মশিং য়ামদবা কাংবুগী মন্ত্রালয়
লৈবাকসিগী অহানবা “অমৃৎ সরোবর” হয়েং পত্বাই, রামপুর (য়ু.পি.)দা মাইন,রিতী এফ্যার্সকী কেন্দ্র মন্ত্রী শ্রী মুখতার অব্বাস নকবি অমসুং উত্তর প্রদেশ জল শক্তি মন্ত্রী শ্রী স্বতন্ত্র দেব সিংহনা শঙ্গাগদৌরি
“অমৃৎ সরোবর” অসি প্রধান মন্ত্রী শ্রী নরেন্দ্র মোদীগী ৱাফমশিংনা পুক্নিং থৌগত্তুনা উত্তর প্রদেশকী মুখ্য মন্ত্রী শ্রী য়োগি অদিত্যনাথকী লমজিং মখাদা শাখিবনি: শ্রী নকবি
प्रविष्टि तिथि:
12 MAY 2022 2:22PM by PIB Imphal
লৈবাকসগী অহানবা “অমৃৎ সরোবর” মে ১৩, ২০২২দা পত্বাই, রামপুর (য়ু.পি.)দা মাইনোরিতী এফ্যার্সকী কেন্দ্র মন্ত্রী শ্রী মুখতার অব্বাস নকবি অমসুং উত্তর প্রদেশকী জল শক্তি মন্ত্রী শ্রী স্বতন্ত্র দেব সিংহনা শঙ্গাগদৌরি।
পুক্নিং হুরবা “অমৃৎ সরোবর” অসি প্রধান মন্ত্রী শ্রী নরেন্দ্র মোদীগী ৱাফমশিংনা পুক্নিং থৌগত্তুনা উত্তর প্রদেশকী মুখ্য মন্ত্রী শ্রী য়োগি অদিত্যনাথকী লমজিং মখাদা শাখিবনি হায়না শ্রী নকবিনা ঙসি নই দিল্লীদা ফোঙদোকখি।
মীচম মীয়াম, খুঞ্জাশিংনা শরুক য়াশিন্দুনা মতেং পাংলকপা অমসুং গ্রাম পঞ্চায়ৎ অমদি দিস্ত্রিক্ত এদমিনিস্ত্রেসন্না খুৎলৈ থুনা থবক পায়খৎপনা তেল্লবা মতমগী মনুংদা “অমৃৎ সরোবর” অসিবু হাংদোকপদা মরুওইবা থৌদাং লৌখি হায়না মহাক্না হায়খি।
মমাঙ থাগী “মন কি বাৎ” থৌরমদা প্রধান মন্ত্রীনা পত্বাই, রামপুরগী “অমৃৎ সরোবর” অসিগী মরমদা পনখি হায়না মন্ত্রীনা ফোঙদোকখি।
“অমৃৎ সরোবরগী থবক পায়খৎনবা ফিরেপ লৌখ্রবা মতুংদা মফম কয়াদা খোঙলৈ থুনা থবক পায়খৎপা হৌখ্রে হায়বসি নুংঙাই। য়ু.পি.গী রামপুরদা লৈবা গ্রাম পঞ্চায়ৎ পত্বাইগী মরমদা ঐ পাউ তারে। গ্রাম সভা অদুনা কোনবা মফমদা ইকোন অমা লৈরম্মি অদুবু মদু ফত্ত-হৌদিনা পীক থল্লম্মি। লমদমদুগী মীয়াম অমসুং মহৈরোয়শিংগী মতেঙগা লোয়ননা কন্না হোৎনদুনা অমোৎপা ইকোন অদুবু হৌখিবা চয়োল খরসিদা অওনবা পুরকখিবনি। হৌজিক্তি পাৎ অসিগী অকোয়বদা রিতেনিং ৱাল, বাউন্দরী ৱাল, ফুদ কোর্ত, ইফুৎ অমসুং মৈনচিংবা থান্দুনা শেমগৎলে। ঐনা রামপুরগী পত্বাই গ্রাম পঞ্চায়ৎ, খুঙ্গঙদুগী মীয়াম অমসুং অঙাঙশিংবু মখোয়না হোৎনরিবা অসিগীদমক্তা নুংঙাইবা ফোঙদোকচরি”, হায়না প্রধান মন্ত্রী শ্রী নরেন্দ্র মোদীনা “মন কি বাৎ” থৌরমদা হায়খি।
পত্বাইগী “অমৃৎ সরোবর” অসিনা অকোয়বগী ঈশিং নুংশিৎকী ফীভম ঙাক শেনবা অমসুং ঈশিং য়োকশিনবতা নত্তনা মনাক নকপদা লৈবা মীয়ামগী পুক্নিং চিংশিনফম অমসু ওইরগনি হায়না শ্রী নকবিনা হায়খি। কুমহৈ ফিয়োংগী তোঙান তোঙানবা খুদোংচাবা কয়াগা লোয়ননা “অমৃৎ সরোবর” অসিদা হি তোংবগী খুদোংচাবসু ফংলি।
উত্তর প্রদেশকী রাজ্য মন্ত্রী শ্রী বলদেব সিংহ ঔলখ, রামপুর জিলা পঞ্চায়ৎ চেয়রমেন শ্রী খয়ালিরাম লোধি, মিলক এম.এল.এ. শ্রীমতি রাজবলা, কম্মিস্নর মোরাদবাদ শ্রী অঞ্জনেয়া কুমার সিংহ, দিস্ত্রিক্ত মেজিস্ত্রেৎ রামপুর শ্রী রবিন্দ্র কুমার মন্দর, চীফ দেভেলপমেন্ত ওফিসর শ্রীমতি গজল ভরদ্বাজ অমসুং অতৈ মীথুংশিংসু থৌরমদুদা শরুক য়াখি।
*****
(रिलीज़ आईडी: 1824912)
आगंतुक पटल : 193