সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোনেল, পব্লিক গ্রিভান্সেস, পেন্সন্স, এতোমিক ইনর্জী অমদি স্পেস, দা. জিতেন্দ্র সিংনা ঙসি মফম অসিদা প্রজাদা য়ুমফম ওইবা অসিনা ভারত @২০৪৭ গভর্নেন্স মোদেলবু লেপ্লগনি হায়না ফোংদোকখ্রে৷

মফম অসিদা, বিগ্যান ভাবনদা ১৫শুবা সিবিল সর্ভিসেস দা থৌরমবু হৌদোক্লদুনা, অনৌবা সাসনগী মোদেল অসিদা প্রজাগা কোইনবা মরী থমদনা চংশিল্লকপা অসিনা সিবিল সর্বেন্তশিংগী ওইনা অমতা ঙাইরবা মাই পাক্নবগী ওপ্সন ওইরি হায়না দা. জিতেন্দ্র সিংহনা ফোংদোকখি৷ প্রধান মন্ত্রী নরেন্দ্র মোদীবু পল্লদুনা, মহাক্না হায়, “সর্বিল সর্ভিসেস নুমিৎকী অশেংবা ৱাহন্থোক অসি কম্মন মেনদা কৎথোকপা হায়বনি, অমদি সিবিল সর্বেন্ত খুদিংমক্না কম্মন মেনগী পুন্সিগী ফিভম চাওনা ফগৎহন্নবা হোৎনগদবনি”৷

সিবিল সর্ভিসেস দে ২০২২গী থীম “বিজন ইন্দিয়া @২০৪৭ – প্রজা অমদি সরকারগী মরী হেন্না নকশিনহনবা”বু পল্লদুনা, দা জিতেন্দ্র সিংহনা হায়খি, চহিশিং অসিদা কম্মন মেনগী থাজবশিং অসি হেনগৎলকখ্রে অমদি সিবিল সর্ভেন্তশিংনা দেলিভরীদা ময়েক শেংনা লেপতুনা মখোয়গী তুংগী থৌদাং অদুগী মরমদা হকশিন্না য়েংশিনগদবনি৷ মহাক্না হায়খি, চহি ২৫গী এক্তিব সর্ভিস লৈরিবা ওপিসরশিংদা ঐখোয়না শোইদনা মীৎয়েং চংগদবনি অমদি হৌজিক লৈরিবা ওফিসরশিংনা ভারতনা ২০৪৭তা নিং-খা তম্বগী চহি ১০০ শুরকপদা লমদম অসিবু ফ্রন্তলাইন নেসন অমা ওইহন্নবগী কেপাসিতী অদু শেমগৎপদা মতেং পাংগদবনি৷

২০২২গী প্রিজমদগী মীওই অমতনা ইন্দিয়া @২০৪৭পু বিজ্যুলাইজ তৌবা ঙম্লোই হায়না দা. জিতেন্দ্র সিংহনা ফোংদোকখি৷ ফ্যুচর গভর্নেন্স মোদেলশিংনা সিবিল সর্ভেন্ত অমগী থৌদাং অদু অমক হন্না তাকপা য়াই অমদি  সাসন অসিনা প্রজাদা হেন্না হেন্না য়ুমফম ওইদুনা পাল তৌরবা য়াই, অসুম্না তৌদুনা "মিনিমম গভর্মেন্ত"কী স্পিরিত অদু ময়েক শেংনা পর্সোনিফাইইং তৌরি হায়না মহাক্না ফোংদোকখি৷ মহাক্না,অদুম ওইনমক ২০৪৭কা মরী লৈননা ইন্দাইসেসকী নেচর অসি মপুং ফানা বিজ্যুলাইজ তৌগদবনি হায়না মখাতাখি৷ লাক্কদৌরিবা চহিশিং অসিদা কমপ্লেক্স ওইরবা তেক্নোলোজীগী ইন্তরৱুবন ইন্তরফেস অমা, অনৌবা ইন্দাইসেস অমদি আর্তিফিসিয়েল ইন্তিলিজেন্সনা অচৌবা লম্বী অমদা থৌদাং লৌরবা য়াই হায়না মহাক্না ফোংদোকখি৷

সিবিল সর্ভিসেস দেনা অচুম্বা থবক পাংথোক্লিবা সিবিল সর্ভেন্তশিং অমদি ইন্নোবেতিব ওইবা খোংথাংশিং শিজিন্নদুনা অরুবা এরিয়াশিংদা রিজল্তশিং পুথোক্লিবা সর্ভেন্তশিংগী লোইবা নাইদ্রবা খুদমিংবু সেলেব্রেত তৌনবগী থৌরম অমা মার্ক তৌরি হায়না দা. জিতেন্দ্র সিংহনা ফোংদোকখি৷ লৈবাক্কী শেব নিংথিনা তৌননবা ঐখোয় ইশাবু অমুক হন্না কৎথোক্নবা মসিনা ভারতকী সাসনদা সেমিনেল চেঞ্জশিং মার্ক তৌনবগী থৌরম অমসু ওইরি৷

দা. জিতেন্দ্র  সিংহনা ন্যু দিল্লীগী নেতকাল্ফ হাউসতা পাংথোকখিবা ইন্দিয়ন এদমিনিস্ত্রেতিব সর্ভিসকী অহানবা বেতচতা সরদার পতেলনা ৱারোল থমখিবা অদু পল্লদুনা “অদোমগী প্রিদিসেসরশিং অসি মীয়ামগী কম্মন রনদগী মখোয় মশানা মশাবু থমজবা চৎবিশিং অসিদা চাওরকখিবনি৷ ভারত্তা লৈরিবা কম্মন মেনবু অদোম ইশাগীনি হায়না খল্লগা লোইনবিবা হায়বসি অদোমগী তৌদ্রবা য়াদ্রবা থৌদাং ওইরগনি”৷

“রুলদগী রোলদা”দা লাক্লিবা মিসন কর্ময়োগিগী মরু ওইবা মন্ত্র অদু পল্লদুনা, সরকারগী ফ্লেগশিপ স্কিম অয়াম্বনা হৌজিক্তি চাওনা সাইন্স অমসুং তেক্নোলোজীবু বেজ তৌবনা সিবিল সর্ভেন্তশিং অসি অনৌবা অমদি চেলেঞ্জিং ওইবা এসাইনমেন্ত অমগীদমক মখোয় মশাবু ত্রেন তৌগদবনি হায়না দা. জিতেন্দ্র সিংহনা হায়খি৷

দা. জিতেন্দ্র সিংহনা খন্দোক্লবা প্রাইয়োরিতী প্রোগ্রামশিং অমদি ইন্নোবেসনশিংদা ২০১৯,২০২০ অমদি ২০২১গী এৱার্দেদ ইনিসিয়েতিবশিংগী মতাংদা একজিবিসন অমসু হৌদোকখি অমদি ‘বিজন ইন্দিয়া@২০৪৭-গভর্নেন্স’ হায়বা তোপিক্তা পাংথোকখিবা প্লেনরী সেসনদা সভাপতি ওইখি৷

মহাক্কী ৱারোলদা, কেবিনেত সেক্রেতরী রজিব গৌবানা হায়খি মদুদি সিবিল সর্ভিসেস দে অসি সেলেব্রেসনশিংগী নুমিৎ অমনি অমদি রেফ্লেক্সন অমদি ইন্ত্রোস্পেক্সনগী নুমিৎ অমসু ওইরি৷ রিগুলর ইন্দিকেতর বেজ মোনিতরিংনা করি ফংবা ঙম্বগে হায়বদু এস্পিরেসনেল জিলাশিংগী ত্রান্সফোর্মেসনেল এপ্রোচনা উৎলি অমদি ৱেলফেয়র স্কিমশিংগী কান্নবশিং অসি ক্ব্যুদা লৈরিবা মীওইশিংগী অরোইবা মীওই অদু ফাওবা হৌজিক্তি সেচুরেসন এপ্রোচ  ফংহল্লগনি হায়না মহাক্না ফোংদোকখি৷

