ইলেক্সন কমিসন
azadi ka amrit mahotsav

ই.সি.আই.না রাজ্যশিং/য়ু.তি. পুম্নমক্কী চীফ ইলেক্তোরেল ওফিসরশিংগী ওইবা কনফরেন্স শিনখ্রে

সি.ই.সি.গী মফম হাপখ্রবা শ্রী রজিব কুমারনা ইলেক্সন প্রোসেসপু মখাতানা নিংথিনা চৎহন্নবা সি.ই.ও.শিংদা তকশিনখি

Posted On: 12 MAY 2022 4:55PM by PIB Imphal

ইলেক্সন কম্মিসন ওফ ইন্দিয়ানা ঙসি ন্যু দিল্লীদা রাজ্যশিং/য়ু.তি. পুম্নমক্কী চীফ ইলেক্তোরেল ওফিসরশিংগা লোইননা কনফরেন্স অমা শিনখি৷ নুমিৎ নিনিগী কনফরেন্স অসি হন্দক্তা ইকুই কুইদ্রিঙৈদা রাজ্য মঙাদা পাংথোকখিবা স্তেত এসেমব্লী ইলেক্সনশিংদগী ফংলিবা এক্সপরিয়েন্সশিং অমদি তমজনিংঙাই ওইবশিং অদু সেয়র তৌনবা অমদি ইলেক্সন প্লানিং, এক্সপেন্দিচর মোনিতরিং, ইলেক্তোরেল রোল, আই.তি. এপ্লিকেসনশিং, দাতা মেনেজমেন্ত, ই.ভি.এম./ভি.ভি.পি.এ.তি., গ্রিভান্সশিং মতম চানা রিজোলুসন পুরক্নবা, এস.ভি.ই.ই.পি. স্ত্রাতিজী অমদি ভোতর আউত্রিচ, মেদিয়া অমদি কম্ম্যুনিকেসনগী মতাংদা খন্ন-নৈননবা শিনখিবনি৷

মহাক্কী ৱারোলগী মতমদা, অসিগুম্বা কনফরেন্সশিং অসিনা মীওই অমনা অমদগী খঙ-হৈনবা তম্বা অমদি এক্সপরিয়েন্সশিং সেয়র তৌনবগী অফবা প্লেতফোর্ম অমা ওইরি হায়না সি.ই.সি. শ্রী সুশিল চন্দ্রনা ফোংদোকখি৷ চীফ ইলেক্তোরেল ওফিসরশিংবু থাগৎলদুনা, লাইনা-লাইচৎ লৈনা-লৈনা রাজ্য মঙাদা ইলেক্সনশিং পাংথোকখিবসি অফবা খুদম ওইখি অমদি মমাংগী মতমদা খুদমশিং নত্রগা রিফরেন্সশিং লৈরমদে হায়না মহাক্না মখাতাখি৷ থোইদোক হেন্দোক্লবা ফিভমশিং অসিনা ফিজিকেল রেল্লীশিং থিংজিনবা, দিজিতেল কেম্পেনিং য়োকখৎপা অমদি চয়োল খুদিংগী মরু ওইবা স্তেকহোল্দরশিংগা লোইননা লৈরিবা ফিভম অদু য়েংশিনবা য়াওনা থোইদোক হেন্দোক্লবা সোলুসনশিং দরকার ওইখি৷

ইলেক্সন প্রোসেসকী মতমদা রেজিস্ত্রেসন তৌবদগী হৌরগা ভোৎ থাদবা ফাওবদা ভোতরশিংগীদমক সর্ভিসশিংবু লেপ্প-লৈতনা অপগ্রেদ তৌবগী তঙাই ফদবা লৈ হায়না সি.ই.সি. শ্রী চন্দ্রনা ফোংদোকখি৷ মখাতানা শন্দোক্না ফোংদোক্লদুনা, রাজ্যশিংদদি সি.ই.ও.শিং অসি ভারতকী ইলেক্সন কম্মিসনগী মমাই ওইরিবনি হায়না মহাক্না পনখি অমদি মখোয়বু স্তেকহোল্দর পুম্নমক্তা এসেসিবল অমদি বিজিবল ওইহনগদবনি৷ খুদমশিং তাক্লদুনা, ভোতর ফেসিলিতেসন লৈহন্নবা অমদি সিস্তেমিক নাইনা ইমপ্রুবমেন্তশিং লাকহন্নবগীদমক ই.সি.আই.দা চাং-নাইনা ফীদবেক পীরক্নবা মহাক্না সি.ই.ও.শিংদা তকশিনখি৷ সি.ই.ও.শিংনা ইলেক্সন মেনেজমেন্ততা শিজিন্নরিবা মখোয়গী খ্বাইদগী ফরবা প্রেক্তিসশিং অমদি ইন্নোবেসনশিং অদু মালেমসিদা উৎনবা মখোয়গী আউত্রিচ অমদি কম্ম্যুনিকেসন ফগৎহন্নবা মহাক্না তকশিনখি৷

