ফাইনান্স অমসুং কোর্পোরেত এফিয়র্সকী কেন্দ্রগী মন্ত্রী শ্রীমতি নির্মলা সিতারমন অমসুং ৱার্ল্দ বেঙ্ক গ্র ্রী শ্রীমতি নির্মলা সিতারমন নাুপকী প্রসিদেন্ত মিস্তর দেবিদ মালপাশকা লোয়ননা মসিদা ভারত্তা কোবিদ-১৯গী লায়চৎতগী ফগৎলক্লিবা; রসিয়া-য়ুক্রেন উংখৎনবনা মালেমগী ওইবা শেন্মিৎলোন্দা পীবা শাফু; দবল্যু.বি.জি.গী শেন্মিৎলোন অমসুং থৌদাং; অতোপ্পা লৈবাক্তগী অমখক্তা ওইবা পুবগী ঙমখৈ অমসুং গুরান্তী ওইনবগী থিবা, সি.দি.শিং চৎখ্রবা মতুংদা ভারতকী জি.২০ প্রসিদেন্সী অমসুং ভারত্তা ৱার্ল্দ বেঙ্ককী লিদরশিপ য়াওনা ইসু কয়া অমদা খন্ন-নৈননবা ৱাশিংতন দি.সি.দা ঙসি উনখ্রে।  

ফাইনান্স মন্ত্রীনা হায়খি মদুদি ভারতনা লায়চৎতা লৌরিবা থৌদাং অসি পুন্সি অমসুং পুন্সি মহিং কনবা হায়বা অনি অসিদা মিৎয়েং থম্বনি। ভারতনা মালেমগী খ্বায়দগী চাউবা অনিশুবা ভেক্সিনেসন প্রোগ্রামদা ভেক্সিন দোজ বিল্লিয়ন ১.৮৫ হেন্না কাপথোক্তুনা মায় পাক্না চৎলি।

শ্রীমতি সিতারমন্না পনখি মদুদি ভারতনা জিওপোলিতিকেল ওইবা উংখৎনবা হেনগৎলক্লিবা অসিগী মরক্তা তংদু লৈতাদবা লৈরিবা অসিদা মালেমগী ওইনা ফগৎনবগীদমক্তা খন্দুনা লৈরি।

ফাইনান্স মন্ত্রীনা অনিং অপাম্বা ফোংদোকখি মদুদি মালেম অসিনা মফম খঙদনা তংদু লৈতানা লৈতবা অসিদা লৈবাক মশেল পুনশিন্দুনা থবক পায়খৎপা অসি হেন্না লুবা অমা ওইরি। লায়চৎ অমসুং হন্দক্তা লৌখৎখিবা জিও-পোলিতিকেলগী চাউখৎ থৌরাংগী মরমদা য়েংদুনা, হৌজিক লৈবাকশিংনা থেংনরিবা শেন্দোলগী অৱাবা অসি কোক্নবা ৱার্ল্দ বেঙ্কনা কনবা অমা মথৌ তাই। মরুওইনা, ৱার্ল্দ বেঙ্কনা অমুক্তা থোকখিদ্রিবা মওংদা শেন্মিৎলোন্দা মাইয়োক্নরিবা শ্রী লঙ্কাদা অখন্নবা পুক্নিং চংবা মথৌ তারি।

শ্রীমতি সিতারমন্না ভারতকী ইনফ্রাস্ত্রকচর চাউখৎ-থৌরমগী লিক্লম অমসুং নেস্নেল ইনফ্রাস্ত্রকচর পাইপলাইন অমসুং গতি শক্তি প্রোগ্রামগীদমক ৱার্ল্দ বেঙ্কদগী শেল-থুমগী ওইবা শেন্থংগী মতেং পীরকপা ঙাইদুনা লৈরি হায়না উৎখি।

****