କେନ୍ଦ୍ର ଯୁବ ମନ୍ତ୍ରୀ ତଥା କ୍ରୀଡ଼ା ମନ୍ତ୍ରୀ ଶ୍ରୀ ଅନୁରାଗ ଠାକୁର ଜୈନ ବିଶ୍ୱବିଦ୍ୟାଳୟ ଗ୍ଲୋବାଲ କ୍ୟାମ୍ପସ-ଭେନ୍ୟୁର ମଲଖମ୍ବା ଏବଂ ଯୋଗାସାନ ସହିତ 13 ଟି କ୍ରୀଡା ବିଭାଗ ହଠାତ୍ ପରିଦର୍ଶନ କରିଛନ୍ତି।

ମନ୍ତ୍ରୀ ବିଭିନ୍ନ କ୍ରୀଡା ମଞ୍ଚକୁ ଯାଇଥିଲେ ଏବଂ କେଆଇୟୁଜି ରେ ଏକ ସ୍ମରଣୀୟ ଇଭେଣ୍ଟ ହେବା ନିଶ୍ଚିତ କରିବାକୁ ଅଂଶଗ୍ରହଣକାରୀଙ୍କ ପାଇଁ କରାଯାଇଥିବା ବ୍ୟବସ୍ଥା ବିଷୟରେ ଅବଗତ ହୋଇଥିଲେ। କ୍ରିକେଟର ଭାବରେ ତାଙ୍କର ଖେଳ ଦିନକୁ ମନେ ପକାଇ ମନ୍ତ୍ରୀ କହିଛନ୍ତି, "କର୍ଣ୍ଣାଟକ ରାଜ୍ୟ ସରକାରଙ୍କ ସହ ଜୈନ ବିଶ୍ୱବିଦ୍ୟାଳୟ ଖେଲୋ ଇଣ୍ଡିଆ ୟୁନିଭରସିଟି ଗେମ୍ସରେ ଅଂଶଗ୍ରହଣ କରୁଥିବା ଆଥଲେଟମାନଙ୍କ ପାଇଁ ସର୍ବୋତ୍ତମ ସୁବିଧା ସହିତ ଏହି କାର୍ଯ୍ୟକ୍ରମ ଆୟୋଜନ କରିବାର ଚମତ୍କାର କାର୍ଯ୍ୟ କରୁଛି।  ଏଠାରେ ଖେଳାଳିମାନଙ୍କୁ ଦେଖି ମୋର ବିଶ୍ୱବିଦ୍ୟାଳୟ ଦିନଗୁଡ଼ିକ ମନେ ପଡ଼ି ଯାଉଛି ଯେତେବେଳେ ମୁଁ କ୍ରିକେଟ୍ ଖେଳୁଥିଲି। ବିହାରର ଦରଭଙ୍ଗା ଏବଂ ସମଷ୍ଟିପୁରରେ କେତେକ ଟୁର୍ନାମେଣ୍ଟ ହୋଇଥିଲା କିନ୍ତୁ ସେଠାରେ ଉପଯୁକ୍ତ ସୁବିଧା ସୁଯୋଗ ପୂର୍ବରୁ ନଥିଲା। କିନ୍ତୁ ଭିତ୍ତିଭୂମି ଆଜି ବହୁତ ଉନ୍ନତ ହୋଇଛି ଏବଂ ଆପଣ ଏହା ଦେଖିପାରିବେ। ଆଥଲେଟ ମାନଙ୍କ ପାଇଁ ଏଠାରେ ଏକ ପ୍ରକାର ସୁବିଧା ଯୋଗାଇ ଦିଆଯାଉଛି। କେଆଇୟୁଜି  ମାଧ୍ୟମରେ ଆମର ପଦକ୍ଷେପ ହେଉଛି ଆଥଲେଟ ମାନଙ୍କୁ ଏକ ପ୍ଲାଟଫର୍ମ ଯୋଗାଇବା ଯାହା ଆନ୍ତର୍ଜାତୀୟ ମାନକ ସହିତ ସମାନ ଅଟେ। "

