রুরেল দিবলপমেন্ত অমসুং পঞ্চায়তী রাজকী কেন্দ্রগী মন্ত্রী শ্রী গিরিরাজ সিংহনা ঙসি কেন্দ্রগী মন্ত্রালয়শিং ০৯গী বেনিফিসরী স্কীমশিংগা লোয়ননা রাজ্যশিং/য়ু.তি.শিং ২৮দা লৈরিবা দিস্ত্রীক্ত ৭৫ য়ৌহন্নবা পান্দমগা লোয়ননা নুমিৎ-৯০গী কেম্পেন অমা ওইরিবা, ‘অজাদি সে অন্ত্যোদয় তক’ হৌদোকখ্রে। চহি চুপ্পা চৎথরিবা অজাদি কা অমৃত মহোৎসব (এ.কে.এ.এম.)গী ইথিল পাংথোক্তুনা, মশক খঙদোক্লবা দিস্ত্রীক্তশিং অসি ভারতকী নিংতম লান মনুংদা লৈবাক্কীদমক থৱায় থাখিবা নিংতম লান্মী ৯৯গী পোক্নফম লমদমগা চান্ননবা শিল্লি।  

কেম্পেন অসিগী পান্দম অসি খনগৎলবা স্কীমশিং ১৭ বেনিফিসরীশিংদা মপুং ফানা ফংহনবগীদমক হকথেংননা মতেং পীদুনা শরুক য়ারিবা মন্ত্রালয়শিং/দিপার্তমেন্তশিং খুদিংমক্না খুঙ্গংগী মফমশিংদা লৈরিবা মীওই খুদিংমক ফংহনবা অসিনি।

চাউখৎ থৌরাংগী থবকশিংদা শোৎথদুনা লৈহৌরবা, দিস্ত্রীক্ত ৭৫, এম.পি.সি.ই. (মন্থলী পর কেপিতা ইন্দিকেতরস) অমসুং দি.৫/দি.৭ এস.ই.সি.সি.-২০১১ (সোসিও-ইকোনোমিক কাস্ত সেন্সস) দেতাগী খুৎথাংদা খনগৎলি।  

অজাদি সে অন্ত্যোদয় তক কেম্পেন অসিনা সরকারনা লৌখৎলিবা অমৃত মহোৎসবকী অচেৎপা খোঙথাংনি হায়দুনা, রুরেল দিবলপমেন্ত অমসুং পঞ্চায়তী রাজকী কেন্দ্রগী মন্ত্রী শ্রী গিরিরাজ সিংহনা হায়খি মদুদি প্রধান মন্ত্রী শ্রী নরেন্দ্র মোদীনা ভারতপু নিংতম লান্মীশিংনা মংজরম্বা মংলানগুম্না শেম্নবা মাইকৈলোমদা চংশিল্লি। মহাক্না হায়খি মদুদি কেম্পেন অসি মায় পাক্নবা, মন্ত্রালয় ৯ পুম্বনা মীয়ামগা লোয়ননা পুন্না থবক তৌমিন্নগদবনি। ঐখোয়না মসিগী স্কীমশিং ১৭ অসি কুপ্পা য়েংশিনবগা লোয়ননা মপুং ফানা য়ৌহনগনি। কেম্পেন অসি লোইশিল্লবা মতুংদা মসিবু রেকোর্দ ওইনা থমগনি”, হায়না মন্ত্রীনা মখা তাখি।

রুরেল দিবলপমেন্তগী রাজ্যগী মন্ত্রী সাধবি নিরঞ্জন জ্যোতিনা কেম্পেন অসি হৌদোকপা মনুংদা মহাক্কী মিৎয়েং শিয়র তৌদুনা হায়খি, “ঙসিসু দিস্ত্রীক্তকী মীয়াম্না খঙদবা নিংতম লান্মী কয়া অমা লৈরি। ঐখোয়না হৌজিক মখোয়বু নিংশিংনবা, মখোয়দা ইকাই খুমনবা উৎনবা অমসুং মখোয়গী খুঙ্গংশিং চাউখৎহন্নবা তাঞ্জা অমা ফংলে। নুমিৎ ৯০দা ঐখোয়গী পান্দম অসিবু ফংদুনা অথৌবশিং অসিদা অশেংবা ইকাই খুম্নবা পীবা অমা ওইরগনি”।

পঞ্চায়তী রাজকী রাজ্যগী মন্ত্রী শ্রী কাপিল মোরেশ্বর পতিলনা হায়খি মদুদি কেম্পেন অসিগী খুৎথাংদা, মীয়াম্না হৌজিক্তি নিংতম লানগী নিংশিংবিদ্রবা হিরোশিংগী মরমদা শকখঙবা হৌরো।

