হকশেল অমসুং য়াইফ-য়ুম্বাল মন্ত্রালয়
azadi ka amrit mahotsav

কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রী, দা. ভারতি প্রবিন পাৱরনা ইন্তর্নেস্নেল নর্সেস দেবু নিংশিংনবগীদমক্তা পাংথোকপা থৌরম অমদা ৱা ঙাংখ্রে

“অরিংবা নর্সিং সেক্তর অসি অরিংবা হেল্থকিয়র সেক্তর অমগী তঙাইফদবা মচাক অমনি। নর্সশিংনা কিয়রিংগী হার্ত অমসংউ সোলনি”: দা. ভারতি প্রবিন পাৱর

Posted On: 12 MAY 2022 2:22PM by PIB Imphal

কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রী, দা. ভারতি প্রবিন পাৱরনা ঙসি ইন্তর্নেস্নেল নর্সেস দেবু নিংশিংনবগীদমক্তা পাংথোকপা থৌরম অমদা ৱা ঙাংখ্রে। থৌরম অদু ইন্দিয়ন নর্সিং কাউন্সিলনা হকশেল অমসুং য়াই-য়ুম্বালগা খুৎশম্নদুনা পাংথোকখি। ইন্তর্নেস্নেল নর্সেস দে অসি হেল্থকিয়রদা লৈরিবা নর্সশিংবু খুনাই অসিদা মখোয়গী দেলিজেন্স অমসুং সার্বিসকীদমক্তা ইকাইখুম্ননবা মোদর্ন নর্সিংগী ফাউন্দর ফ্লোরেন্স নাইতিংগেলগী মপোক কুমওনদা পাংথোকপা মালেমগী ওইনা পাংথোকপা থৌরম অমনি।

লৈবাক অসিগীদমক্তা মখোয়না মখোয়গী সার্বিসকীদমক্তা নর্সিং ফ্রেতর্নিতী পুম্নমকপু থাগৎপা ফোংদোক্লদুনা দা. ভারতি প্রবিন পাৱরনা হায়খি, “নর্সশিংনা হেল্থকিয়র ইন্দস্ত্রীদা বাম্না মরু ওইবা থৌদাং লৌই অমসুং দোক্তর অমসংউ পেসেন্তকী মরক্তা খ্বাইদগী মরু ওইবা লিঙ্ক অমনি। নর্সশিং অসি অয়ুক, নুংথিল, নুমিদাং খাইদনা মাইথোংদা অৱাবা উত্তনা মখোয়গী পেসেন্তশিংগী তঙাইফদবশিং অদুবু নিংবা থুংহন্নবা থবক তৌরিবা হিরোশিংনি। মখোয়শিং অসি পেসেন্তশিংগী মথৌ তাবশিং পুম্নমকপু অৱাবা লৈতনা শেন্নরিবা হেল্থকিয়র ইন্দস্ত্রীগী ঙাক্লৌনি।”

কোবিদ লাইচৎ মনুংদা নর্সিং ফ্রেতর্নিতীনা লৌখিবা য়াম্না শিংথানিংঙাই ওইবা থৌদাং অদুবু থাগৎলদুনা, কেন্দ্রগী রাজ্য মন্ত্রীনা হায়খি মদুদি কোবিদ লাইচৎ মনুংদা নর্সশিংনা লৌখিবা থৌদাং অদুবু ৱাহৈনা থাগৎপা ফোংদোকপা ঙম্লরোই। মসিনা মসিগী লেমজনিংঙাই ওইরবা শিনফম অসিগীদমক্তা ঐখোয়বু থমোইনুংদগী থাগৎপা ফাওহল্লি অমসুং ইকাইখুম্ননিংবা ফাওহল্লি। মআক্না মখাতানা ফোংদোরকখি মদুদি নর্সিং হায়বসি হেল্থ সেক্তরদা খ্বাইদগী চাউবা ওকুপেস্নেল গ্রুপনি, মসিনা হেল্থ প্রোফেস্নেলশিংগী ৫৯% শরুক য়ারি অমসুং খ্বাইদগী অহানবা পোইন্ত ওফ কন্তেক্ত ওইনা থবক তৌই অমসুং মসিনা মরম ওইরগা মখোয়গী থৌদাং অসি হেল্থকিয়র দিলিভরী সীস্তেদা অমুক্কসু হেন্না মরু ওইহল্লে। “অরিংবা নর্সিং সেক্তর অসিনা অরিংবা হেল্থকিবর সেক্তর অমগী তঙাইফদবা মচাক অমনি। নর্সশিংনা হোসপিতালশিংগী ফাউন্দেশন্নি। মখোয়শিং অসি কিয়রিংগী হার্ত অমসুং সোলনি। নর্সশিংনা কনাগুম্বা অমগী অমসুং কম্যুনিতীগী হকশেলদা য়াম্না মরু ওইবা থৌদাং লৌরি। নর্সিংদা ইনভেস্ত তৌবনা ফগৎহল্লবা হেল্থ সার্বিসশিং অমসুং দিজীজ প্রিভেন্সনগী খুত্থাংদা য়ুনিভর্সেল হেল্থ কোবরেজকী পান্দম অদুবু ফংবদা মতেং পাংলগনি”, হায়না মহাক্না মখা তারকখি।

নর্সিং সেক্তরদা সরকারগী অনৌবা খোংথাংশিং অদুবু পল্লদুনা, কেন্দ্রগী এম.ও.এস.না ইন্দিয়ন নর্সিং কাউন্সিল অমসুং হকশেল অমসুং য়াইফ-য়ুম্বাল মন্ত্রালয়না পুথোরকপা ‘নর্সেস রেজিস্ত্রেশন এন্দ ত্রেকিং সীস্তেম ’- এ লাইব রেজস্তর ওফ নর্সেস হায়বা তেক্নোলোজী প্লেতফোর্ম অসিগী মতাংদা হায়খি। ইন্দিয়ন নর্সেস লাইব রেজিস্তর অসিনা হৌজিক-হৌজিক প্রক্তিস তৌরিবা নর্সশিংগী খ্বাইদগী নৌবা ইনফোর্মেশন পীরিবা ওনলাইন রেজিস্ত্রী অমনি, মসিনা ভারত্তা নর্সিং প্রোফেস্নেলশিংগীদমক্তা হেন্না ফবা মেনপাৱর প্লানিং অমসুং পোলিসী মেকিংদা সরকারগী মতেং পাংলি। মসিগী মথক্তা, ইন্দিয়ন নর্সিং কাউন্সিল (আই.এন.সি.)নসু নর্সংই ফেকল্তীদা মতম অসিগী খ্বাইদগী নৌবা ত্রেনিং পীনবা দিল্লী এন.সি.আর.দা স্কিল সিম্যুলেশণ লেব অমা লিংখৎখ্রে। মসিগী মথক্তা, আই.এন.সি.না ক্রিতিকেল কিয়র রেসিদেন্সী প্রোগ্রামদা নর্স প্রক্তিস্নর দেবেলপ তৌখ্রে অমসুং সাকিয়াত্রী নর্সিংনা থবক পাইখৎনবা থৌরাং তৌরি হায়না মহাক্না হায়খি।

****



(Release ID: 1824915) Visitor Counter : 27