মন্ত্রীমন্দল
কেবিনেতনা কন্সলতেন্সী দিভেলপমেন্ত সেন্তর (সি.দি.সি.)গা মখোয়গী মেন পাৱর, মফম হোংবা য়াবা এসেত অমসুং পীফম থোকপা/পাংথোকফম থোকপশিংগা লোয়ননা দিপার্তমেন্ত ওফ সাইন্তিফিক অমসুং ইন্দস্ত্রীএল রিসর্চ (দি.এস.আই.আর.)গী কাউন্সিল ওফ সাইন্তিফিক অমসুং ইন্দস্ত্রীএল রিসর্চ (সি.এস.আই.আর.)গা পুন্সিনবগী অয়াবা পীখ্রে
Posted On:
27 APR 2022 4:47PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা মখাগীশিং অসগী অয়াবা পীখ্রেঃ
- সি.দি.সি.গী হৌজিক লৈরিবা ইমপ্লোয়ী ১৩বু সি.এস.আই.আর.না অহেনবা পোস্ত ১৩ শেমদুনা লৌশিল্লগনি।
- ii. সি.দি.সি.না নই দিল্লীগী ইন্দিয়া হেবিতেত সেন্তরদা মফম কন্দুনা লৈরিবা ওফিস মফম অসি রি-এলোকেসন তৌনবগীদমক্তা ইন্দিয়া হেবিতেত সেন্তরদা খুৎশিন্নরগনি অমসুং রি-এলোকেসন তৌবদগী লাকপা শেনফম অদুবুনা কন্সোলিদেতেদ ফন্দ ওফ ইন্দিয়াদা হাপচিল্লগনি।
- পুন্সিল্লবা মতুংদা, সি.সি.সি.গী মফম হোংবা য়াবা এসেত অমসুং লাইএবিলিতী খুদিংক সি.এস.আই.আর.দা পীরগনি।
মরু ওইবা চৈথেং:
সোসাইতী অনি পুনবসিনা দিপার্তমেন্তপু মওং-মরিল নাইহনবতা নত্তনা প্রধান মন্ত্রীগী মিনিমম গবর্নমেন্ত, মেক্সিমম গবর্নেন্সকী মঙলানগী কাঙলোনসু ইল্লি। এজুকেসনগী মতাংদা কন্সলতেসন তৌবা, তেক্নোলোজী পীথোকপগী মতাংদা সি.দি.সি.না এক্সপেরিএন্স লৈরিবা অসিনা সি.এস.আই.আর.দা কান্নবা য়াম্না পীগনি। সি.এস.আই.আর.না মখাগী হীরমশিং অসিদা ভেল্যু লৈবগী তঙাই ফদবশিংবু পুন্সিনবগী থৌওং অসিনা পীগনি।
- প্রোজেক্তশিংগী তেক্নো-কম্মর্সিএল এসেসমেন্ত তৌবা
- ফিল্দদা শিজিন্নরিবা সি.এস.আই.আর. তেক্নোলোজীশিংগী সোসিও-ইকোনোমিক চৈথেংশিং য়েংশিনবা
- সি.এস.আই.আর. তেক্নোলোজীদা য়ুম্ফম ওইবা অকুপ্পা দিজাইন শেম্বা অমসুং প্রোতোতাইপ শেম্বগী ইঞ্জিনিয়রিংগীদমক্তা চুনবা কন্সলতেন্ত খনবা অমসুং মার্কেৎকীদমক্তা শেম-শাদুনা লৈনবগীদমক্তা স্তেকহোলদরশিংগী তঙাই ফদবশিং পীনবগীদমক্তা সি.এস.আই.আর.গী তেক্নোলোজী তাকপা।
- কারবার চাউখৎহন্নবা থবক-থৌরমশিং পায়খৎপা
বেকগ্রাউন্দঃ
সি.এস.আই.আর. অমসুং সি.দি.সি. হায়বসি সাইন্স অমসুং তেক্নোলোজী মন্ত্রালয়গী সাইন্তিফিক অমসুং ইন্দস্ত্রীএল রিসর্চ (দি.এস.আই.আর.) বিভাগকী মখাদা লৈবা তোঙান-তোঙানবা ওতোনোমস বোদি (এ.বি.এস.)নি। সি.এস.আই.আর. অসি ভারতকী শেন্মিৎলোনগী শাহৌ লৌনবা অমসুং মীওইবা খুন্নাইগী য়াইফ য়ুম্বালগীদমক্তা সাইন্তিফিক ওইবা ইন্দস্ত্রীএল রিসর্চ পাংথোক্নবা লৈবাক্কী আর. অমসুং দি. ওর্গনাইজেসন ওইনা ১৮৬০ সোসাইতী রেজিস্ত্রেসন এক্ত এস.এস.আই.গী মখাদা ইং ১৯৪২দা লিংখৎখিবনি।
