ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
କୁଶୀନଗରର ମହାପରିନିର୍ବାଣ ସ୍ତୁପରେ ପ୍ରଧାନମନ୍ତ୍ରୀଙ୍କ ପୂଜାର୍ଚ୍ଚନା
Posted On:
16 MAY 2022 7:19PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ବୁଦ୍ଧ ପୂର୍ଣ୍ଣିମା ଅବସରରେ କୁଶୀନଗର, ଉତ୍ତରପ୍ରଦେଶରେ ସ୍ଥିତ ମହାପରିନିର୍ବାଣ ସ୍ତୁପରେ ପୂଜାର୍ଚ୍ଚନା କରିଥିଲେ । ଆଜି ପ୍ରଥମେ ପ୍ରଧାନମନ୍ତ୍ରୀ ଭଗବାନ ବୁଦ୍ଧଙ୍କ ଜନ୍ମସ୍ଥାନ ଲୁମ୍ବିନୀ, ନେପାଳ ଗସ୍ତ କରିଥିଲେ ଓ ମାୟାଦେବୀ ମନ୍ଦିରରେ ପୂଜାର୍ଚ୍ଚନା କରିଥିଲେ । ନେପାଳ ପ୍ରଧାନମନ୍ତ୍ରୀ ଶ୍ରୀ ଶେର ବାହାଦୂର ଦେଉବାଙ୍କ ସହ ପ୍ରଧାନମନ୍ତ୍ରୀ ମୋଦୀ ଲୁମ୍ବିନୀ ମଠ କ୍ଷେତ୍ରରେ ଇଣ୍ଡିଆ ଇଣ୍ଟରନ୍ୟାସନାଲ ସେଣ୍ଟର ଫର ବୁଦ୍ଧିଷ୍ଟ କଲ୍ଚର ଆଣ୍ଡ ହେରିଟେଜ ଶିଳାନ୍ୟାସ ସମାରୋହରେ ଭାଗ ନେଇଥିଲେ । ଆନ୍ତର୍ଜାତିକ ସମ୍ମେଳନ କେନ୍ଦ୍ର ଓ ଲୁମ୍ବିନୀ ସ୍ଥିତ ଧ୍ୟାନ ହଲରେ ଆୟୋଜିତ ୨୫୬୬ତମ ବୁଦ୍ଧ ଜୟନ୍ତୀ ସମାରୋହରେ ମଧ୍ୟ ଶ୍ରୀ ମୋଦୀ ଭାଗ ନେଇଥିଲେ ।
କୁଶୀନଗରରେ ମୌଳିକ ଭିତ୍ତିଭୂମି ବିକାଶ ପାଇଁ ସରକାର ବିବିଧ ପଦକ୍ଷେପ ନେଉଛନ୍ତି ବୋଲି ପ୍ରଧାନମନ୍ତ୍ରୀ ଏକ ଟ୍ୱିଟରେ ସୂଚନା ଦେଇଛନ୍ତି ।
ପ୍ରଧାନମନ୍ତ୍ରୀ ଏକ ଟ୍ୱିଟରେ କହିଛନ୍ତି;
“କୁଶୀନଗରରେ ମହାପରିନିର୍ବାଣ ସ୍ତୁପରେ ପ୍ରାର୍ଥନା କଲି । ଅଧିକ ପର୍ଯ୍ୟଟକ ଓ ତୀର୍ଥଯାତ୍ରୀ ଯେପରି ଏଠାକୁ ଆସିପାରିବେ ସେଥିପାଇଁ ଆମ ସରକାର କୁଶୀନଗରର ଭିତ୍ତିଭୂମି ବିକାଶ ଦିଗରେ ବହୁ ପଦକ୍ଷେପ ନେଉଛି ।”
SR
(Release ID: 1825958)
Visitor Counter : 134
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam