সাইন্স এন্দ তেক্নোলোজী মন্ত্রালয়গী কেন্দ্রগী রাজ্য মন্ত্রী (আই/সি); আর্থ সাইন্স মন্ত্রালয়গী রাজ্য মন্ত্রী (আই/সি); প্রাইম মিনিস্তর্স ওফিস অমসুং পর্সনেল, পব্লিক গ্রিভান্সেস এন্দ পেন্সন্স মন্ত্রালয়গী এম.ও.এস., দা. জিতেন্দ্র সিংহনা ভারতকী তুংলমচৎকী শেন্মীৎলোনগীদমক এগ্রি-তেক স্তার্ত-অপশিং মরু ওইনা হায়না ফোঙদোকখ্রে।

মাইসুরুগী ওয়েল সিতীদা পাঙথোকপা এগ্রি-তেক অমসুং ফুদ-তেক্কী কনক্লেব-কম-একজিবিসন অমদা ৱা ঙাংলদুনা দা. জিতেন্দ্র সিংহনা সপ্লাই চেন মেনেজমেন্ত, মতমগী চুনদ্রবা খুৎলাই শীজিন্নবা, মতিক চাদ্রবা ইনফ্রাস্ত্রকচর অমসুং লৌমীশিংদা লায়না মার্কেৎ মখল কয়া এক্সেস তৌবা ফংহনদবা অসিগুম্বা ভারতকী লৌউ-শোংউগী সমস্যাশিং অসি কোকহন্নবা মোদী সরকারনা অফবা পোলিসীগী এনভাইর্নমেন্ত লৈহনবা অসিনা মরম ওইরগা হৌখিবা চহি খরা অসিদা ভারত্তা এগ্রি-তেক স্তার্তঅপশিংগী অনৌবা ৱেব অমা লাকখি হায়না ফোঙদোকখি। মন্ত্রীনা নহা ওইরিবা ওন্তপ্রিনোরশিংনা মখোয়গী মশাগী ওইবা স্তার্তঅপশিং লিংখৎনবা আই.তি. সেক্তর অমসুং এম.এন.সি.শিংদা মখোয়গী থবকশিং থাদোক্লিবা অসিদা অপেনবা ফোঙদোকখি অমসুং নহা ওইরিবা ওন্তপ্রিনোরশিং অসিনা লৌউ-শিংউদা ইনভেস্ত তৌবা অসি শাফবা অমসুং শেল তোংবা বিজিনেস খরগী মনুংদা অমনি হায়না হৌজিক থাজনবা হৌরক্লি হায়না ফোঙদোকখি।

দা. জিতেন্দ্র সিংহনা এগ্রিতেক স্তার্তঅপশিংনা এগ্রিকলচরেল ভেল্যু চেন্দা লৈরিবা শীংনবা কয়ামরুমগী ইনোবেতিব ওইবা ৱাখল্লোন অমসুং শেল চংদবা সোল্যুসশিং পুথোক্লি অমসুং মসিনা ভারতকী লৌউ-শিংউগী সেক্তরদা অওনবা পুরকপা ঙম্বগী মতিক-ময়াই চেল্লি অমসুং মসিনা লৌমীশিংগী শেন্থোক হেনগৎহনগনি হায়না ফোঙদোকখি। স্তার্তঅপশিং অমসুং হৌগৎলক্লিবা ওন্তপ্রিনোরশিং অসিনা লৌমী, ইমপুৎ দীলর, হোলসেলর, রিতেলর অমসুং কঞ্জুমরশিংগী মরক্তা লৈরিবা অৱাৎপা অসো মেনখৎনবা হোৎনরি অমসুং মপাঙ্গল কনবা মার্কেতিং লিঙ্ক অমসুং মতম চানা ক্বালিতী লৈবা পোৎ পীনবা হোৎনরি হায়না মহাক্না হায়খি।

“ত্রান্সফোর্মিং ইন্দিয়া’স ফুদতেক, এগ্রিতেক এন্দ এগ্রোনোমিক লেন্দস্কেপ” হায়বা থিম অসিদা পাঙথোকপা “তেকভারত” অসি মতাং চারে মরমদি লৌউ-শিংউ হায়বা অসি ভারতকী শেন্মীৎলোনগী মরু ওইবা য়ুম্বী অমনি অমদি ভারতকী মীশিংগী চাদা ৫৪দি লৌউ-শিংউদা হকথেংননা মখা পোল্লি অমসুং মসিনা সি.দি.পি.দা চাদা ১৯(২১) শরুক তম্লি হায়না দা. জিতেন্দ্র সিংহনা ফোঙদোকখি। মহাক্না হায়খি, হৌখিবা চহি খরা অসিদা ভারত্তা লৌউ-শিংউ অসি মপুং ওইনা লেপ্পা লৈতনা গ্রোথ লৈবা ওইনা উজরবসু সেক্তর অসিদা লৌরিবা নহারোল, অনৌবা অমসুং তোপ-তোপ্পা ইনোবেতিব ওইবা ৱাখল্লোনশিং অসি পুক্নিং থৌগৎনবা থবক কয়া পাইখৎতে।

