হকশেল অমসুং য়াইফ-য়ুম্বাল মন্ত্রালয়
স্তেত/য়ু.তি. খরদা কোবিদ১৯ ভেক্সিনেসন শাথিনা হন্থরকপদা হকশেল মন্ত্রালয়না নুংনাংবা ফোঙদোকখ্রে
কোবিদ ভেক্সিনেসনগী খোঙজেল য়াঙখৎহন্নবা অমদি ইলিজিবল বিনিফিসরী খুদিংমক কোনশিন্নবগীদমক থা অনিগী ওইবা “হক ঘর দস্তক ২.০” জুন থাদগী হৌরগনি
অসিগুম্বা বিনিফিসরীশিংদগী ভেক্সিনেসন সেন্তরশিংনা নৎত্রগা স্তেত লৈঙাক্না প্রিকোসন দোজ কাপথোক্নবগীদমক মপান লৈবাক্তা চৎনবগী চে-চাংশিং পুথোক্নবা হায়রোইদবনি
স্তেত/য়ু.তি.শিংদা কোবিদ১৯ ভেক্সিন মাঙহনবা হন্থহন্নবা ৱাফম থমখ্রে; “ফর্স্ত এক্সপাইরী ফর্স্ত আউত” থৌওং ইনগদবনি
Posted On:
20 MAY 2022 2:52PM by PIB Imphal
স্তেত অমসুং য়ু.তি.শিংদা কোবিদ১৯ ভেক্সিনেসনগী খোঙজেল শাথিনা হন্থরকপদা কেন্দ্রগী হকশেল মন্ত্রালয়না নুংনাংবা ফোঙদোকখ্রে অমদি ইলিজিবল বিনিফিসরী খুদিংমক কোনশিন্দুনা মপুং ফানা তিকা থাদোক্নবগী খোঙজেল য়াঙখৎহন্নবা ৱাফম থমখ্রে। ৱাফম অসি ঙসি ভিদিও কন্ফরেন্সিংগী (ভি.সি.) খুত্থাঙদা স্তেত অমসুং য়ু.তি.শিংগী এন.ঐচ.এম. এম.দি.শিং অমসুং হকশেলগী সেক্রেতরীশিংগী কোবিদ ভেক্সিনেসনগী ফীভম য়েংশিনবগী মীফম অমদা কেন্দ্রগী হকশেল সেক্রেতরী শ্রী রাজেস ভুষন্নে স্তেত অমসুং য়ু.তি. খুদিংমক্তা খঙহনখিবনি।
হন্দক মঙম শান্দনা চৎলিবা লৈবাকসিগী কোবিদ১৯ ভেক্সিনেসনগী খোঙজেল য়াঙখৎহন্নবা অকনবা মওংদা ‘মিসন মোদ’ ওইনা থুনা থবক পায়খৎপগী মথৌ তাবা ফোঙদোক্লদুনা, কেন্দ্রগী হকশেল সেক্রেতরীনা মখোয়দা জুন-জুলাইদা মচা খায়বা দিস্ত্রিক্ত, ব্লোক অমসুং ভিলেজ থাক্কী থৌরাংগা লোয়ননা থা অনিগী ওইবা “হর ঘর দস্তক: কেম্পেন ২.০ পায়খৎনবা পাউতাক পীখি। ‘হর ঘর দস্তক ২.০’ অভিয়ানগী পান্দমদি ওল্দ এজ হোম, লাইরিক তমবা তোক্লবা অঙাঙশিং য়াওনা (চহি ১২-১৮গী অঙাঙশিং কোনশিন্নবগীদমক) স্কুল/কলেজ, কৈশুমশঙ, চেক মৈ ইকফমনচিংবদা অহেনবা মীৎয়েঙ চঙদুনা দোর তু দোর কেম্পেন পাঙথোক্তুনা তিকা কাপ্পা য়ারবা মীওইশিংদা অহানবা, অনিসুবা অমসুং প্রিকোসন দোজশিং মপুং ফানা কাপথোকপনি। চহি ৬০ অমসুং মথক্কী মীওইশিংদা প্রিকোসন দোজ কাপ্পগী থবক তপথবনা মখোয়গী পুন্সিবু খুদোং থিহনবা অমদি চহি ১২-১৪ কাঙলুপকী অঙাঙশিং ভেক্সিন কাপথোকপগী খোঙজেল য়াম্না তপ্লিবা অসিগী মতাঙদা ৱাফম কয়া পুথোকখি। স্তেত/য়ু.তি.শিংদা ইলিজিবল ওইবা বিনিফিসরী খুদিংমক্কী লিস্ততা য়ুম্ফম ওইবা মাইক্রো-প্লানগা লোয়ননা মতিং লৈবা মোনিতরিংগী থবক পায়খৎনবা ৱাফম থমখি। লনাই লায়েংশঙশিংদা চহি ১৮-৫৯ কাঙলুপকী প্রিকোসন দোজ কাপ্পগী থবকসু চাং নাইনা য়েংশিন্নবা মখোয়গী মফমদা হায়খি।