ନୂତନ ଆଥଲେଟମାନଙ୍କୁ ଶ୍ରୀ ଠାକୁର କହିଛନ୍ତି ଯେ, "କ୍ରୀଡ଼ାବିତମାନେ କ୍ରୀଡ଼ା ମନୋଭାବ ସହିତ ଖେଳିବା ଆବଶ୍ୟକ। ମୁଁ ସେମାନଙ୍କୁ ସ୍ୱଚ୍ଛ କ୍ରୀଡା ପ୍ରଚାର କରିବାକୁ ଏବଂ ପ୍ରଦର୍ଶନ ବର୍ଦ୍ଧନକାରୀ ଔଷଧ ବ୍ୟବହାର ନକରିବାକୁ ପରାମର୍ଶ ଦେବି। ସେଥିପାଇଁ ଆଥଲେଟମାନଙ୍କୁ ସଠିକ୍ ସୂଚନା ଦେବା ପାଇଁ ଆମର ଏଠାରେ ଏନଏଡିଏ ଅଛି ଏବଂ ବିଶେଷକରି ବିଶ୍ୱବିଦ୍ୟାଳୟ ସ୍ତରରେ ଯୁବ ଆଥଲେଟମାନଙ୍କ ପାଇଁ ଡୋପିଂ ବିଷୟରେ ଅଧିକ ସଚେତନତା ସୃଷ୍ଟି କରାଯାଉଛି।

ଏପରିକି ସେ ବିଭିନ୍ନ ଇଭେଣ୍ଟରୁ ଅଂଶଗ୍ରହଣକାରୀଙ୍କ ସହ କଥାବାର୍ତ୍ତା କରି ସେମାନଙ୍କ ଇଭେଣ୍ଟ ଏବଂ କ୍ରୀଡ଼ାରେ ସେମାନଙ୍କର ଅଭିଳାଷ ବିଷୟରେ ଜାଣିଥିଲେ।

ମନ୍ତ୍ରୀଙ୍କ ସହ ଏପରି ଜଣେ ଆଥଲେଟ୍ ଏସଆରଏମ୍ ବିଶ୍ୱବିଦ୍ୟାଳୟ ପୁରୁଷ ଭଲିବଲ୍ ଦଳର ଏସ ସନ୍ତୋଷ କଥା ହୋଇଥିଲେ। ସେ କହିଛନ୍ତି, “ଆମର କ୍ରୀଡ଼ା ମନ୍ତ୍ରୀ ଶ୍ରୀ ଅନୁରାଗ ଠାକୁର ଙ୍କ ସହିତ କଥା ହେବା ଏକ ଆନନ୍ଦର ବିଷୟ। କଠିନ ପରିଶ୍ରମ ଜାରି ରଖିବା ସହିତ ଆମ ନିଜ ରାଜ୍ୟ ତଥା ବିଶ୍ୱବିଦ୍ୟାଳୟ ପାଇଁ ଖେଳିବା ଜାରି ରଖିବା ପାଇଁ ସେ ଆମକୁ ଉତ୍ସାହିତ କରିଥିଲେ। ଯେତେବେଳେ ମନ୍ତ୍ରୀ ନିଜେ ଆମ ପାଖକୁ ଆସନ୍ତି ଏବଂ ଆମର ଖେଳ ବିଷୟରେ ଆଲୋଚନା କରନ୍ତି, ଏହା ସର୍ବଦା ଅତ୍ୟନ୍ତ ପ୍ରେରଣାଦାୟକ ଅନୁଭବ ପ୍ରଦାନ କରେ।   

ମହିଳା ବିଭାଗରେ ଏଚଆରଏମ (ହିମାଚଳ ପ୍ରଦେଶ ବିଶ୍ୱବିଦ୍ୟାଳୟ) ଏବଂ ଏଡବ୍ଲୟୁ (ଆଡାମସ୍ ବିଶ୍ୱବିଦ୍ୟାଳୟ ପଶ୍ଚିମବଙ୍ଗ) ଏବଂ ପୁରୁଷ ବିଭାଗରେ ଏସଆରଏମ ବିଶ୍ୱବିଦ୍ୟାଳୟ ଚେନ୍ନାଇ ଏବଂ ଏଡବ୍ଲୟୁ ମଧ୍ୟରେ ମ୍ୟାଚ୍ ଚାଲିଥିବାବେଳେ କ୍ରୀଡା ମନ୍ତ୍ରୀ ଭଲିବଲ୍ ସ୍ଥାନରେ ପହଞ୍ଚିଥିଲେ। ସେ ଉଭୟ ଦଳ ସହିତ ଆଲୋଚନା କରିଥିଲେ ଏବଂ ସେମାନଙ୍କ ଆଗାମୀ ମ୍ୟାଚ୍ ପାଇଁ ଶୁଭେଚ୍ଛା ଜଣାଇଥିଲେ। ରେଫରି ଏବଂ ଦର୍ଶକଙ୍କ ସହ ତାଙ୍କର ମଧ୍ୟ କଥାବାର୍ତ୍ତା ହୋଇଥିଲା। ଏହା ବ୍ୟତୀତ ମନ୍ତ୍ରୀ ନିଜେ ମଧ୍ୟ ଭଲିବଲ ଖେଳରେ  ଯୋଗ ଦେଇଥିଲେ।

BS