কেন্দ্রগী য়ুথ এফিয়র্স অমসুং স্পোর্তসকী মন্ত্রী, শ্রী অনুরাগ থাকুরনা নৌনা হাপচিনবা মল্লাখম্বা অমসুং য়িগাসনা য়াওনা দিসিপ্লিন ১৩গী জেন য়ুনিভর্সিতী গ্লোবল কেমপস ভেন্যুদা সর্প্রাইস ভিজিত অমা চৎখ্রে।

এথলেতিক ওইবা নহা ওইরিবা মন্ত্রী অসিনা স্পোর্তিং এরেনাশিংদা চৎখি অমসুং শরুক য়ারিবশিং অদুনা কে.আই.য়ু.জি.দা য়াম্না কাওঙম্লরোইদবা এক্সপরিয়েন্স অমা লৈহৌনবা শিল্লি-লাংলিবশিং অদুবু য়েংশিনখ্রে। মহাক্না ক্রিকেতর ওইনা শানখিবা মতম অদুবু নিংশিংলদুনা, মন্ত্রীনা হায়খি, “জেন য়ুনিভর্সিতীনা কর্নাতকাগী রাজ্য সরকারগা লোইননা খেলো ইন্দিয়া য়ুনিভর্সিতী গেম্সতা শরুক য়ারিবা এথলেতশিংগীদমক্তা খ্বাইদগী হেন্না ফবা ফেসিলিতীশিংগা লোইননা মসিগী থৌরম অসিবু য়ুম্বু ওইদুনা শিনবদা য়াম্না শিংথানিংঙাই ওইবা থবক পাংথোক্লি। মসিগী এথলেতশিং অসি মফম অসিদা উবদা, ঐহাকপু ঐহাক্না ক্রিকেত শানরিঙৈ মতমশিং অদু নিংশিংহল্লে। বিহারগী দরভঙ্গা অমসুং সমস্তিপুরগুম্বা মফমশিংদা পাংথোকখিবা তুরনামেন্তশিং অদুগী ফেসিলিতীশিং অদু মতিক চাবা ওইখিদে। অদুবু ইনফ্রাস্ত্রকচর অসি ঙসিদি য়াম্না ফগৎলে অমসুং এথলেতশিং অদুদা পীরিবা ফেসিলিতীশিং অদু নখোয়না উবা ফংলি। কে.আই.য়ু.জি.গী খুত্থাংদা পাইখৎখিবা অনৌবা খোংথাংশিং অদু ইন্তর্নেস্নেলগী সআতেন্দার্দশিংগা মান্নবা প্লেতফোর্ম অমা এথলেতশিংদা পীবনি।”

ইনখৎলক্লিবা এথলেতশিংদা মহাকক্না করি হায়গনি হায়না হংবদা, শ্রী ধাকুরনা হায়খি, “স্পোর্তসমেনশিপকী ৱাখল্লোনদা শান্নৌ। ঐহাক্না  ক্লীন স্পোর্তস অসিবু শন্দোক্নবা অমসুং পর্ফোর্মেন্স হেনগৎহনগদবা দ্রগশিং শিজিন্নদনবা হায়গনি। মরম অদুনা ঐখোয়দা এথলেতশিংদা অশেংবা ই-পাউ পীনবা অমসুং মরু ওইনা য়ুনিভর্সিতীগী থাক্তা লৈবা নহা ওইরিবা এথলেতশিং দোপিংগী মতাংদা এৱেবরনেস পীনবা এন.এ.দি.এ. লৈ।”

মহাক্না তোঙান-তোঙানবা য়ুনিভর্সিতীশিংদগী শরুক য়ারিবশিংগা লোইননা স্পোর্তসতা মখোয়গী ইভেন্তশিং অমসুং মখোয়গী এম্বিশনশিং অদুগী মতাংদা খঙদোক্নবা ৱারী-ৱাতাই শাখি।

অসুম্না মন্ত্রী অদুনা এথলেত অমগা ৱারী শাখি, মহাক অদুদি এস.আর.এম. য়ুনিভর্সিতীগী নুপাগী বোলীবোল তীমগী এস. সন্তোশনি। “ঐখোয়গী স্পোর্তস মন্ত্রী, শ্রী অনুরাগ থাকুর জীগা উনখিবা অদু য়াম্না নুংঙাইবা এক্সপরিয়েন্স অমনি। মহাক্না কন্না হোৎননবা অমসুং ঐখোয়গী ইশা-ইশাগী রাজ্যশিং অমসুং য়ুনিভর্সিতীশিংগীদমক্তা মখাতানা শান্ননবা পুক্নিং থৌগৎলম্মি। মন্ত্রী মশামক্না ঐখোয়দা লাক্তুনা অমসুং ঐখোয়গী স্পোর্তস অসিগী মতাংদা ৱারী-ৱাতাই শান্নবা মতমদা মতম চুপ্পদা পুক্নিং থৌগৎলি, অমসুং সেনিয়র মন্ত্রী অমনা এথলেতকা শান্নবা হায়বসি মতম পুম্নমক্তা ঐখোয়না উবা ফংবা নত্তে, মসিনসু অমুক্কসু হেন্না পুক্নিং থুমহৎপা ফাওহল্লে” হায়না মহাক্না হায়খি।

স্পোর্তস মন্ত্রী অসিনা অয়ুক্তা বোলীবোলগী ভেন্যুদা নুপীগী সেক্সনদা ঐচ.আর.এম. (হিমাচল প্রদেশ য়ুনিভর্সিতী) অমসুং এ.দবল্যু.য়ু. (আদমাস য়ুনিভর্সিতি ৱেস্ত বেঙ্গল) অমসুং নুপাগী সেক্সনদা এস.আর.এম. য়ুনিভর্সিতী চেন্নাই অমসুং এ.দবল্যু.য়ু.গী মরক্তা মেচশিং পাংথোক্লিঙৈ মতমদা লাকখি। মহাক্না তীম অনিমক্কা ৱারী-ৱাতাই শানখি অমসুং মখোয়গী শানগদৌরিবা মেচশিং অদুগীমদক্তা মখোয়বু য়াইফ-পাউজেল পীখি। মহাক্না রেফরীশিং অমসুং ওদিয়েন্সতসু ৱারী-ৱাতাই শাখি। মসিদা নত্তনা, মন্ত্রী অসিনা মশামক বোলীবোল রাউন্দ অমা শানখি।

*******