ভারতকী উপ রাস্ত্রপতি শ্রী এম ভেনকাইয়া নাইদুনা নোংমাইজিং নুমিৎতা বেঙ্গালুরুগী শ্রী কন্তীরবা ইন্দোর স্তেদিয়মদা অনিশুবা খেলো ইন্দিয়া য়ুনিভর্সিতী গেম্স ২০২১ হৌদোক্নবা লাওথোক্লগনি৷ কর্নাতকাগী রাজ্যাপাল শ্রী থাৱর চান্দ গেহলোত, হোম এফিয়র্সকী মন্ত্রী শ্রী অমিত শাহ, মুখ্য মন্ত্রী শ্রী বসাবরাজ বোম্মাই, ফাইনান্স অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামন, য়ুথ এফিয়র্স অমদি স্পোর্তসকী কেন্দ্র মন্ত্রী শ্রী অনুরাগ থাকুর, য়ুথ এফিয়র্স অমদি স্পোর্তস মন্ত্রালয়গী রাজ্য মন্ত্রী শ্রী নিসিথ প্রমনিকনা ইকাই খুম্ননিংঙাই ওইরবা মীথুংলেনশিং ওইরগনি৷  লৈবাক অসিগী মিংচৎ পুরকখিবা মমাংগী অমদি হৌজিক হৌজিক্কী ওইনা লৈরিবা শান্নরোই কা অমনা গেমশিং অসি হৌদোকপগী থৌরমদা ইকাই খুম্নবা উৎলগনি৷

কর্নাতকাগী য়ুথ এমপৱার্মেন্ত অমদি স্পোর্তসকী মন্ত্রী শ্রী নরায়ন গৌদাসু ইকাই খুম্ননিংঙাই ওইরবা মীথুংলেনশিংগী মনুংদা অমা ওইরগনি৷ হাইয়র এজুকেসনগী মন্ত্রী কর্নাতকাগী এম.এল.সি. শ্রী বসাবরাজ হোরত্তি; আই.তি. অমসুং বি.তি., সাইন্স অমদি তেক্নোলোজী, স্কিল দিবেলপমেন্ত অমদি ওল্তরপ্রিনরশিপ অমসুং লিবলিহুদ দা. অশ্বাথনরায়ন সি.এন. সিভাজী নগর এম.এল.সি. রিজৱান আর্শাদনসু থৌরম অসিদা ইকাই খুম্নবা উৎলগনি৷

কর্নাতকাগী মমল লৈরবা কলচরেল ত্রেদিসনগী মশকপু উৎনবা শেমখিবা কলচরেল প্রোগ্রাম অমা য়েংননবা লৈবাক অসিদা লৈরিবা দেলিগেৎশিং য়াওনা এতেন্দী ২,৫০০ হেনবনা স্তেদিয়ম অসিদা তিল্লগনি অদুগা লেসর শোর অমনা তিল্লিবা মীয়াম অদুগী পুক্নিং চিংশিল্লগনি অমসুং তেক্নোলোজী চাওখৎলবা রাজ্যশিংগী মনুংদা রাজ্য অসিসু ওইরে হায়না উৎলগনি৷

কর্নাতকা স্তেত গভর্মেন্ত অমদি স্পোর্তস ওথোরিতী ওফ ইন্দিয়াদগী লোইবা নাইদ্রবা মতেং লৌদুনা জেন য়ুনিভর্সিতীনা শিনখিবা খেলো ইন্দিয়া য়ুনিভর্সিতী গেম্স ২০২১ অসি ভারতকী খ্বাইদগী চাওবা স্পোর্তিং ইভেন্ত ওইরগনি অমদি ভুবনেশ্বরদা ইনোগুরেল ইদিসিন লোইশিনখিবগা ইকুই কুইনদনা শন্দোকখিবা লাইনা-লাইচৎ অসিগী মতুংদা শিনখিবা মীয়াম পুন্না শরুক য়াখিবা অতৌবা কম্পিতিসনদা মসিনা অহানবা ওইরি৷

খেলো ইন্দিয়া য়ুনিভর্সিতী গেম্স ২০২১গী খুৎথাংদা, কর্নাতকা সরকারনা প্রেসিং ইসু অমদা-ইনবাইরোনমেন্তেল সস্তেবিলিতীদসু মীৎয়েং থম্লি৷শান্নরিবা ফিল্দ অদুগী মপান্দা গেমশিংদা শিজিন্নখিবা খুদিংমক অমুক হন্না শিজিন্নবা য়াবা পোৎলমশিংনা শাগনি; শান্নরোইশিং অসি পুথোক-পুশিন তৌবদা ইলেক্ত্রিক্কী গারীশিং শিজিন্নগনি অমদি মফম খুদিংমক্তা ৱেস্ত পুম্নমক চোৎলিঙৈদা খায়দোক্কনি অমদি সোর্স অদুদা কংহনগনি৷ কে.আই.য়ু.জি. ২০২১ অসি গ্রীন গেম্স অমা ওইরগনি৷

য়ুনিভর্সিতী ২০০ হেনবদগী কম্পিতিতর ৩৮৭৯রোম্না মল্লাখম্বা অমদি য়োগসনাগুম্বা ইন্দিজিনিয়র্স ওইবা মশান্নগুম্বা য়াওনা তোঙান তোঙানবা দিসিপ্লিন ২০দা লম্বা তৌনরগনি৷ কর্নাতকা স্তেদিয়ম কমপ্লেক্সতা এথেলেতিক্স অমদি বাস্কেৎবোল পাংথোক্লগনি অদুগা শুত্তিংবুনা সাই কেম্পসতা পাংথোক্লগনি অমসুং হোক্কী কম্পিতিসনশিংনা করিয়প্পা স্তেদিয়মদা পাংথোক্কনি৷ অতোপ্পা থৌরম পুম্নমক জেন এজুকেসনেল ইন্সতিত্যুসন পর্মিজেসতা পাংথোক্লগনি৷

কে.আই.য়ু.জি. ২০২১দা শরুক য়ারিবা ওফিসিয়েলশিং, কোচশিং অমদি পার্তিসিপেন্ত ৮০০০ হেনবনা কম্পিতিসনগা মরী লৈনবা ই-পাউ অমা হেক্তগীদমক অহানবা মোবাইল এপ মখল অমা শিজিন্নগনি৷ ৱান-স্তোপ এপ অসিদা একোমোদেসন, চানবা, ত্রান্সপোর্ত সর্ভিস, ইমর্জেন্সী কন্তেক্তশিং, তোঙান তোঙানবা মফমশিং য়ৌনবগী মেপশিং অমদি গেমশিংগী মরমদা মরু ওইবা নোতিফিকেসনশিং অমসুং অতোপ্পা অকুপ্পা মরোলশিং য়াওরগনি৷

হৌদোকপগী থৌরমগী মতাংদা ৱা ঙাংলদুনা, কর্নাতকা সরকারগী য়ুথ এমপৱার্মেন্ত অমদি স্পোর্তস মন্ত্রী শ্রী কে.সি. নরায়ন গৌদানা হায়খি: “নোংমাইজিং নুমিৎতা থৌরম হৌদোক্নবগীদমক শেম-শাবা পুম্নমক লোইরে৷ ঙসিগী অয়ুক্তা উপ রাস্ত্রপতি শ্রী ভেনকাইয়া নাইদু জী বেঙ্গালুরুদা থুংখ্রে৷”

“কেন্দ্র সরকার অমদি রাজ্যগী মন্ত্রী পুম্নমক্তদগী হেন্দোক্তুনা, মালেমগী থাক্তা কর্নাতকা অমদি ভারতকীদমক মিংচৎ পুরকখিবা মীওইশিংগা লোইননা  প্রকাশ পাদুকোন, পনকাজ এদভানি, অঞ্জু বোবী জিওর্জ, অশ্বিনী নচপ্পা, রীত অব্রাহম য়াওনা মকোক থোংবা শান্নরোই কয়ারোম্না থৌরম অসিদা শরুক য়াগনি৷”

কর্নাতকা সরকারনা খেলো ইন্দিয়া য়ুনিভর্সিতী গেম্স ২০২১গী শরুক য়ারিবা মীওইশিংগীদমক অখন্নবা এরেঞ্জমেন্তশিং শিন-লাংখ্রে, মসিদা শান্নরোইশিংনা মখোয়গী লৈফমদগী মখোয়গী মরী লৈনবা কম্পিতিসন তৌরিবা মফমশিং অদু ফাওবা চৎপা মতমদা শান্নরোইশিংনা মখোয়গী স্পোর্তিং ইক্ব্যুইপমেন্ত অদু কর্নাতকা মেত্রোদা পুবা য়াহল্লি৷

শহরগী লেন্দমার্ক মফমশিংদা হোর্দিংশিং উৎতুনা বেঙ্গালুরু শহর পুম্ববু খেলো ইন্দিয়া য়ুনিভর্সিতী গেম্স ২০২১গী শরুক অমা ওইহন্নবা রাজ্য সরকার অসিনসু চাওনা হোৎনখ্রে৷ খেলো ইন্দিয়া য়ুনিভর্সিতী গেম্স ২০২১ এদভরতিস্তমেন্ত বোর্দশিংনা শান্নরোইশিং অসিবু তরাম্না ওক্নবা ঙাইদুনা লৈগদৌরিবনা শান্নরোইশিং অসিনা রেলৱে অমদি বস স্তেসনশিংদগী হেক কুমথরকপা মীকুপ অদুদগী শরুক য়াগদৌরিবা শান্নরোইশিংনা কে.আই.য়ু.জি. এনবাইরোনমেন্ততা চংশিল্লগনি৷

*******