অনৌবা চীফ ইলেক্সন কম্মিশনার ওইনা খনখ্রবা ই.সি. শ্রী রজিব কুমারবু সি.ই.সি.না থাগৎপা ফোংদোকখি৷ মহাক্কী  লিদরশিপকী মখাদা ই.সি.আই.না ফংলিবা হেন্না ৱাংবা মফমশিং অদুগীদমক মহাক্না নুংঙাইবা ফোংদোকখি৷

ইলেক্সন কম্মিশনার অমদি চীফ ইলেক্সন কম্মিশনারগী মফম হাপখ্রবা শ্রী রজিব কুমারনা চীফ ইলেক্তোরেল ওফিসরশিংগা উনরদুনা অসুম্না ফোংদোকখি মদুদি সংবিধাননা পীখিবা মেন্দেৎকা লোইননা, ই.সি.আই.না ইলেক্সনশিং অসি ভোতর খুদিংমক্কী ওইনা ফ্রী, ফেয়র, এসেসিবল অমদি পার্তিসিপেতিব ওইবা মওংদা পাংথোক্নবা কা হেন্না ফবা ইন্তরনেসনেল মেকানিজমশিং শেমগৎখ্রে৷ হৌখিবা চহি তরানা শাবা খুজিং তরেৎকী পুৱারীগা লোইননা, ই.সি.আই.না অতোপ্পা দেমোক্রেসীশিংগীদমক খুদম ওইবা য়াবা বাইব্রেন্ত অমদি ত্রান্সপরেন্ত প্রোসেসশিং শেমগৎখ্রে৷ হন্দক্তা ইকুই কুইদ্রিঙৈদা রাজ্য মঙাদা পাংথোকখিবা এসেমব্লী ইলেক্সনশিং তৌদ্রিঙৈগী মাংওইননা বিহারদা লাইনা-লাইচৎকী মতুংদা ইহান হানবা ওইনা ইলেক্সনশিং পাংথোকখিবদা থেংনখিবা মহাক্কী এক্সপরিয়েন্সশিং অদু পল্লদুনা, খোংচৎ অদু চেলেঞ্জশিং অমদি তমশিনগদবা কয়া অমনা পীক থন্দুনা লৈখি হায়না মহাক্না ফোংদোকখি৷ মমাংগী মতমদা অমুক্তা থোকখিদ্রিবা ফিভম অসিনা দাইনামিক দিসিজন মেকিং অমদি লান্না পাউ শন্দোক্লিবা অসিদগী ঙাকথোকপা দরকার ওইখি হায়না মহাক্না মখাতাখি৷ ইলেক্সন প্রোসেস অসি মখাতানা নিংথিনা চৎহন্নবগীদমক শ্রী চন্দ্রগী মতমদা হৌদোকখিবা রিফোর্মশিংগী খোংচৎ অসি মাংলোমদা পুখৎনবা মহাক্না সি.ই.ও.শিংদা তকশিনখি৷

মহাক্কী ৱারোলগী মতমদা, শ্রী কুমারনা অসুম্না মখাতাখি মদুদি ইলেক্সন সিস্তেমগী এসেসিবিলিতী অমদি ত্রান্সপরেন্সী লৈবা হেনগৎহন্নবা তেক্নোলোজীবু অচৌবা লম্বী অমদা শিজিন্নখ্রে, ই.সি.আই.না মরু ওইবা স্তেকহোল্দর অহুম মমিং ওইনা পল্লবদা ভোতরশিং, পোলিতিকেল পার্তীশিং অমদি ইলেক্সন মেনেজমেন্ত ফঙ্কসনরীশিংদা মীৎয়েং থমদুনা আই.তি. ইনফ্রাস্ত্রকচর পুম্নমক্কী ফিভম ফগৎহনখ্রে৷ আই.তি. পর্সোনেলবু ত্রেনিং পীদুনা খ্বাইদগী নৌরিবা এদভান্সমেন্তশিং অসিদা চুশিন্নহন্নবা হোৎনবা য়াওনা মখোয়গী আই.তি. সিস্তেমশিংবু মপাঙ্গল লৈহন্নবা মহাক্না সি.ই.ও.শিংদা তকশিনখি৷

