প্রধান মন্ত্রীনা নেস্নেল এজুকেসন পোলিসী (এন.ই.পি.) ২০২০ থবক্তা ওন্থোকপগী থৌওং ঙসি হঙ্গৎনা য়েংশিনখ্রে। এন.ই.পি. ২০২০না চৎনবা হৌবগী চহি অনিগী মনুংদা পোলিসী অসি মখাদা থম্লিবা পুম্নমক্তা ফংহনবা, মান্নবা মিৎয়েং য়েংবা, হীরম খুদিংমক মনুং চলহনবা অমসুং মগুন লৈহনবগী পান্দমগা মরী লৈনবা খোঙথাং কয়া পায়খৎপগী মওং উবা ফংখ্রে হায়না মহাক্না পাউদমখি। স্কুল তমদ্রবা মহৈরোইশিং মশক খঙদোক্তুনা মখোয়বু মেনস্ত্রীমদা পুরক্নবা হোৎনবদগী হৌদুনা হাইয়র এজুকেসন্দা মলতিপল এন্ত্রী অমসুং একজিৎ হৌদোকপা ফাওবগী মনুং চন্না ঐখোয়না ‘অমৃত কাল’ অসিদা খোঙদারক্লিবা অসিদা লৈবাক্কী চাউখৎ-থৌরাংগী অশেংবা ৱাহন্থোক পীবগা লোয়ননা চাউখৎ-থৌরাংদা লুচিংবগী অহোংবা পুরকপা রিফোর্ম কয়া হৌদোকখ্রে।

স্কুল এজুকেসন

নেস্নেল স্তীরিং কম্মিতীগী পাউতাক মখাদা নেস্নেল করিকলম ফ্রেমৱর্ক শেম্বগী থবক কন্না চত্থরি হায়না প্রধান মন্ত্রীগী মফমদা পাউদমখি। বালবাতিকা, নিপুন-ভারত, বিদ্যা প্রবেশতা ক্বালিতী ই.সি.সি.ই. লৈহনবা, একজামিনেসন রিফোর্ম অমসুং আর্ত ইন্তিগ্রেতেদ এজুকেসন, শান্নপোত্তা য়ুম্ফম ওইবা পেদাগোজীগুম্বা ইন্নোভেতিব ওইবা পেদাগোজী কয়াবু হেন্না ফবা লর্নিং আউতকম অমসুং অঙাংশিংগী মপুং ওইবা চাউখৎপা পুরক্নবা খোঙথাং কয়া স্কুল এজুকেসনগী মনুং চন্না পায়খৎলি। স্কুল চৎলিবা অশঙাংশিংদা তেক্নোলোজী কা-হেন্না শিজিন্নহনবা থিংনবা ওনলাইন অমসুং ওফলাইন্দা মহৈ তম্বগী হাইব্রিদ সীস্তেম অমসুং শেমগদবনি হায়না প্রধান মন্ত্রীনা ফোংদোকখি।

অঙাংশিংনা আঙ্গনৱারীদগী স্কুলশিংদা কারকপগা লোয়ননা আঙ্গনৱারী সেন্তরশিংনা থম্লিবা দেতাবেজশিংবু স্কুলগী দেতাবেজশিংগা পরিং নাইনা পুন্সিনগদবনি। তেক্নোলোজী শিজিন্নদুনা স্কুলশিংদা অঙাংশিংগী হেল্থ চেক-অপ অমসুং স্ক্রীনিং চাং নাইনা চত্থগদবনি। মহৈরোইশিংদা কন্সেপচুএল স্কিল লৈহন্নবগীদমক্তা মশাগী লমদমদা শাজবা শান্নপোৎ শিজিন্নবদা অহেনবা মিৎয়েং চঙদবনি। সাইন্স লেব লৈবা সেকন্দরী স্কুলশিংনা মখোয়গী লৈফমগী মনাক্কী লৌমীশিংগা খুৎশম্নদুনা লৈহাও চাংয়েং তৌবগী থৌওং পাংথোকপা য়াই হায়না প্রধান মন্ত্রীনা হায়খি।