ভারতকী শিংথানিংঙাই ওইবা মওংদা কোবিদ১০ ভেক্সিন দোজ করোর ১৯১ কাপ্পগী থবক্তা লম-লমগী মতুং ইন্না ঈ-পাউ ফাওদোক্নবগী খ্বাইদগী ফবা থৌওংশিংনা মশক থোকপা মহৈ পুরকপা ঙমখি হায়বা ৱাফম পল্লদুনা কেন্দ্রগী হকশেল সেক্রেতরীনা লৈবাক শিনবা থুংনা পায়খৎলিবা কোবিদ-১৯ ভেক্সিনেসনগী খোঙজেল হেনগৎহন্নবা তশেং তশেংবা অমদি মতিং লৈবা ঈ-পাউ ফাওদোক্নবগী লাল্লোংগী মথৌ তাবা ৱাফম থমখি। লম লমগী ইনফ্লুএন্সরশিং, ফুরূপকী লুচিংবশিং, অনৌবা মওংগী কেম্পেন্নচিংবদা মীৎয়েঙ থম্নবা ৱাফমশিংসু পুখৎলকখি।
স্তেত-স্তেতকী ওইনা লৈরিবা ভেক্সিন মশিংগা ৱাৎহৌরিবা বিনিফিসরী মশিংগা চাংদম্নবগী দেতা পুথোক্লদুনা, স্তেত/য়ু.তি.শিংদা মখোয়দা লৈরিবা এক্সপাইরী মতম নকশিল্লক্লবা ভেক্সিনশিংগী মরমদা পাউদমখি। কোবিদ-১৯ ভেক্সিন অসি মমল নাইদ্রবা লৈবাকসিগী লননি হায়রদুনা মওং অমত্তদা কোবিদ-১৯ ভেক্সিন মাঙহন্দনবা থবক পায়খৎনবা অকনবা পাউতাক পীখি। হায়রিবা অসি লেপ্পা লৈতনা য়েংশিন্দুনা অমদি “ফর্স্ত এক্সপাইরী ফর্স্ত আউত” পথাপ্তা য়ুম্ফম ওইদুনা হান্না মতম হেল্লগদবা ভেক্সিনশিং হান্না শীজিন্নথোক্তুনা পুরকপা ঙমগনি। দিসেম্বর ২০২১দগী হৌনা স্তেত/য়ু.তি.শিংদা ভেক্সিন পীবগী থবকসি মখোয়গী দিমান্তকী মতুং ইন্না পাঙথোক্তুনা লাকপনি হায়রদুনা মখোয়গী মফমদা লৈরিবা শীজিন্নদ্রিবা দোজশিং অদু মে, জুন অমসুং জুলাই থা মনুংদা শীজিন্নথোক্নবা ৱাফম থমখি।
স্তেত খরদা মপান লৈবাক্তা চৎকদবা মীওইশিংনা অনিসুবা দোজ কাপখিবগী নুমিৎ ৯০ য়ৌদ্রিঙৈ মনুংদা প্রিকোসন দোজ কাপনিংবা মীওইশিংদা মপান লৈবাক্তা চৎনবগী মতিক চাবা খুদম চাংদম পীননবা ৱাফম ফোঙদোকপা লৈ হায়বা ৱাফমসু পুথোকখি। ফীভম অমত্তদা কোবিদ-১৯ ভেক্সিনেসন সেন্তরশিংনা নৎত্রগা স্তেত লৈঙাকশিংনা মপান লৈবাক্তা চৎকদবা মীওইশিংদা মখোয়না চৎত্রিঙৈদা প্রিকোসন দোজ কাপ্নিংলিবা মীওইশিংদা মপান লৈবাক চৎপগী খুদম চাংদম ওইগদবা চে-চাং অমত্তা পুথোক্নবা হায়রোইদবনি হায়না কেন্দ্রগী হকশেল সেক্রেতরীনা ফোঙদোকখি। হীরম অসিগী মতাঙদা স্তেত/য়ু.তি.শিংদা পাউ হান্ননা পীখ্রবনি।
****
(Release ID: 1826929)
Visitor Counter : 157