خزانہ اور کارپوریٹ امور مرکزی وزیر محترمہ نرملا سیتارامن اور عالمی  بینک گروپ کے صدر جناب ڈیوڈ مالپاس نے آج واشنگٹن ڈی سی میں میٹنگ کی، جس میں مختلف امور بشمول کووڈ-19 وبائی مرض سے ہندوستان کے مسلسل ابھرنے کا عمل؛ روس-یوکرین تنازع کے عالمی معیشت اور خاص طور پر بھارت پر اثرات؛ معیشت اور ڈبلیو بی جی کا کردار؛ واحد قرض لینے والے کی حد ، دیگر ملکوں سے گارنٹی کے امکانات کی تلاش، جی-20 کی بھارت کی صدارت اور  سی ڈی کی روانگی کے بعد بھارت میں عالمی بینک کی قیادت پرتبادلہ خیال کیا گیا۔

وزیر خزانہ نے کہا کہ بھارت کی وبا کے خلاف  جنگ  نے زندگی اور ذریعہ معاش کو بچانے کے دوہرے مقاصد پر توجہ مرکوز کی ۔ بھارت دنیا کا دوسرا سب سے بڑا ویکسینیشن پروگرام کامیابی سے چلا رہا ہے، جس میں ویکسین کی 1.85 بلین سے زیادہ خوراکیں دی گئی ہیں۔

محترمہ سیتا رمن نے کہا کہ بھارت بڑھتے ہوئے جغرافیائی سیاسی تناؤ کے درمیان بڑھتی ہوئی غیر یقینی صورتحال کی وجہ سے عالمی بحالی کو لاحق خطرات کے بارے میں فکر مند ہے۔

وزیر خزانہ نے تجویز پیش کی کہ کثیرالجہتی زیادہ نازک ہو گئی ہے کیونکہ دنیا غیر معمولی غیر یقینی صورتحال کے دور سے گزر رہی ہے۔ وبائی امراض اور حالیہ جغرافیائی سیاسی پیشرفتوں کی وجہ سے، عالمی بینک کو قرضوں کے دباؤ کا سامنا کرنے والے ممالک کو بچانے کے لیے آنے کی ضرورت ہے۔ خاص طور پر عالمی بنک کو سری لنکا پر خصوصی توجہ دینے کی ضرورت ہے جو غیر معمولی اقتصادی صورتحال کا سامنا کر رہا ہے۔

محترمہ سیتا رمن نے بنیادی ڈھانچے کی ترقی کے لیے بھارت کے روڈ میپ پر روشنی ڈالی اور کہا کہ بھارت قومی انفراسٹرکچر پائپ لائن اور گتی شکتی پروگرام کے لیے مالیاتی سرمایہ کاری کیلئے عالمی بینک کی مسلسل حمایت کا منتظر ہے۔

۔۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 4578)