তুরিজম মন্ত্রালয়না ‘আজাদি কা অমৃত মহোৎসব’ পালন তৌবগী শরুক ওইনা ‘য়ুব তুরিজম ক্লবশিং’ শেম্নবগী থৌরাং হৌদোকখ্রে। য়ুবা তুরিজম ক্লবশিংগী মঙলান অসি ভারক্তা লৈরিবা তুরিজমগী ওইথোকপা য়াবশিংগী মরমদা খঙবা, ঐখোয়গী ফজরবা কলচরেল হেরিতেজ অসিগীদমক চাউথোকচবা পোকপা অমসুং তুরিজমদা থৱায় য়াওবা অমসুং পাম্বা মীওই অমা ওইরক্কদবা ভারতকী তুরিজমগী নহা ওইরিবা এম্বেসেদরশিং মখোঙ শোম্বা অমসুং শেমগৎপনি। নহা ওইরিবা এম্বেসেদরশিং অসিনা ভারত্তা তুরিজম চাউখৎহন্নবা কেতলিস্তশিং ওইরগনি। তুরিজম ক্লবশিংদা শরুক য়াবা অসিনা থৌদাং লৈবা তুরিজম প্রেক্তিসশিং পাইখৎপা আমসুং সস্তেনেবল তুরিজমগী মরমদা খনবগী মথক্তা তীমৱার্ক, মেনেজমেন্ত, লুচিংবগী গুনশিং অসিগুম্বা সোফ স্কিলশিং দিবেলপ তৌগনি।

তুরিজম মন্ত্রালয়গী থৌরাং অসি তেংবাং পীনবা সেন্ত্রেল বোর্দ ওফ সেকেন্দরী এজুকেসন্না মাংদা থোরকখি অমসুং য়ুবা তুরিজম ক্লবশিং শেম্নবগী মতাংদা সি,বি.এস.ই. এফিলিএৎ স্কুল পুম্নমক্তা পাউতাকশিং পীখি।

মসিগী মতাংদা ৱা ঙাংলদুনা কেন্দ্রগী তুরিজম মন্ত্রী শ্রী জি. কিশন রেদ্দীনা হায়খি, নহারোলশিংনা ভারত অমসুং মাগী কলচরেল, স্পিরিচুএল অমসুং নেচরেল হেরিতেজকী খ্বাইদগী মতিক চারবা এম্বেসেদরশিংনি। স্কুল কয়ামরুমদা হাংলিবা য়ুবা তুরিজম ক্লবশিং অসিনা অপুনবগী শক্তম ঙাক্কনি অমসুং প্রধান মন্ত্রীগী এক ভারত শ্রেস্থ ভারতকী মঙলান অসি থুংহনগনি। শ্রী রেদ্দীনা মখা তারদুনা হায়খি মদুদি মহৈরোয়শিংনা হৌজিক দোমেস্তিক দেস্তিনেসনশিংগী মরমদা খঙলগনি অমসুং তুরিজম সেক্তর চাউখৎহন্নবা তুলশিং ফংহল্লগনি। তুরিজম ক্লবশিং অসিনা অঙাংশিংবু মখোয়গী রাজ্যশিং অমসুং য়ুমলোন্নরিবা রাজ্যশিংগী কলচরগী হীরমশিংগী মরমদা হেন্না খঙহনবদা মতেং ওইরগনি। মসিনা প্রধান মন্ত্রীগী দেখো অপ্না দেশকী ৱাখল্লোন অদু চেৎশিনহল্লগনি।

ক্লবশিং অসিগী নহা ওইরিবা মেম্বরশিংনা ভারতকী ফজরবা ভাইর্সিতী অমসুং মাগী সিবিলাইজেস্নেল ভেল্যুশিংগী মতাংদা এক্সপোজর ফংবা হেনগৎল্লগনি, মসিদা মখোয়না লৈবাক অসিগী মনুং চল্লি হায়বা ৱাখল্লোন হেনগৎহল্লগনি। নাকল অমরোমদা নহারোলশিংনা তুরিস্ত এম্বেসেদরশিং ওইরকপদা ভারত অসি মালেমগী পাম্নরবা তুরিস্ত দেস্তিনেসন ওইরক্লগনি মসিনা ঐখোয়গী শেন্মীৎলোন্দা চাউনা কান্নবা অমা ওইরগনি।

তুরিজম মন্ত্রালয়না ‘হেন্দবুক ফোর স্কুল্স ফোর কন্দক্ত ওফ তুরিজম ক্লবস’ শিয়র তৌখি। হেন্দবুক অসিনা তোঙান-তোঙানবা থবক-থৌরমশিং পাঙথোক্নবা অখন্নবা গাইদলাইনশিং অমসুং সজেসনশিংগা লোয়ননা মসি শীজিন্নফমশিং, ওপরেস্নেল স্ত্রেতেজিশিং পীরি। এক্তিবিতীশিংগী প্রপোজ তৌবা সেম্পল অসি সজেস্তিব ওই অমসুং ওজা অমদি স্কুলশিংদা এক্সকর্সন, ওনলাইন নত্ত্রগা ই-তুরিজম, পিয়র ওইরিবা রাজ্য/য়ু.তি.গী পেন পালশিং শেম্বা, পিয়র ওইরিবা রাজ্য/য়ু.তি.গী লোল তম্বা, দাইভর্সিতী, নেচরেল রিসোর্সশিং অমসুং ভারতকী ফজরবা হেরিতেজ অসিগী এক্সপোজর ফংহনবা অসিগুম্বা এক ভারত শ্রেস্থ ভারত (ই.বি.এস.বি.) প্রোগ্রামগী মখাদা এলাইদ এক্তিবিতীশিং ইনকোর্পোরেৎ তৌনবা পুক্নিং থৌগৎকনি।

য়ুবা তুরিজম ক্লবশিংনা লর্নরশিংদা ত্রেবেল অমসুং তুরিজমগী মরু ওইবা অদু খঙহনবা ঙমগনি, লর্নরশিংদা তুরিজম অমসুং মাগী কান্নবশিং অসিগী অপাম্বা পোকহনগনি, লর্নরশিংদা ত্রেবেলগী তোঙান-তোঙানবা ইলিমেন্তশিংগী মতাংদা সেন্সিতাইজ তৌগনি, পুক্নীং থৌগৎকনি, থৌদাং লৈবা তুরিজম প্রেক্তিশিং তাকপীগনি অমসুং প্রোপাগেৎ তৌগনি, এক্সপ্লোরেতরী, এদভাঞ্চর অমসুং স্পোর্তস তুরিজমগী খুত্থাংদা ফিজিকেল অমসুং মেন্তেল হেল্থ ফগৎহনগনি অমসুং চহি নৌরিঙৈদা তুরিজমগী খুদোংচাবশিং মতাংদা এৱের্নেস পীগনি অমসুং লর্নরশিংদা হোস্পিতেলিতী অমসুং তুরিজম সেক্তরদা স্কিল প্রোফেস্নেল অমসুং ওন্তপ্রিনোরশিং ওইনবা পুক্নীং থৌগৎকনি।

তুরিজম ক্লবসকী হেন্দবুক্কীদমক মসিদা নম্বীয়ু

*******