হাইয়র এজুকেসন্দা মলতিদিসিপ্লিনরী লৈহনবা

প্রধান মন্ত্রীগী মফমদা মহৈরোইশিংনা মখোয়গী অপাম্বা অমসুং খুদোংচাবগী মতুং ইন্না মহৈ তমহনবা য়াহন্নবা একাদমিক বেঙ্ক ওফ ক্রেদিৎপু দিজিলোক্কর প্লেৎফোর্মদা লোঞ্চ তৌখিবগা লোয়ননা ফ্লেক্সিবিলিতী অমসুং লাইফ লোং লর্নিংগীদমক্তা মলতিপল এন্ত্রী-একজিৎকী কাঙলোনগী মতাংদসু পাউদমখি।লাইফ লোং লর্নিংগীদমক্তা অনৌবা খুদোংচাবা শেমগৎনবা অমসুং মহৈ তম্লিবশিংদা মরু ওইবা অসুং দিসিপ্লিন য়াম্বা থৌওং লৈহন্নবগীদমক্তা, য়ু.জি.সি.না মহৈরোইশিংনা মতম অমত্তদা একাদমিক প্রোগ্রাম অনি তম্বা য়াহনবগী কাঙলোন ফোঙখ্রে। নেস্নেল হাইয়র এজুকেসন ক্বালিফিকেসন ফ্রেমৱর্ক (এন.ঐচ.ই.ক্যু.এফ.) হায়বসিসু শেমগৎ-শাগৎপগী খুমাং চাউশিনবা থাক্তা লৈরবনি। য়ু.জি.সি.না হৌজিক চৎনরিবা “অন্দর্গ্রেজুএত প্রোগ্রামগী করিকলম ফ্রেমৱর্ক অমসুং ক্রেদিৎ সীস্তেম্বু” এন.ঐচ.ই.ক্যু.এফ.কা মরী লৈননা শেমদোক্লিবনি।

মলতি মোদেল এজুকেসন

স্কুল অমসুং হাইয়র এজুকেসন ইন্সতিত্যুসন অনিমক্না ওনলাইন, ওপন অমসুং মলতি মোদেল লর্নিংবু য়াম্না কন্না পুক্নিং থৌগৎলি। মসিগী খোঙথাং অসিনা কোবিদ-১৯না মরম ওইরগা মহৈ তম্বদা অমাঙবা লৈবদা য়াম্না তেংবাংখি অমসুং এজুকেসনবু লৈবাক্কী মনুং হঞ্জিনবা মফমশিংদা য়ৌশিনবদা য়াম্না তেংবাংগনি। স্বয়ম, দিকশা, স্বয়ম প্রভা, ভর্চুএল লেব অমসুং ওনলাইন রিসোর্স পোর্তেল অতোপ্পশিংদসু হিত অমসুং মহৈরোইশিংনা রেজিস্ত্রেসন তৌরকপগী মশিং য়াম্না হেনগৎপগী ফিভম উবা ফংখি। পোর্তেলশিং অসিনা উবা-তাবদা অৱাবা লৈবা মীহোইশিংগী ওইবা সাইন লেংগ্বেজ অমসুং ওদিও ফোর্মেৎ য়াওনা ভারতকী লোল কয়াদা স্তদী মেতরিএল পীরি।

মথক্তা পনখ্রিবশিং অসিগী মথক্তা, য়ু.জি.সি.না ওপন অমসুং দিস্তেন্স লর্নিং (ও.দি.এল.) অমসুং ওনলাইন প্রোগ্রাম রিগ্যুলেসন খঙহনখ্রে অমসুং মসিগী মখাদা হাইয়র এজুকেস্নেল ইন্সতিত্যুসন (ঐচ.ই.আই.) ৫৯না মপুং ফারবা ওনলাইন প্রোগ্রাম ৩৫১ পীরি অমসুং ঐচ.ই.আই. ৮৬না ও.দি.এল. প্রোগ্রাম ১০৮১ পীরি। প্রোগ্রাম অমদা ওনলাইন কন্তেন্ত য়াওবা য়াবগী অয়াবা পীখ্রবা চাংসু ৪০%তগী হেনগৎখ্রে।

ইন্নোভেসন অমসুং স্তার্ত-অপ

স্তার্ত-অপ অমসুং ইন্নোভেসনগী ইকোসীস্তেম অমবু পুক্নিং থৌগৎনবগীদমক্তা, ইন্সতিত্যুসন ২৭৭৪গী ইন্নোভেসন কাউন্সিলসু রাজ্য ২৮ অমসুং য়ু.তি. ৬কী ঐচ.ই.আই.শিংদা শেমখ্রে। এন.ই.পি.গা মরী লৈনবা অতল রেঙ্কিং ওফ ইন্সতিত্যুসন্স ওন ইন্নোভেসন এচিবমেন্ত (এ.আর.আই.আই.এ.) অসিসু রিসর্চ, ইনক্যুবেসন অমসুং স্তার্ত-অপকী কলচর অমা শেম্নবগীদমক্তা দিসেম্বর ২০২১দা লোঞ্চ তৌখ্রে। মসিদা ইন্সতিত্যুসন ১৪৩৮না শরুক য়াখি। রোত লর্নিংগী মহুত্তা এক্সপেরিএন্সেল লর্নিং পাংথোক্নবগীদমক্তা আইদিয়া দিভেলপমেন্ত, ইভালুএসন অমসুং এপ্লিকেসন (এ.দি.ই.এ.) লেবকীদমক্তা ইন্দস্ত্রীশিংনা শরুক য়াদুনা এ.আই.সি.তি.ই.না ইন্সতিত্যুসন ১০০দা শেন্থং পীথরি।

