പ്രതിരോധ വകുപ്പിലെ വിരമിച്ച ഉദ്യോഗസ്ഥർക്ക് 2022 ഏപ്രിൽ മാസത്തെ  പെൻഷൻ വിതരണം ചെയ്യാത്തതിനെ കുറിച്ച് മാധ്യമങ്ങളിലും സാമൂഹ്യ മാധ്യമങ്ങളിലും ആശങ്കകൾ ഉയർന്നിട്ടുണ്ട്. അതിനാൽ ബന്ധപ്പെട്ടവർക്കായി  ഇനിപ്പറയുന്ന വ്യക്തത നൽകുന്നു.

പ്രതിമാസ പെൻഷൻ തുടർന്നും ലഭിക്കുന്നതിന് എല്ലാ പെൻഷൻകാരും , പെൻഷൻ വിതരണ ഏജൻസികളായി പ്രവർത്തിക്കുന്ന എല്ലാ ബാങ്കുകളും സാധാരണയായി 2021 നവംബർ മാസത്തിൽ നടത്തുന്ന  വാർഷിക തിരിച്ചറിയൽ നടപടി പൂർത്തിയാക്കണം. കോവിഡ് സാഹചര്യം കണക്കിലെടുത്ത്, 2021 നവംബർ 30-ന് നൽകേണ്ട വാർഷിക തിരിച്ചറിയൽ രേഖ  സമയപരിധി  2022 മാർച്ച് 31 വരെ ഗവണ്മെന്റ്  നീട്ടിയിരുന്നു. പഴയ പെൻഷൻ സമ്പ്രദായത്തിൽ നിന്ന് നിന്ന് സ്പർശ് പോർട്ടലിലേക്ക് (01.01.2016-ന് ശേഷം വിരമിച്ചവർ)മാറിയ 4.47 ലക്ഷം പെൻഷൻകാർ ഉൾപ്പെടെ അഞ്ച് ലക്ഷത്തിലധികം പെൻഷൻകാർക്ക് അതനുസരിച്ച്, 2022 മാർച്ച് 31 വരെ സ്പർശ് വിജയകരമായി പ്രതിമാസ പെൻഷൻ വിതരണം ചെയ്തു.

2022 ഏപ്രിൽ മാസത്തെ പെൻഷനുമായി ബന്ധപ്പെട്ട പ്രവർത്തനങ്ങൾ നടത്തവേ , ഏകദേശം 3.3 ലക്ഷം പെൻഷൻകാരുടെ വാർഷിക തിരിച്ചറിയൽ  രേഖകൾ സമർപ്പിച്ചിട്ടില്ലെന്ന്  വ്യക്തമായി. ഇത്സംബന്ധിച്ച പട്ടിക   പെൻഷൻ വിതരണം ചെയ്യുന്ന എല്ലാ ബാങ്കുകൾക്കും കൈമാറി .അതിന്റെ ഫലമായി 2.65 ലക്ഷത്തിലധികം പെൻഷൻകാരുടെ തിരിച്ചറിയൽ രേഖ  2022 ഏപ്രിൽ 25-നകം സ്പർശി ൽ അപ്‌ഡേറ്റ് ചെയ്‌തു.തുടർന്ന്  ഈ പെൻഷൻകാർക്കെല്ലാം വിജയകരമായി പെൻഷൻ നല്കാൻ നടപടി സ്വീകരിച്ചു.

എന്നിരുന്നാലും, ബാങ്കുകൾക്ക് (മുമ്പത്തെ പെൻഷൻ വിതരണ ഏജൻസി) 58,275 പെൻഷൻകാർക്കുള്ള തിരിച്ചറിയൽ രേഖ  സ്ഥിരീകരിക്കാൻ കഴിഞ്ഞില്ല, കൂടാതെ  അവരുടെ തിരിച്ചറിയൽ വിവരങ്ങൾ  സ്പർശിലും നേരിട്ട് ലഭിച്ചിട്ടില്ല. അതിനാൽ, ഈ പെൻഷൻകാർക്ക് അവരുടെ  ഏപ്രിൽ മാസത്തെ പെൻഷൻ 2022 ഏപ്രിൽ 30 വരെ നൽകിയിട്ടില്ല.

അത്തരം പെൻഷൻകാർക്കുള്ള ബുദ്ധിമുട്ട് ഒഴിവാക്കുന്നതിനായി, ഈ 58,275 പെൻഷൻകാർക്ക് 2022 മെയ് 25-നകം തിരിച്ചറിയൽ രേഖ സമർപ്പി ക്കുന്നതിന് ഒറ്റത്തവണ പ്രത്യേക ഇളവ് അനുവദിച്ചിട്ടുണ്ട്.

2022 ഏപ്രിൽ മാസത്തെ പെൻഷൻ വിതരണ നടപടികൾ ഇപ്പോൾ പൂർത്തിയായി. 2022 മെയ് 04-ഓടെ പെൻഷൻ ക്രെഡിറ്റ് ചെയ്യപ്പെടും. അത്തരം പെൻഷൻകാർക്ക് വാർഷിക തിരിച്ചറിയൽ രേഖ സംബന്ധിച്ച് SMS വഴിയും ഇമെയിൽ വഴിയും അറിയിപ്പ് നൽകും

രേഖ സമർപ്പണത്തിനായി പെൻഷൻകാർ അടുത്തുള്ള പൊതുസേവ കേന്ദ്രത്തെ (https://findmycsc.nic.in/)  സമീപിക്കാനും സ്പർശ് പിപിഒ നമ്പർ ഉപയോഗിച്ച് ജീവൻ പ്രമാൻ വഴി അവരുടെ വാർഷിക തിരിച്ചറിയൽ രേഖ ലഭിക്കാൻ പിഡിഎ സ്പർഷ് പിസിഡിഎ (പി) ആയി തിരഞ്ഞെടുക്കാനും അഭ്യർത്ഥിക്കുന്നു.

സ്പർശ് പോർട്ടൽ https://sparsh.defencepension.gov.in/ എന്നതിൽ ലഭിക്കുന്നതാണ്.