ശ്രേഷ്ഠരേ,

 വിദഗ്ധരേ , അക്കാദമിക് പണ്ഡിതരേ , വ്യവസായ മേധാവികള്‍, നയരൂപീകരണ കര്‍ത്താക്കള്‍, ലോകമെമ്പാടുമുള്ള എന്റെ പ്രിയ സുഹൃത്തുക്കളേ,

 നമസ്‌കാരം!

ദുരന്തപ്രതിരോധ അടിസ്ഥാന സൗകര്യങ്ങള്‍ സംബന്ധിച്ച നാലാം അന്താരാഷ്ട്ര സമ്മേളനത്തില്‍ നിങ്ങളോടൊപ്പം ചേരുന്നതില്‍ ഞാന്‍ സന്തുഷ്ടനാണ്. സുസ്ഥിര വികസന ലക്ഷ്യങ്ങളുടെ ഗൗരവമുള്ള വാഗ്ദാനമാണ്, ആരെയും പിന്നിലാക്കരുത് എന്നത് എന്ന് തുടക്കത്തിലേ നാം സ്വയം ഓര്‍മ്മിപ്പിക്കണം.  അതുകൊണ്ടാണ്, അടുത്ത തലമുറയെ അവരുടെ അഭിലാഷങ്ങള്‍ സാക്ഷാത്കരിക്കുന്നതിനായി അടിസ്ഥാന സൗകര്യങ്ങള്‍ നിര്‍മ്മിച്ചുകൊണ്ട് ദരിദ്രരുടെയും ഏറ്റവും ദുര്‍ബലരായവരുടെയും ആവശ്യങ്ങള്‍ നിറവേറ്റാന്‍ ഞങ്ങള്‍ പ്രതിജ്ഞാബദ്ധരായി തുടരുന്നത്.  കൂടാതെ, അടിസ്ഥാന സൗകര്യങ്ങള്‍ എന്നത് മൂലധന ആസ്തികള്‍ സൃഷ്ടിക്കുന്നതിനും നിക്ഷേപത്തില്‍ ദീര്‍ഘകാല വരുമാനം ഉണ്ടാക്കുന്നതിനും മാത്രമല്ല.  ഇത് അക്കങ്ങളെക്കുറിച്ചല്ല, ഇത് പണത്തെക്കുറിച്ചല്ല, ഇത് ആളുകളെക്കുറിച്ചാണ്. അവര്‍ക്ക് ഉയര്‍ന്ന നിലവാരമുള്ളതും ആശ്രയിക്കാവുന്നതും സുസ്ഥിരവുമായ സേവനങ്ങള്‍ തുല്യമായ രീതിയില്‍ നല്‍കുന്നതിനെക്കുറിച്ചാണ്. അടിസ്ഥാന സൗകര്യ വികസനത്തിന്റെ ഏതൊരു ഗാഥയുടെയും കാതല്‍ ജനങ്ങള്‍ ആയിരിക്കണം. ഇന്ത്യയില്‍ ഞങ്ങള്‍ ചെയ്യുന്നത് അതാണ്.  ഇന്ത്യയിലെ അടിസ്ഥാന സേവനങ്ങള്‍ ഞങ്ങള്‍ വര്‍ദ്ധിപ്പിക്കുമ്പോള്‍... വിദ്യാഭ്യാസം മുതല്‍ ആരോഗ്യം വരെ, കുടിവെള്ളം മുതല്‍ ശുചിത്വം വരെ, വൈദ്യുതി മുതല്‍ ഗതാഗതം വരെ, കൂടാതെ മറ്റു പലതും ഞങ്ങള്‍ കാലാവസ്ഥാ വ്യതിയാനത്തെ വളരെ നേരിട്ടുള്ള രീതിയില്‍ കൈകാര്യം ചെയ്യുന്നു. അതുകൊണ്ടാണ്, സിഒപി-26-ല്‍, എത്താന്‍ ഞങ്ങള്‍ പ്രതിജ്ഞാബദ്ധരായത്.

 നമ്മുടെ വികസന ശ്രമങ്ങള്‍ക്ക് സമാന്തരമായി 2070-ഓടെ 'നെറ്റ് സീറോ'.

