وزیراعظم نے آج قومی تعلیمی پالیسی (این ای پی) 2020 کے نفاذ کا جائزہ لیا۔ انہوں نے مشاہدہ کیا کہ این ای پی  2020 کے آغاز کے بعد سے دو سالوں میں اس کے نفاذ میں، پالیسی کے تحت مقرر کردہ رسائی، مساوات، شمولیت اور معیار کے مقاصد کو حاصل کرنے کے لیے بہت سے اقدامات کیے گئے ہیں۔ اسکول سے باہر بچوں کا پتہ لگانے اور انہیں قومی دھارے میں واپس لانے کے لیے خصوصی کوششوں سے لے کر اعلیٰ تعلیم میں متعدد داخلے اور اخراج تک، بہت سی تبدیلیی اصلاحات شروع کی گئی ہیں جو کہ ’امرت کال‘ میں داخل ہوتے ہی ملک کی ترقی کی وضاحت اور رہنمائی کریں گی۔

اسکول کی تعلیم

وزیراعظم کو بتایا گیا کہ نیشنل اسٹیئرنگ کمیٹی کی رہنمائی میں قومی نصاب کے فریم ورک کی تشکیل کا کام جاری ہے۔ اسکولی تعلیم میں، بالوتیکا میں معیاری ای سی سی ای جیسے اقدامات، این ای پی یو این بھارت، ودیا پرویش، امتحانی اصلاحات اور جدید تدریس جیسے آرٹ-انٹیگریٹڈ ایجوکیشن، کھلونا پر مبنی پیڈاگوجی کو بہتر سیکھنے کے نتائج اور بچوں کی ہمہ گیر ترقی کے لیے اپنایا جا رہا ہے۔ انہوں نے مشاہدہ کیا کہ اسکول جانے والے بچوں کی ٹیکنالوجی کے زیادہ نمائش سے بچنے کے لیے آن لائن اور آف لائن سیکھنے کا ایک ہائبرڈ نظام تیار کیا جانا چاہیے۔

آنگن واڑی مراکز کے ذریعہ رکھے گئے ڈیٹا بیس کو بغیر کسی رکاوٹ کے اسکول کے ڈیٹا بیس کے ساتھ مربوط کیا جانا چاہئے کیونکہ بچے آنگن واڑیوں سے اسکولوں میں منتقل ہوتے ہیں۔ اسکولوں میں بچوں کی صحت کا باقاعدہ چیک اپ اور اسکریننگ ٹیکنالوجی کی مدد سے کی جانی چاہیے۔ طلباء میں تصوراتی صلاحیتوں کو فروغ دینے کے لیے مقامی طور پر تیار کردہ کھلونوں کے استعمال پر زور دیا جانا چاہیے۔ انہوں نے یہ بھی تجویز کیا کہ سائنس لیب والے سیکنڈری اسکولوں کو چاہیے کہ وہ اپنے علاقے کے کسانوں کے ساتھ مٹی کی جانچ کے لیے کام کریں تاکہ مٹی کی صحت کے بارے میں بیداری پیدا کی جا سکے۔

اعلیٰ تعلیم میں کثیر الضابطہ

وزیر اعظم کو یہ بھی بتایا گیا کہ لچک اور زندگی بھر سیکھنے کے لیے ملٹیپل انٹری-ایگزٹ کے رہنما خطوط کے ساتھ ساتھ ڈیجی لاکر پلیٹ فارم پر اکیڈمک بینک آف کریڈٹ کے اجراء سے طلبہ کے لیے اپنی سہولت اور پسند کے مطابق تعلیم حاصل کرنا ممکن ہو جائے گا۔ زندگی بھر سیکھنے کے نئے امکانات پیدا کرنے اور سیکھنے والوں میں تنقیدی اور بین الضابطہ سوچ کو مرکزی طور پر شامل کرنے کے لیے، یو جی سی نے رہنما خطوط شائع کیے ہیں جن کے مطابق طلباء ایک ساتھ دو تعلیمی پروگراموں کو آگے بڑھا سکتے ہیں۔ نیشنل ہائر ایجوکیشن کوالیفیکیشن فریم ورک (این ایچ ای کیو ایف) بھی تیاری کے ایک اعلی درجے کے مرحلے میں ہے۔ یو جی سی  موجودہ "کریکولم فریم ورک اور کریڈٹ سسٹم برائے انڈر گریجویٹ پروگرام" پر این ایچ ای کیو ایف کے ساتھ ہم آہنگی میں نظر ثانی کر رہا ہے۔

ملٹی ماڈل ایجوکیشن

آن لائن، اوپن اور ملٹی ماڈل لرننگ کو اسکولوں اور اعلیٰ تعلیمی اداروں دونوں نے بھرپور طریقے سے فروغ دیا ہے۔ اس اقدام نے کوویڈ 19 وبائی امراض کی وجہ سے سیکھنے (لرننگ) کے نقصان کو کم کرنے میں مدد کی ہے اور یہ ملک کے دور دراز اور ناقابل رسائی حصوں تک تعلیم کو پہنچانے میں بہت اہم کردار ادا کرے گا۔سوایم ، دکشا، سوائم پربھا SWAYAM، DIKSHA، SWAYAM PRABHA، ورچوئل لیبز اور دیگر آن لائن ریسورس پورٹلز نے کامیابیوں اور طلباء کے رجسٹریشن میں تیزی سے اضافہ دکھایا ہے۔ یہ پورٹل بینائی سے محروم افراد کے لیے متعدد ہندوستانی زبانوں بشمول اشاروں کی زبان اور آڈیو فارمیٹس میں مطالعاتی مواد فراہم کر رہے ہیں۔

مذکورہ بالا کے علاوہ، یو جی سی نے اوپن اینڈ ڈسٹنس لرننگ (او ڈی ایل) اور آن لائن پروگرامز کے ضوابط کو مطلع کیا ہے جس کے تحت 59 اعلیٰ تعلیمی ادارے (ایچ ای آئی ایس )  351 مکمل آن لائن پروگرام پیش کر رہے ہیں اور 86 اور ڈپٹی ایل  1081  ایچ ای آئی پروگرام پیش کر رہے ہیں۔ پروگرام میں آن لائن مواد کی اجازت کی حد کو بھی بڑھا کر 40 فیصد کر دیا گیا ہے۔

ش ح۔   ش ت  ۔ج

Uno-5124