প্রধান মন্ত্রীগী স্কিল ইন্দিয়া মিসনদা ইনোৎ হাপ্লদুনা, কেন্দ্রগী এজুকেশন, স্কিল দেবেলপমেন্ত, অমসুং এন্তরপ্রেনরশিপকী মন্ত্রী, শ্রী ধর্মেন্দ্র প্রধাননা ঙসি লৈবাক অসিগী মফম ৭০০+দা নেস্নেল অপ্রেন্তিসশিপ মেলাবু দিজিতেল ওইনা হৌদোকখ্রে।

পাৱর, রিতেল, তেলিকম্যুনিকেশনশিং, আই.তি./আই.তি.ই.এস.. ইলেক্ত্রোনিক্স, ওতোমোতিব য়াওনা ইন্দস্ত্রী ৩০ এন্নদগী ওর্গনাইজেশন ৪০০০গী মথক অমসুং অতোপ্পা কয়া অমনা থৌরম অদুদা শরুক য়াখি। ক্লাস ৫তগীনা ১২ ফাওবগী পাস সর্তিফিকেত পাইবা, স্কিল ত্রেনিং সর্তিফিকেত, আই.তি.আই. দিপ্লোমা, নত্রগা গ্রেজুৱেত দিগ্রী পাইবশিংনা পি.এম. অপ্রেন্তিসশিপ মেলা অসিদা শরুক য়াবা য়াগনি। মসিগী প্রোগ্রাম অসিগী মরু ওইবা পান্দমদি অপ্রেন্তিস লাখ অমমুক নেক্নবা অমসুং ত্রেনিং অমসুং প্রক্তিকেল স্কিলশেৎশিংগী খুত্থাংদা এমপ্লোয়রশিংবু মখোয়গী পোতেন্সিয়েল অদু মশক খঙদোকপদা অমসুং হেনগৎহনবদা মতেং পাংনবগীদমক্তা থৌগৎপনি। 

ৱেল্দর, ইলেক্ত্রিসিয়ন, হাউসকীপর, ব্যুতিসিয়ন, মেকানিক, অমসুং অতোপ্পা কয়া অমা য়াওনা ত্রেদ ৫০০+কী চোইস লৈ। মখোয়শিং অদু সরকারগী স্তেন্দর্দশিং অদুগী মতুং ইন্না থাগী স্তাইপেন্দগা লোইননা ওন-দ-স্পোত অপ্রেন্তিসশিপ ওফরশিং পী।

মসিগী মখা পোন্না মখোয়শিং অদু অনৌবা স্লিশিং দেবলপ তৌবগীদমক্তা সরকারগী স্তেন্দর্দকী মতুং ‌ইন্না থাগী ওইবা স্তাইপেন্দ ফংগনি, তম্ন-তম্না শেল তানবগী খুদোংচাবনি। কেন্দিদেতশিং অদুনা নেস্নেল কা্ন্সিল ফোর ভোকেস্নেল এজুকেশন এন্দ ত্রেনিং (এন.সি.ভি.ই.তি.)না মশক খঙলবা সর্তিফিকেতশিং ফংলগনি, মসিনা মখোয়বু ত্রেনিং লোইরবা মতুংদা থবক ফংবগী চান্স হেনগৎহল্লগনি।

নেস্নেল আপ্রেন্তিসশিপ মেলা অদুদা ৱা ঙাংলদুনা, কেন্দ্র এজুকেশন অমসুং স্কিলম দেবেলপেন্ত অমসুং এন্তরপ্রেনরশিপকী মন্ত্রী, শ্রী ধর্মেন্দ্র প্রধাননা হায়খি, লৈবাক অসিগী মফম ৭০০দা ওর্গনাইজেশন ৪,০০০না ঐখোয়গী নহাশিংদা থবক তৌবগী খুদোংচাবা পীনবগীদমক্তা মসিগী মেলা অসিদা শরুক য়াখি। মেন্যুফেকচরিং, ইলেক্ত্রোনিক্স, সার্বিসেস, পাৱর, আই.তি./আই.তি.ই.এস., রেলৱেজ, রিতেল অমসুং অতোপ্পা ফাওগৎলক্লিবা হিরম কয়া অদগী জোব প্রোভাইদরশিংনা মসিগী অপ্রেন্তিসশিপ মেলা অসিগীদমক্তা পরেং লেংবা অসি উবদা য়াম্না পেনবা ফাওই।