 സുഹൃത്തുക്കളേ,

 അടിസ്ഥാന സൗകര്യങ്ങളുടെ വികസനം ശ്രദ്ധേയമായ രീതിയില്‍ മനുഷ്യന്റെ കഴിവുകള്‍ അഴിച്ചുവിടും. പക്ഷേ, നമ്മുടെ അടിസ്ഥാന സൗകര്യങ്ങളെ നാം നിസ്സാരമായി കാണരുത്.  ഈ സംവിധാനങ്ങള്‍ക്ക് കാലാവസ്ഥാ വ്യതിയാനം ഉള്‍പ്പെടെ അറിയാവുന്നതും അറിയാത്തതുമായ വെല്ലുവിളികളുണ്ട്. 2019-ല്‍ ഞങ്ങള്‍ സിഡിആര്‍ഐ ( ദുരന്തപ്രതിരോധ അടിസ്ഥാന സൗകര്യ സഖ്യം) സമാരംഭിച്ചപ്പോള്‍, അത് ഞങ്ങളുടെ സ്വന്തം അനുഭവത്തെ അടിസ്ഥാനമാക്കിയുള്ളതായിരുന്നു. വെള്ളപ്പൊക്കത്തില്‍ പാലം ഒലിച്ചു പോകുമ്പോള്‍, ചുഴലിക്കാറ്റില്‍ വൈദ്യുതി ലൈന്‍ തകരുമ്പോള്‍, കാട്ടുതീയില്‍ വാര്‍ത്താവിനിമയ ടവറിന് കേടുപാടുകള്‍ സംഭവിക്കുമ്പോള്‍, അത് ആയിരക്കണക്കിന് ആളുകളുടെ ജീവിതത്തെയും ഉപജീവനത്തെയും നേരിട്ട് തടസ്സപ്പെടുത്തുന്നു. അത്തരം അടിസ്ഥാന സൗകര്യങ്ങളിലെ നാശനഷ്ടത്തിന്റെ അനന്തരഫലങ്ങള്‍ വര്‍ഷങ്ങളോളം നീണ്ടുനില്‍ക്കുകയും ദശലക്ഷക്കണക്കിന് ആളുകളെ ബാധിക്കുകയും ചെയ്യും.  അതിനാല്‍, നമ്മുടെ മുന്നിലുള്ള വെല്ലുവിളി വളരെ വ്യക്തമാണ്. ആധുനിക സാങ്കേതിക വിദ്യയും അറിവും നമ്മുടെ പക്കലുള്ളതിനാല്‍, നിലനില്‍ക്കാന്‍ പാകത്തിലുള്ള  അടിസ്ഥാന സൗകര്യങ്ങള്‍ സൃഷ്ടിക്കാന്‍ നമുക്ക് കഴിയുമോ?  ഈ വെല്ലുവിളിയുടെ തിരിച്ചറിവ് സിഡിആര്‍ഐയുടെ രൂപീകരണത്തിന് അടിവരയിടുന്നു. ഈ സഖ്യം വിപുലീകരിക്കുകയും ലോകമെമ്പാടും നിന്നു വ്യാപകമായ പിന്തുണ ലഭിക്കുകയും ചെയ്തു എന്ന വസ്തുത സൂചിപ്പിക്കുന്നത് ഇത് ഞങ്ങളുടെ പങ്കിടപ്പെട്ട ആശങ്കയാണെന്നാണ്.

