ঙাকশেল মন্ত্রালয়
এপ্রিল ২০২২গী আর্ম্দ ফোর্সেস পর্সনেলশিংগী পেন্সন থাদোক্তবগী মতাঙদা শেংদোকপা
Posted On:
04 MAY 2022 1:29PM by PIB Imphal
মেদিয়া অমসুং সোসিএল মেদিয়াগী সেক্সন খরদা দিফেন্স পেন্সনরশিংগী এপ্রিল ২০২২গী পেন্সন থাদোক্তবগী মতাঙদা নুংনাংবা ফোঙদোক্নরক্লি। মরম অসিনা মরী লৈনবা খুদিংমক্তা মখাগী শেংদোক ৱারোল অসি থম্লি।
পেন্সনর খুদিংমক্না মখা তানা থাগী পেন্সন ফংনবগীদমক পেন্সন দিসবর্সিং এজেন্সী ওইনা থবক তৌরিবা বেঙ্ক পুম্নমক্না নবেমবর ২০২১দা তৌবা চহিগী ওইবা শকখঙবগী থবক থৌওংশিং মপুং ফানা লোইশিনগদবনি। কোবিদ লাইচৎনা মরম ওইরগা লৈঙাক্না চহিগী আইদেন্তিফিকেসনগী মতম নবেমবর ৩০, ২০২১ ওইরমবদগী মার্চ ৩১, ২০২২ ফাওবা শাংদোকখিবনি।
মসিগী মতুং ইন্না, স্পর্সনা লিগেসী সিস্তেমদগী স্পর্সদা হোংলকপা পেন্সনর লাখ ৪.৪৭ (০১.০১.২০১৬গী মতুংদা থবক্তগী পোত্থাবা) য়াওরগা পেন্সনর লাখ ৫ হেনবগী থাগী পেন্সন মার্চ ৩১, ২০২২ ফাওবগী ওইনা মায় পাক্না পীদুনা লাক্লি।
অদুবু এপ্রিল ২০২২ থশগী পেন্সন প্রোসেস তৌবা মতমদা পেন্সনর লাখ ৩.৩লোমগী চহিগী আইদেন্তিফিকেসন অপদেত তৌরমদবা থেংনখি। পেন্সন দিসবর্সিং বেঙ্কশিংদা অপদেত তৌরবা আইদেন্তিফিকেসন দেতা মখোয়দা লৈরবদি থারক্নবা হায়খ্রবা মতুংদগী এপ্রিল ২৫, ২০২২ ফাওবদা পেন্সনর লাখ ২.৬৫ হেনবগী আইদেন্তিফিকেসন স্তেতস স্পর্সতা অপদেত তৌদুনা হায়রিবা পেন্সনরশিং অসিগী পেন্সনশিং মায় পাক্ন প্রোসেস তৌখি।
অদুম ওইনমক, বেঙ্কশিংনা (মমাঙদা পেন্সন দিসবর্সিং এজেন্সী হায়না পনখিবা) পেন্সনর ৫৮,২৭৫গী আইদেন্তিফিকেসন কনফার্ম তৌবা ঙমখিদে অমদি মখোয়গী আইদেন্তিফিকসনশিং থাগী ক্লোজিং মতম ফাওবদা স্পর্সতা হকথেংননা ফংখিদে। মরম অসিনা হায়রিবা পেন্সনরশিং অসিগী এপ্রিল থাগী পেন্সন এপ্রিল ৩০, ২০২২ ফাওবদা পীথোকখিদে।
অসিগুম্বা পেন্সনরশিংনা খুদোংচাদবা মায়োক্নদনবা মতম অমুকখক্কী ওইনা হায়রিবা পেন্সনর মশিং ৫৮,২৭৫ অসিনা মখোয়গী আইদেন্তিফিকেসন মে ২৫, ২০২২ ফাওবগী মনুংদা তৌহৌনবগী কোমথোকপা পীরি।
এপ্রিল ২০২২গী পেন্সন প্রোসেস তৌখ্রে অমদি পেন্সনশিং মে ০৪, ২০২২ লোইশিল্লকপা ফাওবদা চঙনরক্লগনি। ৱাৎহৌরবা পেন্সনরশিং মখোয়গী চহিগী ওইবা আইদেন্তিফিকেসন তৌহৌনবগীদমক এস.এম.এস. অমসুং ইমেলগী খুত্থাঙদা খঙহনখ্রে।
আইদেন্তিফিকেসন তৌনবগীদমক পেন্সনরশিংদা মনাক নকবা সি.এস.সি.শিংদা (https://findmycsc.nic.in/) চৎপিনবা নৎত্রগা স্পর্স পি.পি.ও. নম্বর শীজিন্নদুনা অমসুং পি.দি.এ. অদুনা স্পর্স পি.সি.দি.এ. (পি.) ওইনা খন্দুনা জীবন প্রমানগী খুত্থাঙদা মখোয়গী চহিগী আইদেন্তিফিকেন অপদেত তৌনবা খঙহল্লি।
দিফেন্স একাউন্ত দিপার্তমেন্ত য়াওনা ঙাকশেল মন্ত্রালয়দা তোঙান তোঙানবা থবক থৌওংশিংদা মনুং মপাল ফাওনা উবা অমদি মতিং লৈবা ফীভম পুরক্নবগী পান্দমদা অচৌবা অহোংবা পুরক্নবগী থবক পায়খৎলি। দিজিতাইজেসন অমসুং লিইগেসী সিস্তেম মতমগা চুনহনবগী হেন্না পাক চাউবা এজেন্দাগা লোয়ননা ঙাকশেল মন্ত্রালয়গী থৌরাং অমা ওইনা সিস্তম ফোর পেন্সন এদমিনিস্ত্রেসন (রক্সা) (স্পর্স) অসি দিজিতেল ইন্দিয়া, দাইরেক্ত বিনিফিত ত্রান্সফর (দি.বি.তি.) অমসুং মিনিমম গভর্নমেন্ত, মেক্সিমম গভরনেন্সকী লৈঙাক্কী মঙলানগা চুননা দিফেন্স পেন্সনরশিংগী পেন্সন পীথোক পীশিন্দা মপুং ফাবা পাম্বৈ অমা ওইনবা শেমখিবনি।
স্পর্স পোর্তেল https://sparsh.defencepension.gov.in/. দা চঙবা য়াগনি।
****
(Release ID: 1822633)
Visitor Counter : 189