শ্রী প্রধাননা হায়ি মদুদি চহি ৩৪গী মতুংদা ঐখোয়না অনৌবা এজুকেশন পোলিসী অমা লৈরে, মসি অমৃতকাল অসিদা ভারতকী অওনা অমা পুরক্নবগীদমক্তা রোদমেপ অমনি। অপ্রেন্তিসশিংদা একাদেমিক ক্রেদিত রিৱার্দশিং পীরগনি, হায়রিবা অসি মখোয়না তুংগী লম্বিশিংদা শিজিন্নবা য়াগনি। ঐখোয়না অপ্রেন্তিসশিপ অসি লৈবাক অসিগী নহাশিংবু স্কিল লৈহন্নবা, রি-স্কিল তৌনবা অমসুং অপ-স্কিল তৌনবা, পর কেপিতা ইকোনোমিক প্রোদক্তিবিতী অমসুং নেস্নেল মিসনশিংবু লমজিংগদবা মীয়াম্না শরুক য়াবা ঈহৌ অমা ওইহনগদবনি।

 “পি.এম. নেস্নেল অপ্রেন্তিসশিপ মেলা অসি থা থাগী ওইবা থবক ওইগনি। মখাতানা অপ্রেন্তিসশীপ প্রোসেস স্ত্রীমলাইন তৌনবা অমসুং ২১শুবা চহি চাদা মরি লৈনবা খুদোংচাবশিংগা ঐখোয়গী নহাশিংগা কনেক্ত তৌনবা দিজিতেল দাশবোর্দ অমা শেম্লগনি। ঐখোয়না হোৎনগদৌরিবা অসি অপ্রেন্তিসশিং ওইনা কোরপোরেতশিংদা ত্রেনী লাখ ১০দগী হেন্না থবক তৌহন্নবা হোৎনবনি অমসুং তম্না-তম্না শেল তান্নবা অমসুং ইন্দস্ত্রীদা মখোয়গী গেতৱে ফংনবা মসিগী খুদোংচাবা অসিদা কেপিতেলাইজ তৌগনি,” হায়না মআক্না মখা তাখি।

থৌরম অদুদা ৱা ঙাংলদুনা, শ্রী রাজীব চন্দ্রশেকর, স্কিল দেবেলপমেন্ত অমসুং এন্তরপ্রেনরশিপকী রাজ্য মন্ত্রী অমসুং ইলেক্ত্রোনিক্স অমসুং ইনফোর্মেশণ তেক্নোলোজীগী রাজ্য মন্ত্রীনা হায়খি, “কোবিদ মতুংদগী ঐখোয়না ঐখোয়গী মিৎয়েং অসি ঐখোয়গী এমপ্লোয়েবল স্কিলশিং হেনগৎহন্নবদা থমখি অমসুং রম অদুনা মেপ্লোয়েবিলিতীদা মীৎয়েং চংখি। ঐখোয়গী প্রধান মন্ত্রীনা হায়খিবগী মতুং ইন্না স্কিলিং, রি-স্কিলিং অমসুং অপ-স্কিলিং অসি খুদোংচাবগী কৈরাক অমগুম্না লৌগদবনি। অপ্রেন্তিসশিপ অসি সস্তেন্নেবল মোদেলশিংগী মরক্তা অমনি অমসুং সরকার, স্কিল দিলিভরী ইকোসীস্তেম অমসুং  এমপ্লোইমেন্ত ইকোসীস্তেম পার্তনরশিপ শেম্নবা, মসিগী কন্সেপ্ত অসি সেন্ত্রেল ওই, স্কিল দেবেলপমেন্ত অমসুং এন্তরপ্রেনরশিপনা অপ্রেন্তিসশিপ এক্ত অমসুং অপ্রেন্তিসশীপ রুলস ২০১৪ অমসুং ২০১৫দা কমপ্রেহেন্সিব ওইবা অওনবা অমা পুরকখ্রে অমসুং মসি স্কিল তাল্লিবা অমসুং স্কিল লৈরবা তেলেন্তশিং থিরিবশিং অনিমক্তাস্কিলিং ইকোসীস্তেমগা কনেক্ত তৌনবা দাইনামিক ওইবা ইভোল্বিং প্লেতফোর্ম অমা ওইনা লৌবা য়াই। অপ্রেন্তিসশিপ মোদেল অসিসু ইকোসীসতেমবু হেন্না দিমেন্দ দ্রিভন ওইবা অমসুং ইমপেক্ত য়াম্না লৈবা অমা ওইহন্নবা ইন্দস্ত্রীদগী মরু ওইবা ফীদবেক মেকানিজমঅমা ওইনসু লৌবা য়াই।। পি.এম.নেস্নেল অপ্রেন্তিসশিপ মেলা অসিনা নহাশিংগা ইন্দস্ত্রীগা কনেক্ত তৌনবা য়াম্না লিংবা প্লেতফোর্ম অমা ওইনা মথৌ তৌগনি।”

পি.এম. নেস্নেল অপ্রেন্তিসশিপ মেলা  অসিদা শরুক য়ারিবা এস্তাব্লিশমেন্তশিং অসিনা চপ মান্নবা প্লেতফোর্ম অমদাং মতিক চাবা অপ্রেন্তিসশিং উনবগী অমসুং কেন্দিদেতশিংঅদুবু মফম অদুদা কনবগী খুদোংচাবা ফংগনি। মসিগী মথক্তা, মেম্বর মরি খক্তমক লৈবা অপিকপা ইন্দস্ত্রিশিংনা ফাওবা থৌরম অদুদা অপ্রেন্তিস নেকপা ফংগনি। লর্নরশিংনা তুংগী একাদেমিক পাথৱেশিংগীদমক্তা শিজিন্নবা য়াবা মখোয়না ফংবা ক্রেদিতশিং অদুগী দিপোজিতরী লৈবা ক্রেদিত বেঙ্ক কন্সেপ্ত অমা হৌদোক্লগনি।

ৱারি-ৱাতাই শানবা অদুদা, মরু ওইনা শ্রী ধর্মেন্দ্রনা ভুবনেস্বরদগী নহা ওইরিবা ত্রেনীশিংগী এন্তরপ্রনরগী ওইবা ৱাখল্লোন অদুবু য়াম্না পেনখি। গোবর্নমেন্তত আই.তি.আই. ভুবনেস্বরদা বেকর এন্দ কনফেক্সনরদা অপ্রেন্তিসশিপ চত্থরিবা মহাক্না অদুনা মহাক্কী মশাগী বেকরী হাংদোক্না থৌরাং তৌরি। মহাক্না স্তেকহোল্দর পুম্নক্তা অপ্রেন্তিসশিপকী স্কোপ অমসুং স্কেলবু মখাতানা চাউথোকহন্নবা মখোয়গী ৱাখল্লোন অদু হেন্না চাউথোক্নবা পুক্নিং থৌগৎখ্রে। লোকেল ইকোনোমিশিংদা লৈরিবা খুদোংচাবশিং অদুদা য়ুমফম ওইরগা ইন্দস্ত্রী-লিংকেজ অসিনা নহাশিংগীদমক্তা অপ্রেন্তিসশিপকী খুদোংচাবা য়াম্না চাউনা  হেনগৎহন্নবগীদমক্তা মতম শাংনা থবক তৌখিগনি।

পি.এম অপ্রেন্তিসশিপ মেলা অসিনা শরুক অবরিবা এস্তাব্লিশমেন্তশিংদা অচৌবা খুদোংচাবা অমা ওইরিবনি, মরমদি মখোয়না প্লেতফোর্ম অমখক্তদা পোতেন্সিয়েল অপ্রেন্তিসশিং থেংনবা ফংঙি অমসুং মখোয়গী অপম্বগী মতুং ইন্না এপ্লিকেন্তশিং খনবা ফংঙি। মসিগী মথক্তা, য়ামদ্রবদা এমপ্লোয়ী মরি লৈবা অপিকপা ইন্দস্ত্রীশিংনসু মসিগী মেলা অসিদা অপ্রেন্তিসশিং নেকপা ঙমখি।

*********