ভারতকী রাস্ত্রপতিগী ওফিসকীদমক পাংথোক্কদৌরিবা ইলেক্সনশিংগীদমক রাজ্যশিংদা লোজিস্তিকশিং শিন-লাংবা য়াওনা লাক্কদৌরিবা থা খরা অসিগী ওইনা লৈরিবা সি.ই.ও.শিংগী এজেন্দা অদু ইলেক্সন কম্মিশনার শ্রী অনুপ পান্দেনা মহাক্কী ৱারোলদা পনখি৷ সি.ই.ও.শিংনা ইলেক্তোরেল রোলশিং অপদেৎ তৌবা,পোল্লিং স্তেসনশিংদা লৈরিবা ইনফ্রাস্ত্রকচর অপগ্রেদ তৌবা, ই.ভি.এম.-ভি.ভি.পি.এ.তি. স্তোরেজ অমদি মেন্তিনেন্স নিংখিবা তৌবিবা, ওফিসিয়েলশিং ত্রেনিং পীবা অমদি কেপাসিতী শেমগৎপা য়াওনা ইলেক্সন সিস্তেমগী মরু ওইবা ফিচরশিং মপাঙ্গল লৈহনবা অমদি অপগ্রেদ তৌনবা  তেল্লবা মতম অসিবু শিজিন্নগদবনি হায়না মহাক্না ফোংদোকখি৷ ভোতরগা হেন্না ফবা মওংদা কন্নেক্ত তৌনবা ইন্নোবেতিব ওইবা এস.ভি.ই.ই.পি. স্ত্রাতিজীশিং চৎনহন্নবসু মহাক্না সি.ই.ও.শিংদা হায়খি৷

লাইনা-লাইচৎ লৈনা-লৈনা য়াম্না তমথিরবা অমদি চেলেঞ্জিং ওইরবা মতমশিংদা পাংথোকখিবা এসেমব্লী ইলেক্সনশিংগী মমাই চুম্বদা সি.ই.সি. শ্রী সুশিল চন্দ্রনা লৌখিবা থৌদাং অদুগীদমক শ্রী পান্দেনা মহাকপু থাগৎলদুনা লাইনা-লাইচৎকী মতমদা ভারত্তা ইলেক্সনশিং মাই-পাক্না পাংথোক্নবা হোৎনখিবা অদি মালেম পুম্বনা মশক খঙখি হায়না মখাতাখি৷

মসিগী কনফরেন্স অসি ঐখোয়গী হৌখিবশিংগী এক্সপরিয়েন্সশিংবু রিফ্লেক্ত তৌনবা অমদি অনৌবা লর্নিংশিং তমজনবগী  মেদিয়ম অমনি হায়না সেক্রেতরী জেনেরেল শ্রী উমেশ সিনহানা মহাক্কী হৌদোক ৱারোলদা ফোংদোকখি৷ হন্দক্তা লাইনা-লাইচৎকী মতমদা কোবিদ-১৯ প্রোতোকোলশিংবু ইলেক্সন প্রোসেসকী মরু ওইবা শরুক অমনা ওইনা থমদুনা পাংথোকখিবা ইলেক্সনশিং অসিনা মালেম পুম্বগী ওইনা ইলেক্সনশিং পাংথোকপদা পেরাদিজম শিফত অমা পুরকখ্রে হায়না মহাক্না মখাতাখি৷