সি.দি.সি. অসিনা লৈবাক্কী কন্সলতেন্সী স্কিল অমসুং তৌবা ঙম্বগী মতিক লৈহন্নবা, মপাঙ্গল হেনগৎহন্নবা অমসুং খুমাং চাউশিলহন্নবা দি.এস.আই.আর.গী তেংবাংগা লোয়ননা ইং ১৯৮৬তা সোসাইতী অমা ওইনা লিংখৎখিবনি। সি.দি.সি.বু দি.এস.আই.আর.গী ওতোনোমস ইন্সতিত্যুসন অমা ওইনা কেন্দ্রগী কেবিনেতনা ওক্তোবর ১৩, ২০০৪দা অয়াবা পীখিবনি। সি.দি.সি.গী ওতোনোমস ইন্সতিত্যুসন ওইবগী মেমোরেন্দম অমসুং আর্তিকল ওফ এসোসিএসন অসিনা ইং ২০০৮গী জনুৱারী ১৬তা পীখি। সি.দি.সি. অসি নই দিল্লীগী ইন্দিয়া হেবিতেত সেন্তরদা স্ক্বার মিতর ১০০০ পাক চাউবা ওফিস অমদা লৈ। মফম অসি হাউজিং অমসুং অর্বান এফিয়র্স মন্ত্রালয়না ৮/৩/১৯৯০দা লীজতা পীখিবনি। সি.দি.সি.গী পর্মানেন্ত ইমপ্লোয়ী ১৩ লৈ।
১৪শুবা ফাইনান্স কম্মিসন্না হায়বগী মতুং ইন্না, নিতি আয়োগনা সরকারগী তোঙানবা বিভাগশিংগী মখাদা ওতোনোমস বোদি (এ.বি.এস.)শিং হঙ্গৎনা য়েংশিনবগী থৌওং পাংথোকখি। দি.এস.আই.আর.গী মখাদা লৈবা এ.বি.এস. অনি, সি.এস.আই.আর. অমসুং সি.দি.সি.বু হঙ্গৎনা য়েংশিনবগী থৌওং অসি নিতি আয়োগকী রিভিয়ু কম্মিতীগী ১০শুবা, ১৩শুবা অমসুং ১৮শুবা মীফমদা পাংথোকখি। “সি.দি.সি.না মতিক লৈবগী মতৌ উবা ফংবনা মরম ওইরগা সি.এস.আই.আর.গা পুন্দুনা মখা তানা থবক চত্থবা য়াগনি” হায়না রিভিয়ু কম্মিতীনা হায়খি। কম্মিতী অসিগী এ.বি.এস. রিপোর্ত্তা থৌওং অসিনা দি.এস.আই.আর.না সোসাইতী রেজিস্ত্রেসন এক্ত ১৮৬০ (এস.আর.এ.)গী মখাদা এ.বি. অমখক্তা লৈরগনি হায়না মখা তাখি। পুন্সিনবগী কাঙলোন শেম্নবগীদমক্তা লিংখৎখিবা এদভাইজরী কম্মিতীগী ৱারোল অমসুং সোসাইতী রেজিস্ত্রেসন এক্ত ১৮৬০গী সেক্সন ১২গী মখাদা লৈবা তঙাই ফদবা থৌওংগী মতুং ইন্না, সি.দি.সি.গী গবর্নিং কাউন্সিল অমসুং সি.এস.আই.আর.গী গবর্নিং বোদী অনিমক্না সি.দি.সি.বু সি.এস.আই.আর.গা পুন্সিনবগী ৱাহৌদোক্কী অয়াবা পীখি।
*****
(Release ID: 1820767)
Visitor Counter : 115
Read this release in:
Telugu
,
Marathi
,
English
,
Urdu
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam