ୍କର ୮୦ ତମ ଜନ୍ମଦିନ ଅବସରରେ ପ୍ରଧାନମନ୍ତ୍ରୀଙ୍କ ବକ୍ତବ୍ୟ
“ପ୍ରକୃତି ନିମନ୍ତେ ବିଜ୍ଞାନର ଉପଯୋଗ ଏବଂ ଆଧ୍ୟାତ୍ମିକତା ସହିତ ପ୍ରଯୁକ୍ତିର ସମ୍ମିଶ୍ରଣ ଗତିଶୀଳ ଭାରତର ଆତ୍ମା ଅଟେ”
“ଆଜି ଦୁନିଆ ଆମର ଷ୍ଟାର୍ଟଅପ୍ ଗୁଡିକୁ ନିଜର ଭବିଷ୍ୟତ ଭାବେ ଦେଖୁଛି । ଆମର ଉଦ୍ୟୋଗ ଏବଂ ଆମର ‘ମେକ୍ ଇନ୍ ଇଣ୍ଡିଆ’ ବିଶ୍ୱ ସ୍ତରରେ ବିକାଶ ନିମନ୍ତେ ଆଶାର କିରଣ ହେବାରେ ଲାଗିଛି”
Posted On:
22 MAY 2022 12:54PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଏକ ଭିଡିଓ ବାର୍ତା ମାଧ୍ୟମରେ ଶ୍ରୀ ଗଣପତି ସଚ୍ଚିଦାନନ୍ଦ ସ୍ୱାମୀ ଜୀ’ଙ୍କର ୮୦ ତମ ଜନ୍ମଦିନ ସମାରୋହକୁ ସମ୍ବୋଧିତ କରିଛନ୍ତି । ପ୍ରଧାନମନ୍ତ୍ରୀ ଏହି ଶୁଭ ଅବସରରେ ଶ୍ରୀ ଗଣପତି ସଚ୍ଚିଦାନନ୍ଦ ସ୍ୱାମୀ ଜୀ ଏବଂ ସେମାନଙ୍କର ଅନୁଗାମୀ ମାନଙ୍କୁ ଶୁଭେଚ୍ଛା ଜଣାଇଛନ୍ତି । ଶ୍ରୀ ମୋଦୀ ସାଧୁସନ୍ଥ ଏବଂ ବିଶିଷ୍ଟ ଅତିଥି ମାନଙ୍କ ଦ୍ୱାରା ‘ହନୁମତ ଦ୍ୱାର’ର ପ୍ରବେଶ ଦ୍ୱାରର ଉତ୍ସର୍ଗ କରାଯିବା ସମ୍ପର୍କରେ ମଧ୍ୟ ଉଲ୍ଲେଖ କରିଥିଲେ ।
ଶାସ୍ତ୍ରରୁ ଉଦ୍ଧୃତ କରି ପ୍ରଧାନମନ୍ତ୍ରୀ କହିଥିଲେ ଯେ, ଶ୍ରୀ ଗଣପତି ସଚ୍ଚିଦାନନ୍ଦ ସ୍ୱାମୀ ଜୀ’ଙ୍କର ଜୀବନ ଏହି ତଥ୍ୟର ଏକ ଜୀବନ୍ତ ଉଦାହରଣ ଅଟେ, ଯେ ସାଧୁସନ୍ଥ ମାନେ ମାନବତାର କଲ୍ୟାଣ ନିମନ୍ତେ ଧରାପୃଷ୍ଠରେ ଅବତରଣ କରିଥାଆନ୍ତି ଏବଂ ସେମାନଙ୍କର ଜୀବନ ସାମାଜିକ ଉତ୍ଥାନ ଏବଂ ମାନବ କଲ୍ୟାଣ ସହିତ ଯୋଡି ହୋଇ ରହିଥାଏ । ପ୍ରଧାନମନ୍ତ୍ରୀ ସନ୍ତୋଷ ବ୍ୟକ୍ତ କରି କହିଥିଲେ ଯେ, ଦତା ପୀଠମ୍ରେ ଆଧ୍ୟାତ୍ମିକତା ସହିତ ଆଧୁନିକତାର ମଧ୍ୟ ପୁଷ୍ଟି ହୋଇଛି । ସେ ଥ୍ରୀ –ଡି ମ୍ୟାପିଂ ଭବ୍ୟ ହନୁମାନ ମନ୍ଦିର ଏବଂ ଲାଇଟ୍ ଆଣ୍ଡ ସାଉଣ୍ଡ୍ ସୋ (ଆଲୋକ ଏବଂ ଶବ୍ଦ କାର୍ଯ୍ୟକ୍ରମ) ଏବଂ ଆଧୁନିକ ପରିଚାଳନା ସୁବିଧା ସମ୍ପନ୍ନ ପକ୍ଷୀ ପାର୍କ (ଉଦ୍ୟାନ) ର ଉଦାହରଣ ଦେଇଥିଲେ ।
ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯେ, ବେଦ ଅଧ୍ୟୟନର ଏକ ମହାନ କେନ୍ଦ୍ର ହେବା ସହିତ, ଦତ ପୀଠମ୍ ସ୍ୱାସ୍ଥ୍ୟ ଉଦ୍ଦେଶ୍ୟରେ ସଙ୍ଗୀତର ଉପଯୋଗ କରିବା ନିମନ୍ତେ ପ୍ରଭାବଶାଳୀ ନବୋନ୍ମେଷ କରୁଛନ୍ତି । “ପ୍ରକୃତି ନିମନ୍ତେ ବିଜ୍ଞାନର ଏହି ପ୍ରୟୋଗ, ଆଧ୍ୟାତ୍ମିକତା ସହିତ ପ୍ରଯୁକ୍ତିର ଏହି