রুরেল দিবলপমেন্ত মন্ত্রালয়গী সেক্রেতরী শ্রী নগেন্দ্র নাথ সিংহনা হায়খি, “ঙসিগী থৌরম অসি অখন্নবা থৌরম অমনি। ঙসি ঐখোয়না নিংতম লানগা মরী লৈনবা কাওথোক্লুরবা নিংতম লান্মীশিংগী থৌদাং অমসুং মখোয়না কৎথোকখিবশিং নিংশিংলি”।

থৌরম অসিগী মনুংদা, শ্রী গিরিরাজ সিংহনা খনগৎলবা ৯৯গী মনুংদগী নিংতম লান্মী ৩গী ইমুং-মনুংগা লোয়ননসু উনখি।  ছত্তিসগরগী রজনন্দগাওদগী লৈখিদ্রবা নিংতম লান্মী শ্রী থাকুর প্যারে লাল সিংহগী মরী-মতানা হায়খি মদুদি – “মসিগী থৌরম অসি ঐখোয়গী ইমুং-মনুং, দিস্ত্রীক্ত অমসুং সহরগী চাউথোকচনিংঙাই অমনি”।

অজাদি সে অন্ত্যোদয় তক কেম্পেন অসি রুরেল দিবলপমেন্ত মন্ত্রালয়, সোসিএল জস্তিস অমসুং এম্পাৱরমেন্ত-দিব্যাংজানগী দিপার্তমেন্ত, ফাইনান্সিএল সর্বিসকী দিপার্তমেন্ত, স্কীল দিবলপমেন্ত অমসুং ওন্ত্রোপ্রিন্যুরশিপ মন্ত্রালয়, এগ্রীকলচর অমসুং ফার্মস ৱেলফিয়রগী দিপার্তমেন্ত, হেল্থ অমসুং ফেমিলী ৱেলফিয়রগী দিপার্তমেন্ত, দিপার্তমেন্ত ওফ এনিমেল হজবেন্দরী অমসুং দায়রী অমসুং লেবর অমসুং এমপ্লোইমেন্ত মন্ত্রালয়না পুন্না হোৎনবনি।

কেম্পেন অসি মশক খঙদোক্লবা নিংতম লান্মী (এফ.এফ.), পঞ্চায়তী রাজ ইন্সতিত্যুৎ (পি.আর.আই.শিং), নুপীগী নেৎৱার্ক, নহাগী গ্রুপশিং অমসুং মহৈরোইশিং য়াওনা স্কীমশিং অসিগী মায় পাকপা উৎতুনা খুঙ্গংগী স্তেকহোল্দর পুম্বা য়াওদুনা সেলেব্রেতরী মোদতা হাপক্নি।  হায়রিবা অসিদা মীয়ামগী মীহুৎশিং হায়বদি লোকেলগী এম.পি.শিং, এম.এস.এ.শিং, সর্পন্স অসিনচিংবা মতেং পাংবগা লোয়ননা শরুক য়াগনি।

অজাদি সে অন্ত্যোদয় তক কেম্পেন অসি কলচর মন্ত্রায়ল অমসুং অতৈ শরুক য়ারিবা মন্ত্রালয়শিং/দিপার্তমেন্তশিং পুম্বগা মতেং পাংবগা লোয়ননা রুরেল দিবলপমেন্ত মন্ত্রালয়না লমজিংলি।

কেম্পেন অসি রাজ্যশিং/য়ু.তি.শিং পুম্বগী দিস্ত্রীক্ত ৭৫ কোনশিল্লি মিং ওইনা আন্ধ্র প্রদেশ, অরুনাচল প্রদেশ, অসাম, বিহার, ছত্তিসগর, গোৱা, গুজরাত, হারিয়ানা, হিমাচল প্রদেশ, ঝর্খন্দ, কর্নাতকা, কেরলা, মহারাস্ত্রা, মনিপুর, মঘালয়, মিজোরম, মধ্য প্রদেশ, ওরিশা, পুদুচেরী, পঞ্জাব, রাজস্থান, সিক্কিম, তেলঙ্গনা, তামিল নাদু, ত্রিপুরা, উত্তরাখন্দ, উত্তর প্রদেশ অমসুং ৱেস্ত বেঙ্গাল অসিনি।

দিস্ত্রীক্ত ৭৫গীদমক্তা মফম অসিদা ক্লিক তৌবিয়ু

*****