وزیراعظم کا دفتر

وزیراعظم نے گندم کی سپلائی، اسٹاک اور برآمدات کی صورتحال کا جائزہ لینے کے لیے اجلاس کی صدارت کی

Posted On: 05 MAY 2022 8:43PM by PIB Delhi

نئی دہلی،5 مئی  2022/

وزیر اعظم نریندر مودی نے گندم کی فراہمی، اسٹاک اور برآمدات کے مختلف پہلوؤں کا جائزہ لینے کے لیے ایک میٹنگ کی صدارت کی۔

وزیراعظم کو مسائل پر تفصیلی پریزنٹیشن دی گئی۔ انہیں فصل کی پیداوار پر مارچ-اپریل 2022 کے مہینوں میں بلند درجہ حرارت کے اثرات کے بارے میں بتایا گیا۔ گندم کی خریداری اور برآمد کی صورتحال کا  بھی جائزہ لیا گیا۔

ہندوستان کی زرعی مصنوعات کی بڑھتی ہوئی مانگ کی روشنی میں، وزیر اعظم نے ہدایت دی کہ معیار ( کوالٹی )کے اصولوں اور معیارات کو یقینی بنانے کے لیے تمام اقدامات کیے جائیں تاکہ ہندوستان غذائی اجناس اور دیگر زرعی مصنوعات کے ایک یقینی ذریعہ کے طور پر تیار ہو۔ انہوں نے عہدیداروں سے کسانوں کی زیادہ سے زیادہ مدد کو یقینی بنانے کو بھی کہا۔ وزیراعظم کو موجودہ بازار بھاؤ کے بارے میں بھی مختصر طور پر بتایا گیا جو کسانوں کے لیے فائدہ مند ہے۔

میٹنگ میں وزیر اعظم کے پرنسپل سکریٹری، مشیران، کابینہ سکریٹری، محکمہ خوراک اور پی ڈی ایس اور زراعت کے سکریٹریوں نے شرکت کی۔

************

ش ح۔   ش ت  ۔ج

Uno-5073



(Release ID: 1823118) Visitor Counter : 94


Read this release in: English , Urdu , Marathi , Hindi , Bengali , Manipuri , Assamese , Punjabi , Gujarati , Odia , Tamil , Telugu , Kannada , Malayalam