நுகர்வோர் நலன், உணவு மற்றும் பொது விநியோகம் அமைச்சகம்
நுகர்வோர் உரிமை மீறல், நியாயமற்ற வர்த்தக நடைமுறை - ஓலா, உபேர் நிறுவனங்களுக்கு மத்திய நுகர்வோர் பாதுகாப்பு ஆணையம் நோட்டீஸ்
Posted On:
20 MAY 2022 4:04PM by PIB Chennai
வாடகை கார் நிறுவனங்களான ஓலா, உபேர் ஆகியவை நுகர்வோர் விதி மீறல், நியாயமற்ற வர்த்தக நடைமுறைகளில் ஈடுபட்டது தொடர்பாக மத்திய நுகர்வோர் பாதுகாப்பு ஆணையம் இந்த இரண்டு நிறுவனங்களுக்கும் நோட்டீஸ் அனுப்பியுள்ளது.
இரண்டு நிறுவனங்கள் மீதும், அதிக கட்டணம் வசூலித்தல், சேவைகள் வழங்குவதில் குறைபாடு, உரிய காரணமின்றி பயணத்தை ரத்து செய்வது, கட்டண உயர்வு, ஆன்லைனில் செலுத்தாமல் பணமாக கட்டணத்தை தர வலியுறுத்துவது, குறைவான கட்டணத்துக்கும் அதிக கட்டணம் வசூலிப்பது, ஓட்டுநர்களின் நடத்தை மீறல்கள், வாகனங்களில் ஏசி போட மறுப்பது உள்ளிட்ட பல்வேறு புகார்கள் எழுந்துள்ளன.
இதுதொடர்பாக பதில் அளிக்கும்படி மத்திய நுகர்வோர் பாதுகாப்பு ஆணையம் ஓலா, உபேர் நிறுவனங்களை வலியுறுத்தியுள்ளது.
01.04.2021 முதல் 01.05.2022 வரைஓலாவுக்கு எதிராக 2,482 புகார்களும், உபேருக்கு எதிராக 770 புகார்களும் பதிவு செய்யப்பட்டுள்ளன.
மேலும் விவரங்களுக்கு இதன் ஆங்கிலச் செய்திக் குறிப்பை காணவும் https://pib.gov.in/PressReleasePage.aspx?PRID=1826940
***************
(Release ID: 1827027)
Visitor Counter : 184