কনফরেন্সকী মতমদা, কম্মিসননা ঙসি ই.সি.আই.মেগাজিনগী খ্বাইদগী নৌবা ইদিসন ‘মাই ভোৎ মেত্তর্স’ রিলিজ তৌখ্রে৷ ক্বাতর্লী ফোংবা মেগাজিন অসিগী ইদিসন অসিদা ২০২২গী মতমদা ভোৎ থাদরিবা রাজ্য মঙানা লৌখৎখিবা ইনিসিয়েতিবশিং অমদি পান্দম থমখিবশিংগী মতাংদা ইবা আর্তিকলশিং অমদি ফিল্দদগী ফংবা ইলেক্সনগী ৱারীশিং য়াওরি৷ ই লিঙ্ক: https://eci.gov.in/files/file/14171-my-vote-matters-vol-iii-issue-2/

কম্মিসননা ইলেক্সন স্তেতিস্তিক্স পোকেৎ বূকসু রিলিজ তৌখি৷ বূকলেত অসিদা উৎলিবা দাতা অসিনা লৈবাক অসিনা ২০১৭দগী ২০২১ ফাওবগী মতমদা লৈখিবা ইলেক্তোরেল জর্নীগী মতাংদা পু্ক্নিং চিংশিন্নিংঙাই ওইরবা মওংদা উৎলি৷ মসিদা জেনেরেল ইলেক্সন পুম্নমক অমদি রাজ্য সভা ইলেক্সনশিংগী হাইলাইতশিং অমসুং মতম অসিদা পাংথোকখিবা লেজিসলেতিব  কাউন্সিলশিংগী ইলেক্সনশিংগী হাইলাইতশিং য়াওরি৷ ইলেক্সন স্তেতিস্তিক্স পোকেৎ বূকনা হেন্না লাইবা মওংদা ইন্দিয়ন ইলেক্সনশিংগী দাতা পীদুনা ২০১৪দগী হৌরগা ভারতকী ইলেক্সন কম্মিসনগী চাং-নাইবা পব্লিকেসন অমা ওইখ্রে৷

‘মাই ভোৎ মেত্তর্স’ অমদি ইলেক্সন স্তেতিস্তিক্স পোকেৎ বূক্কা লোইননা, কম্মিসননা ১৯৫৭দগী ১৯৭৭ ফাওবগী মনুংদা পাংথোকখিবা অনিশুবা অমদি তরেৎশুবা জেনেরেল ইলেক্সনশিংগী নেরেতিব রিপোর্তশিংগী রিপ্রিন্তসু রিলিজ তৌখি৷ নেরেতিব রিপোর্ত অসিদা ইন্দিয়ন ইলেক্সনশিংবু ফ্রী, ফেয়র, পার্তিসিপেতিব অমদি ইনক্লুসিব ওইহন্নবা সংবিধাননা চোকথবা নাইদনা হোৎনখিবা পুম্নমকপু পনখিবা কমপ্রিহেন্সিব দোকুমেন্ত অমনি৷

ভোৎ থাদরিবা রাজ্য মঙাগী সি.ই.ও.শিংনা হন্দক্তা ইকুই কুইদ্রিঙৈদা পাংথোকখিবা স্তেত এসেমব্লী ইলেক্সনশিংগী মতমদা মখোয়না পাংথোকখিবা ইন্নোবেতিব ওইবা প্রেক্তিসশিং, তমশিনখিবশিং অমদি মখোয়না থেংনখিবা এক্সপরিয়েন্সশিং অদুগী মতাংদা তেল্লপপা প্রজেন্তেসন অমা পীখি৷

কনফরেন্স অসিদা রাজ্যশিং/য়ু.তি. পুম্নমক্কী চীফ ইলেক্তোরেল ওফিসরশিং, সেনিয়র দি.ই.সি.শিং, দি.ই.সি.শিং. দি.জি. অমদি কম্মিসনগী অতোপ্পা সেনিয়র ওফিসরশিংনা শরুক য়াখি৷ অনিশুবা নুমিৎতা বখতাৱর্পুরদা নৌনা হৌদোকখিবা ইন্তিগ্রেতেদ ইলেক্সন কমপ্লেক্সতা চৎপগী খোংচৎ অমগা লোইননা সিস্তেমেতিক ভোতর্স এজুকেসন এন্দ ইলেক্তোরেল পার্তিসিপেসন (এস.ভি.ই.ই.পি.) স্ত্রাতিজীগী মতাংদা তোখায়না খন্ন-নৈননবগী থৌরম অমসু মতম লেপখি৷

******



(Release ID: 1825463) Visitor Counter : 30