ভারতকী লোল খুমাং চাউশিলহনবা

ইংলিশ খঙদবনা মরম ওইরগা মহৈরোই অমত্তনা মহৈ তম্বদা অৱাবা থেংনবা থিংনবগীদমক্তা এজুকেসন অমসুং তেস্তিংদা লোল য়ামহনবা হায়বসিদা অহেনবা মিৎয়েং চঙলি। রাজ্য কয়া অমনা পান্দম অসিবু খন্দুনা ফাউন্দেসন লেবেলদা লোল অনি/অহুমগী লাইরিক ফোঙলি অমসুং দিকশা প্লেৎফোর্মদা য়াওরিবা কন্তেন্তপু ভারতকী লোল ৩৩দা ফংহল্লে। এন.আই.ও.এস.নসু ইন্দিয়ন সাইন লেংগ্বেজ (আই.এস.এল.)বু সেকন্দরী থাক্তা লেংগ্বেজ সবজেক্ত ওইহনখ্রে।

এন.তি.এ.না জে.ই.ই. একজাম্বু লোল ১৩দা পাংথোক্লি। এ.আই.সি.তি.ই.না এ.আই.দা য়ুম্ফম ওইবা এপ অমা পুথোকখ্রে অমসুং স্তদী মেতরিএলশিংবু ভারতকী লোল কয়াদা হন্দোক্লি। তেক্নিকেল লাইরিক ইবগী থৌওংসু মরাথী, হিন্দি, বেঙ্গালি, তমিল, তেলেগু অমসুং কন্নরদা পায়খৎলি। রাজ্য ১০দা ইং ২০২১-২২দগী হৌদুনা ইঞ্জিনিয়রিং কোলেজ ১৯দা ভারতকী লোল ৬তা ইঞ্জিনিয়রিং কোর্স তম্বীরি। রিজনেল লোলদা অহেনবা সুপরন্যুমেরারী সিত ৩০/৬০ পীবা অমসুং রিজনেল লোলদা মহৈরোই লৌবগী চাং ৫০% ওইহনবগী থবকশিং এ.আই.সি.তি.ই.না পাংথোকখ্রে।

এন.ই.পি. ২০২০গী পাউতাক মতুং ইন্না ইন্দিয়ন নোলেজ সীস্তেম্বু পুক্নিং থৌগৎলি। এ.আই.সি.তি.ই.না ইন্দিয়ন নোলেজ সীস্তেম (আই.কে.এস.) সেল অমা লিংখৎখ্রে অমসুং লৈবাক শিনবা থুংবগী ওইনা আই.কে.এস. সেন্তর ১৩ হাংদোকখ্রে।

ঙসিগী মীফম অসিদা এজুকেসন মন্ত্রী (এম.ও.এস.), শ্রী ধর্মেন্দ্র প্রধান অমসুং অমসুং স্কিল দিভেলপমেন্ত অমসুং ওন্তোপ্রিনর্শিপ (এম.এস.দি.ই.) মন্ত্রী, রজীব চন্দ্রসেখর; এম.এস.দি.ই.গী রাজ্য মন্ত্রী, শ্রী সুভাস সরকার, এম.ও.এস., এম.ও.ই., শ্রীমতি অন্নপুর্না দেবী, এম.ও.এস., এম.ও.ই., শ্রী রাজকুমার রঞ্জন সিংহ, পি.এম.গী প্রিন্সিপল সেক্রেতরী, কেবিনেত সেক্রেতরী, পি.এম.গী এদভাইজর, য়ু.জি.সি.গী চেয়র্মেন, এ.আই.সি.তি.ই.গী চেয়র্মেন, এন.সি.ভি.ই.তি.গী চেয়র্মেন, এন.সি.ই.আর.তি.গী দাইরেক্তর অমসুং এজুকেসন মন্ত্রালয়গী অতোপ্পা ওফিসিএলশিংনা শরুক য়াখি।

****