ସମ୍ମିଶ୍ରଣ ଗତିଶୀଳ ଭାରତର ଆତ୍ମା ଅଟେ । ମୁଁ ବହୁତ ଖୁସି ଯେ, ସ୍ୱାମୀ ଜୀ’ଙ୍କ ଭଳି ସନ୍ଥ ମାନଙ୍କର ପ୍ରୟାସ ଗୁଡିକ ଯୋଗୁଁ ଆଜି ଦେଶରେ ଯୁବକ ମାନେ ନିଜର ପରମ୍ପରା ଗୁଡିକର ଶକ୍ତି ସହିତ ପରିଚିତ ହେବାରେ ଲାଗିଛନ୍ତି ଏବଂ ସେଗୁଡିକୁ ଆଗକୁ ନେଇ ଯାଉଛନ୍ତି” ବୋଲି ଶ୍ରୀ ମୋଦୀ କହିଥିଲେ ।
ଆଜାଦୀର ଅମୃତ ମହୋତ୍ସବ ଚାଲିଥିବା ସମୟରେ ପଡୁଥିବା ଶୁଭ ଅବସରରେ, ପ୍ରଧାନମନ୍ତ୍ରୀ ନିଜ କଥା ଭାବିବା ପୂର୍ବରୁ ସମସ୍ତଙ୍କ କଥା ବିଚାର କରିବା ନିମନ୍ତେ ସନ୍ଥ ମାନଙ୍କର ଶିକ୍ଷାକୁ ମନେ ପକାଇ ଥିଲେ । ସେ କହିଥିଲେ ଯେ, ‘ସବ୍କା ସାଥ, ସବ୍କା ବିକାଶ, ସବ୍କା ବିଶ୍ୱାସ ଏବଂ ସବ୍କା ପ୍ରୟାସ’ର ମନ୍ତ୍ର ସହିତ ଦେଶ ସାମୂହିକ ପ୍ରତିଶ୍ରୁତି ଗୁଡିକର ଆହ୍ୱାନ କରୁଛି । ଆଜି ଦେଶ ନିଜର ପ୍ରାଚୀନତାର ସଂରକ୍ଷଣ କରୁଛି ଏବଂ ତାହାର ପ୍ରଚାର ପ୍ରସାର ମଧ୍ୟ କରୁଛି, ଏହା ସହିତ ସେଗୁଡିକର ନୂତନତା ଏବଂ ଆଧୁନିକତାକୁ ମଧ୍ୟ ଶକ୍ତି ପ୍ରଦାନ କରୁଛି ।” ପ୍ରଧାନମନ୍ତ୍ରୀ କହିଥିଲେ ଯେ, “ଆଜି ଭାରତର ପରିଚୟ ଯୋଗ ସହିତ ଯୁବବର୍ଗ ମଧ୍ୟ ଅଟନ୍ତି । ଆଜି ସାରା ବିଶ୍ୱ ଆମର ଷ୍ଟାର୍ଟଅପ୍ ଗୁଡିକୁ ନିଜର ଭବିଷ୍ୟତ ବୋଲି ବିଚାର କରୁଛି । ଆମର ଶିଳ୍ପ ଏବଂ ଆମର ‘ମେକ୍ ଇନ୍ ଇଣ୍ଡିଆ’ ବିଶ୍ୱ ସ୍ତରରେ ବିକାଶ ନିମନ୍ତେ ଆଶାର କିରଣ ହେବାରେ ଲାଗିଛି । ଆମକୁ ଏହି ସଙ୍କଳ୍ପ ଗୁଡିକୁ ହାସଲ କରିବା ଦିଗରେ ଲକ୍ଷ୍ୟ ନେଇ କାମ କରିବାକୁ ପଡିବ । ଏବଂ ମୁଁ ଚାହୁଁଛି ଯେ, ଆମର ଆଧ୍ୟାତ୍ମିକ କେନ୍ଦ୍ର ଏହି ଦିଗରେ ପ୍ରେରଣାର କେନ୍ଦ୍ର ହେଉ ।”
ପ୍ରକୃତିର ସୁରକ୍ଷା ଏବଂ ପକ୍ଷୀ ମାନଙ୍କର ସେବା କ୍ଷେତ୍ରରେ ସେମାନଙ୍କର କାର୍ଯ୍ୟକୁ ଲକ୍ଷ୍ୟ କରି, ପ୍ରଧାନମନ୍ତ୍ରୀ ଜଳ ଏବଂ ନଦୀ ସଂରକ୍ଷଣ ନିମନ୍ତେ କାର୍ଯ୍ୟ କରିବା ପାଇଁ ଦତ ପୀଠମ୍କୁ ଅନୁରୋଧ କରିଥିଲେ । ସେ ପ୍ରତ୍ୟେକ ଜିଲ୍ଲାରେ ୭୫ଟି ଅମୃତ ସରୋବର ଅଭିଯାନରେ ତାଙ୍କର ଯୋଗଦାନ ରହିବା ଆବଶ୍ୟକ ବୋଲି କହିଥିଲେ, ପ୍ରଧାନମନ୍ତ୍ରୀ ସ୍ୱଚ୍ଛ ଭାରତ ମିଶନରେ ସେମାନଙ୍କର ଯୋଗଦାନକୁ ମଧ୍ୟ ପ୍ରଶଂସା କରିଥିଲେ ।
*******
SSP
(Release ID: 1827442)
Visitor Counter : 153
Read this release in:
English
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam