بجلی گھروں میں کوئلے کی تیزی سے فراہمی کو یقینی بنانے کے لیے بھارتی ریلویز کی طرف سے اضافی ٹرینیں اور ریک شروع کیے گئے ہیں تاکہ اس کے نیٹ ورک کے ذریعے کوئلے کی نقل و حمل کو بڑھایا جا سکے۔ بھارتی ریلویز نے کوئلے کی نقل و حمل میں تیزی لائی ہے جس کے نتیجے میں 21 ستمبر سے 22 مارچ تک کوئلے کی 32 فیصد زیادہ لوڈنگ ہوئی ہے۔ 22 اپریل کے بعد وسائل کو مؤثر طریقے سے متحرک کرکے 10 فیصد مال برداری میں بھی اضافہ ہوا ہے۔

سال 22-2021 کے دوران بھارتی ریلویز نے ریلوے کے ذریعے کوئلے کی نقل و حمل میں ریکارڈ 111 ملین ٹن اضافہ کیا ہے اور ریکارڈ 653 ملین ٹن کوئلہ لوڈ کیا ہے جو پچھلے سال 542 ملین ٹن تھا یعنی 20.4 فیصد کا اضافہ ہوا ہے۔

مزید برآں ستمبر 2021 تا مارچ 2022 تک بجلی کے شعبے میں کوئلے کی لوڈنگ صرف 2 سہ ماہی میں 32 فیصد بڑھ گئی۔

اپریل 2022 میں بھارتی ریلویز نے بجلی سیکٹر میں کوئلے کی لوڈنگ کو ترجیح دینے کے لیے بہت سے اقدامات کیے ہیں جس کی وجہ سے ایک ہفتے کے اندر کوئلے کی سپلائی میں 10 فیصد سے زیادہ کا اضافہ ہوا ہے۔

یہ بہتری بھارتی ریلویز کی طرف سے اٹھائے گئے مختلف اقدامات کی وجہ سے ممکن ہوئی ہے جن میں سے کچھ ذیل میں درج ہیں:

• کوئلہ ٹرینوں کی نقل و حرکت کو ترجیح دی گئی ہے اور لوڈنگ سے لے کر نقل و حرکت اور آخر میں اتارنے کے پورے چکر کے دوران ہر ٹرین کی کڑی نگرانی کی جا رہی ہے۔
• اس ترجیح اور طویل فاصلے تک کوئلے کی ٹرینوں کے ٹرانزٹ ٹائم کی نگرانی کے ذریعے اہم بجلی گھروں کے لیے بجلی میں 12 تا 36 فیصد نمایاں کمی کی گئی ہے۔
• بھارتی ریلویز نے لمبی دوری کے بجلی گھروں تک کوئلے کی نقل و حرکت کو بھی ترجیح دی ہے جو اس حقیقت سے ظاہر ہوتا ہے کہ 1 سے 10 اپریل کی اوسط لیڈ کے مقابلے کوئلے کی ٹرینوں کی اوسط لیڈ میں پچھلے 5 دنوں میں 7 فیصد اضافہ ہوا ہے۔
• کوئلے کی ٹرینوں کی اوسط لیڈ میں اس اضافے کے باوجود ان اسٹاکس کے لیے ایک ہی ریک کی دو لگاتار لوڈنگ کے درمیان لگنے والے وقت میں 10 فیصد کی کمی واقع ہوئی ہے۔
• ان آپریشنل ایجادات کے ساتھ بھارتی ریلویز نے بجلی گھروں کے لیے کوئلے کی ٹرینوں کی سپلائی میں اضافہ کیا ہے اور ساتھ ہی مستقل بنیادوں پر مزید کوئلہ ریک لوڈ کیے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 4654)