 സുഹൃത്തുക്കളേ,

 രണ്ടര വര്‍ഷം കൊണ്ട് സി.ഡി.ആര്‍.ഐ സുപ്രധാന സംരംഭങ്ങള്‍ കൈക്കൊള്ളുകയും വിലപ്പെട്ട സംഭാവനകള്‍ നല്‍കുകയും ചെയ്തു.  കഴിഞ്ഞ വര്‍ഷം സിഒപി-26-ല്‍ ആരംഭിച്ച 'ദ്വീപ് രാഷ്ട്രങ്ങള്‍ക്കുള്ള അടിസ്ഥാന സൗകര്യ പ്രതിരോധം' എന്ന സംരംഭം ചെറുദ്വീപ് രാജ്യങ്ങളുമായി പ്രവര്‍ത്തിക്കാനുള്ള ഞങ്ങളുടെ പ്രതിബദ്ധതയുടെ വ്യക്തമായ പ്രകടനമാണ്.  ചുഴലിക്കാറ്റുകളുടെ സമയത്തുള്ള വൈദ്യുതി തടസ്സത്തിന്റെ ദൈര്‍ഘ്യം കുറച്ചുകൊണ്ട്, വൈദ്യുതി സംവിധാനങ്ങളുടെ പ്രതിരോധശേഷി ശക്തിപ്പെടുത്തുന്നതിനുള്ള സിഡിആര്‍ഐയുടെ പ്രവര്‍ത്തനം ഇന്ത്യയിലെ തീരദേശ സമൂഹങ്ങള്‍ക്ക് ഇതിനകം പ്രയോജനം ചെയ്തിട്ടുണ്ട്. ഈ ജോലി അടുത്ത ഘട്ടത്തിലേക്ക് പുരോഗമിക്കുമ്പോള്‍, ഓരോ വര്‍ഷവും ഉഷ്ണമേഖലാ ചുഴലിക്കാറ്റുകള്‍ക്ക് വിധേയരാകുന്ന 130 ദശലക്ഷത്തിലധികം ആളുകള്‍ക്ക് ഇത് പ്രയോജനപ്പെടുത്താന്‍ കഴിയും.  ലോകമെമ്പാടുമുള്ള 150 വിമാനത്താവളങ്ങളെ കുറിച്ച് പഠിക്കുകയാണ് സിഡിആര്‍ഐയുടെ ദുരന്തപ്രതിരോധ വിമാനത്താവളങ്ങള്‍. അവയ്ക്ക് ആഗോള കണക്റ്റിവിറ്റിയുടെ പ്രതിരോധശേഷിക്ക് സംഭാവന നല്‍കാനുള്ള കഴിവുണ്ട്.  സിഡിആര്‍ഐ നേതൃത്വം നല്‍കുന്ന 'അടിസ്ഥാന സൗകര്യ സംവിധാനങ്ങളുടെ ദുരന്ത പ്രതിരോധത്തിന്റെ ആഗോള വിലയിരുത്തല്‍', വളരെയധികം മൂല്യമുള്ള ആഗോള വിജ്ഞാനം സൃഷ്ടിക്കാന്‍ സഹായിക്കും.  അംഗരാജ്യങ്ങളിലുടനീളമുള്ള സിഡിആര്‍ഐ അംഗങ്ങള്‍ ഇതിനകം തന്നെ പ്രയോഗക്ഷമമാക്കാന്‍ കഴിയുന്ന പരിഹാരങ്ങള്‍ നിര്‍മ്മിക്കുന്നു. അവര്‍ പ്രതിബദ്ധതയുള്ള പ്രൊഫഷണലുകളുടെ ഒരു ആഗോള ശൃംഖലയും സൃഷ്ടിക്കുന്നു. അത് നമ്മുടെ അടിസ്ഥാന സൗകര്യ സംവിധാനങ്ങള്‍ക്ക് ഒരു സുസ്ഥിര ഭാവി രൂപപ്പെടുത്താന്‍ സഹായിക്കുന്നു.

 സുഹൃത്തുക്കളേ,

 നമ്മുടെ ഭാവി സുസ്ഥിരമാക്കുന്നതിന്, ഈ സമ്മേളനത്തിന്റെ പ്രാഥമിക ശ്രദ്ധാകേന്ദ്രമായ 'പ്രതിരോധ അടിസ്ഥാന സൗകര്യ പരിവര്‍ത്തനം' എന്നതിനായി നമ്മള്‍ പ്രവര്‍ത്തിക്കേണ്ടതുണ്ട്. ഞങ്ങളുടെ വിശാലമായ രൂപപ്പെടുത്തല്‍ ശ്രമങ്ങളുടെ കേന്ദ്രബിന്ദുകൂടിയാണ് പ്രതിരോധശേഷിയുള്ള അടിസ്ഥാന സൗകര്യങ്ങള്‍. അടിസ്ഥാന സൗകര്യങ്ങളെ പ്രതിരോധശേഷിയുള്ളതാക്കുകയാണെങ്കില്‍, നമുക്ക് മാത്രമല്ല, ഭാവി തലമുറകള്‍ക്കും ദുരന്തങ്ങള്‍ തടയാനാകും.  ഇത് ഒരു പങ്കിട്ട സ്വപ്നമാണ്, പങ്കിട്ട കാഴ്ചപ്പാടാണ്, അത് നമുക്ക് യാഥാര്‍ത്ഥ്യത്തിലേക്ക് വിവര്‍ത്തനം ചെയ്യാന്‍ കഴിയും. ഞാന്‍ അവസാനിപ്പിക്കുന്നതിന് മുമ്പ്, ഈ സമ്മേളനം സഹ-ആതിഥേയത്വം വഹിച്ചതിന് സിഡിആര്‍ഐയെയും യുഎസ് ഗവണ്‍മെന്റിനെയും അഭിനന്ദിക്കാന്‍ ഞാന്‍ ആഗ്രഹിക്കുന്നു.

 ഈ സമ്മേളനവുമായി സഹകരിച്ച എല്ലാ പങ്കാളികള്‍ക്കും എന്റെ ആശംസകള്‍ അറിയിക്കാനും ഞാന്‍ ആഗ്രഹിക്കുന്നു. ഫലവത്തായ ചര്‍ച്ചകളും ഉല്‍പ്പാദനക്ഷമമായ ചര്‍ച്ചകളും നിങ്ങള്‍ക്കെല്ലാവര്‍ക്കും ആശംസിക്കുന്നു.

 നന്ദി.

 വളരെ നന്ദി.

--ND--