প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা নেস্নেল পোলিসী ওন বাইওফ্যুএলস - ২০১৮গী অমেন্দমেন্তশিং অয়াবা পীখ্রে।

“নেস্নেল পোলিসী ওন বাইওফ্যুএলস -২০১৮” অসি ন্যু এন্দ রিন্যুএবল ইনর্জী মন্ত্রালয়গী খুত্থাংদা ২০০৯দা প্রমুলগেৎ তৌখিবা নেস্নেল পোলিসী ওন বাইফ্যুএলস সুপর্সেসন তৌদুনা ০৪.০৬.২০১৮ দা পেত্রোলিয়ন এন্দ নেচরেল গ্যাস মন্ত্রালয়না নোতিফাইদ তৌখি।

বাইওফ্যুএলশিংগী লমদা চাউখৎলকপশিং অসিনা মরম ওইরগা নেস্নেল বাইওফ্যুএল কোওর্দিনেসন কম্মিতি(এন.বি.সি.সি.)গী মীফমশিংদা বাইওফ্যুএল পুথোকপা হেনগৎনবা, স্তেন্দিং কম্মিতিগী রিকম্মেন্দেসনগী মতাংদা ৱারেপ কয়ামরুম লৌখিবা অমসুং ০১.০৪.২০২৩দগী হৌনা লৈবাক শিনবা থুংবদা ইথানোল চাদা কুন হেনগৎহন্নবা ইথানোল ব্লেন্দেদ পেত্রোল পুথোক্নবা হৌনবগী ৱেরেপ অসি নেস্নেল পোলিসী ওন বাইওফ্যুল্সতা শেমদোকখি।

নেস্নেল পোলিসী ওন বাইওফ্যুল্সতা অয়াবা পীখিবা মরু ওইবা অমেন্দমেন্তশিং অদু মখাদা পীরি:

1. বাইওফ্যুএলশিং পুথোক্নবা ফীদস্তোকশিং হেনগৎহনবদা অয়াবা পীবা,
2. ২০৩০দগী হৌদুনা ইথানোল ব্লেন্দিং তৌবগী তার্গেৎ অসি ই.এস.ৱাই. ২০২৫-২৬তা পেত্রোলদা ইথানোল ব্লেন্দিং তৌবা অসি ২০%দা হেনগৎহনবা,
3. স্পেসিএল ইকনোমিক জোন (এস.ই.জেৎ)/এক্সপোর্ত ওরিয়েন্তেদ য়ুনিৎশিং (ই.ও.য়ু.শিং)দা লৈবা য়ুনিৎশিংনা মেক ইন ইন্দিয়া প্রোগ্রামগী মখাদা লৈবাক অসিদা বাইওফ্যুএলশিং পুথোকপা প্রমোৎ তৌবা,
4. এন,বি.সি.সি.দা অনৌবা মেম্বরশিং হাপচিনবা,
5. অখন্নবা কেসশিংদা বাইওফ্যুএলশিং এক্সপোর্ত তৌবগী অয়াবা পীবা, অমসুং
6. নেস্নেল বাইওফ্যুএল কোওর্দিনেসন কম্মিতিগী মীফমশিংদা লৌখিবা ৱারেপশিংগী মতুং ইন্না পোলিসীদা ৱাহৈ খরা ককথৎপা/শেমদোকপা।

প্রপোজেল অসিনা মেক ইন ইন্দিয়া দ্রাইবকী লম্বী য়াৎকদবা ইন্দিজিনস তেক্নোলোজীশিংগী মীৎয়েং চীংশিনগনি অমসুং চাউখৎহনগনি অমসুং মসিনা থবক কয়া পীবা ঙম্লগনি।

হৌজিক লৈরিবা নেস্নেল পোলিসী ওন বাইওফ্যুএলস অসি ২০১৮দা পুথোকখি। অমেন্দমেন্ত তৌবগী প্রপোজেল অসিনা মেক ইন ইন্দিয়া দ্রাইবকী লম্বী য়াৎতুনা বাইওফ্যুএল হেন্না-হেন্না পুথোক্তুনা পেত্রোলিয়মগী পোত্থোকশিং ইম্পোর্ত তৌবা হন্থহল্লগনি। বাইওফ্যুএলশিংগী মতাংদা ফীদস্তোকশিং হেনগৎপদা অয়াবা পীবা অসিনা আত্মনির্ভর ভারত থৌগৎলগনি অমসুং প্রধান মন্ত্রীগী ২০৪৭ ফাওবদা ‘ইনর্জী ইন্দিপেন্দেন্ত’ ওইবা ভারত ওইহন্নবগী মঙলান অদুদা ইনোৎ হাপ্লগনি।

**********