দা. জিতেন্দ্র সিংহনা লৌউ-শিংউগী সেক্তরদা মতমচা চুনবা অমসুং অনৌবা তেক্নোলোজী শীজিন্ননবা অকনবা ৱাফম থমখি অমসুং ইজরেল, চিনা অমসুং য়ু.এস.গুম্বা লৈবাকশিংনা তেক্নোলোজী শীজিন্নদুনা মখোয়গী লৈবাক্তা লৌউ-শিংউগী ওইবা থবক-থৌরম কয়াদা অওনবা পুরকখি হায়না ফোঙদোকখি। লৈবাকশিং অসিনা হাইব্রিদ সীদ, প্রিসিজন ফার্মিং, অচীবা দেতা এনলাইতিক্স, আর্তিফিসিএল ইন্তেলিজেন্স, জিও-তেগ্গিং অমসুং সেতেলাইৎ মোনিতরিং, মোবাইল এপশিং অমসুং ফার্ম মেনেজমেন্ত সোফৱেয়র অসিগুম্বা তেক্নোলোজী শীজিন্নদুনা প্রদক্তিবিতী অমসুং ফার্ম ইনকম হেনগৎহন্নবা লৌউ-শিংউগী থৌওংগী থাক খুদিংমক্তা এপ্লাই তৌবা য়াই হায়না উৎখি হায়না মহাক্না ফোঙদোকখি।

দা. জিতেন্দ্র সিংহনা প্রধান মন্ত্রী নরেন্দ্র মোদীনা চহি অসিগী ফেব্রুৱারীদা লৈবাক শিনবা থুংবদা মেদ ইন ইন্দিয়া এগ্রিকলচরেল দ্রোন ১০০ লোঞ্চ তৌখি মসিনা অখন্নবা মওংদা অমুক্তংদা ফাইদুনা ফার্ম ওপরেসনশিং চত্থখি হায়না পাউদমখি। মহাক্না শেল-থুম মন্ত্রী নির্মলা সিতারামন্না পীখিবা বজেৎ স্পীচতা ক্রোপ এসেসমেন্ত তৌনবা, লেন্দ রিকোর্দশিং দিজিতাইজেসনশিং তৌনবা, তিল হীদাক অমসুং হার চাইনবা ‘কিসান দ্রোনশিং’ শীজিন্নবা অসি প্রমোৎ তৌগনি হায়না ফোঙদোকখি অদু পনখি। মন্ত্রীনা মখা তারদুনা দ্রোনশিং অসি মনা-মশিং নত্ত্রগা মহৈ-মরোং মখল অমা হেক্তগী হেল্থ, নাপী হৌজিনবা লৌবুক্কী মফমশিং, লাইনা অমসুং তিন তাবা এসেস তৌবদা দ্রোনশিং শীজিন্নবসু য়াগনি অমসুং এসেসমেন্ত অসিদা য়ুম্ফম ওইরগা লাইনা অসি থেংননবা চপ চাবা কেমিকেলশিংগী চাং অদু খঙদোক্তুনা মদু শীজিন্নদুনা লৌমীশিংনা হেন্না চংগদবা শেল হন্থহনবা ঙমগনি হায়খি।

দা. জিতেন্দ্র সিংহনা ভারতকী লৌউ-শিংউগী লম অসি লৈরিবা মীশিং অসি য়েংলবদি তেক্নোলোজী শীজিন্নবা য়ানবগী অচৌবা ওইথোকপা লৈ হায়খি। এগ্রিতেক অসি করিসু নত্তে অদুবু মসি পোত্থোক, কান্নবা অমসুং রিভেন্যু হেনগৎহন্নবা ৱাখল্লোনগা লোয়ননা লৌউ-শিংউগী সেক্তরদা মোদর্ন তেক্নোলোজীশিং শীজিন্নবনি হায়না মহাক্না ফোঙদোকখি। মসিগী ৱাখল্লোন অসি লৌউ-শিংউগী থৌওংদা য়াওরিবা হীরম অমা হেক্তদা কান্নবা পীরিবা এপ্লিকেসন, প্রেক্তিস, প্রদক্ত অমসুং সর্ভিস অমা হেক্তদা পানশিনবা য়াই নত্ত্রগা ইনপুৎ ফঙ্কসন নত্ত্রা ফংলবা আউৎপুত ওইরবসু য়াই হায়না মহাক্না মখা তাখি।

মন্ত্রীনা ভারত্তা লৈরিবা এগ্রি-তেক স্তার্ত-অপ কয়া অমা অতেকপা অমসুং ওর্গানিক ওইবা উহৈ অমসুং মনা-মশিং লৌমীশিংদগী হকথেংননা লৈরিবা ই-কম্মর্স কম্পনীশিংগী মার্কেৎপ্লেস সেগমেন্তশিংদা অয়াম্বনা লৈ, অদুবু হন্দক্তা লৌমীশিংগী সমস্যাশিং কোকহন্নবা ইনোবেতিব অমসুং সস্তেনেবল সোল্যুসনশিং পীরিবা স্তার্তঅপ কয়া থোরকখি হায়না ফোঙদোকখি। মহাক্না হায়খি, স্তার্তঅপশিং অসিনা বাইওগ্যাস প্লান্ত, সোলর পাৱর কোল্দ স্তোরেজ, ফেন্সিং অমসুং ৱাতর পম্পিং, ৱেদর প্রিদিক্সন, স্প্রেয়িং মেছিন, সীদ দ্রিলশিং অমসুং ভর্তিকেল ফার্মিংঅসিগুম্বা সোল্যুশিং পীরি মসিনা লৌমীশিংগী শেন্থোকশিং হেনগৎহল্লগনি।

ৱারোল পীবা লোইশিল্লকপদা দা. জিতেন্দ্র সিংহনা ইন্তর্নেৎ শীজিন্নবা হেনগৎলকপা, স্মার্তফোন পেনিত্রেসন হেনগৎলকপা, স্তার্তঅপশিং থোরকপা অমসুং খুঙ্গংগী মফমশিংদা পাইখৎপা সরকারগী থৌরাং কয়ামরুম অসিনা ফার্ম সেক্তরদা খোঙজেল য়াংনা তেক্নোলোজী শীজিন্নগনি হায়না থাজবা থম্মি হায়না ফোঙদোকখি। লৌউ-শিংউদা লৈরিবা অয়াম্বা সমস্যাশিংগী তেক্নোলোজী সোল্যুসনশিং লৈরে অদুবু লুরিবদি সোল্যুশিং অসি লৌমী অমা খক্তা নত্তনা চাউনা লৌমী খুদিংদা য়ৌহনবা ঙম্বা হায়বা অসিনা ওইরি হায়না মহাক্না ফোঙদোকখি। ঐখোয়গী শেন্মীৎলোনগী মরু ওইরিবা সেক্তর অসিদা ঐখোয়না পাক শন্না তেক্নোলোজী শীজিন্নবগী মতম ওইরে অসুম তৌবনা লৌউ-শিংউ অমসুং ফার্মিং কম্ম্যুনিতীনা কান্নবা ফংদুনা অমসুং ভারতকী শেন্মীৎলোন অসি খোঙজেল য়াংনা চাউখৎপা ঙমগনি হায়না মন্ত্রীনা মখা তাখি।

মাইসুরুগী সি.এস.আই.আর.-সি.এফ.তি.আর.আই. কেম্পসতা পাঙথোকখিবা থৌরম অসিদা নেস্নেল বেঙ্ক ফোর এগ্রিকলচর এন্দ রুরেল দিবেলপমেন্ত (এন.এ.বি.এ.আর.দি.)গী চিয়রমেন দা. জি.আর. চিন্তলা, সি.এস.আই.আর.- সেন্ত্রেল ফুদ তেক্নোলোজিকেল রিসর্চ ইন্সতিত্যুত (সি.এফ.তি.আর.আই.), মাইসুরুগী দিরেক্তর দা. শ্রীদেবি অন্নপুর্না, লাঘু উদ্যোগ ভারতি - মাইসুরু বিভাগকী প্রসিদেন্ত শ্রী মহেশ শেনোই, লাঘু উদ্যোগ ভারতি - মাইসুরু বিভাগকী সেক্রেতরী শ্রী রাজপ্পা অমসুং মকোক থোংবা ওফিসিএলশিং, দেলিগেৎশিং অমসুং ইনভাইতীশিংনা শরুক য়াখি।

<><><><><>