প্রজাগী য়াইফনবগীদমক কেন্দ্র অমদি রাজ্য সরকারশিংগী জিলাশিং অমদি ওর্গনাইজেসনশিংনা পাংথোকখিবা থোইদোক-হেন্দোক্লবা অমদি ইন্নোবেতিব ওইবা থবক অদু মশক খঙবিনবগী ৱাখল্লোনদা পব্লিক এদমিনিস্ত্রেসনদা থোইদোক-হেন্দোক্না হৈথোইরবশিংদা পি.এম. এৱার্দশিং অসি পীনবা শেমখিবনি হায়না দি.এ.আর.পি.জি.গী সেক্রেতরী শ্রী ভি. শ্রীনিবাসনা মহাক্কী ৱারোলদা ফোংদোকখি৷

সিবিল সর্ভিসেস দে ২০২২দা পীগদৌরিবা  এৱার্দশিংগীদমক মখাগী প্রাইয়োরিতী প্রোগ্রাম ৫ অসি খন্দোকখ্রে: “জন ভাগিদারি” নত্রগা পোশান অভিয়ানদা মীয়াম শরুক য়াববু প্রমোত তৌবা, খেলো ইন্দিয়া স্কিমগী খুৎথাংদা স্পোর্তস অমসুং ৱেলনেসতা থোইদোক-হেন্দোক্লবশিংবু প্রমোত তৌবা, পি.এম. স্বনিধি য়োজনাদা দিজিতেল পেমেন্তশিং অমদি অফবা সাসন লৈনবা, ৱান দিস্ত্রিক ৱান প্রদক্ত স্কিমগী মতেংদগী হোলিস্তিক দিবেলপমেন্ত পুরকপা, ইন্নোবেসনশিং (কেন্দ্র, রাজ্য অমদি দিলাশিং) অমদি হ্যুমেন ইন্তরবেন্সনশিং (দিলাশিং অমদি অতোপ্পশিং) য়াওদনা লেপ্প-লৈতনা সর্ভিসশিংগী এন্দ-তু-এন্দ দেলিভরী লৈহনবা অসিনি৷

চহি অসিগী ওইনা খন্দোক্লবা প্রাইয়োরিতী প্রোগ্রাম ৫দা এৱার্দ ১০ পীরগনি অদুগা ইন্নোবেসনশিংগীদমক কেন্দ্র/রাজ্য সরকার/জিলাশিংগী ওর্গনাইজেসনশিংদা এৱার্দ ৬ পীরগনি৷

হান্নগী কেবিনেত সেক্রেতরীশিং, হান্নগী সেক্রেতরীশিং, সেক্রেতরীশিং, এদিসনেল সেক্রেতরীশিং, জোইন্ত সেক্রেতরীশিং, চীফ সেক্রেতরীশিং/এ.সি.এস./প্রিন্সিপাল সেক্রেতরীশিং অমদি সেন্ত্রেল ত্রেনিং ইন্সতিত্যুসনশিংগী হেদশিং/ রিসাইদেন্ত কম্মিশনারশিংনা বিগ্যান ভাবনদা পাংথোকখিবা থৌরম অসিদা শরুক য়াখি৷ পি.সি.সি.এফ.শিং/ পুলিসকী দি.জি.শিং/ পুলিসকী এদিসনেল দি.জি.শিং/দিস্ত্রিক কল্লেক্তরশিং, একাদমিক ইন্সতিত্যুসনশিং, স্তেত এ.তি.আই.শিং/ এসিস্তেন্ত সেক্রেতরীশিং অমদি এসিস্তেন্ত সেক্রেতরীশিং ওইনা থৌ পুরিবা ২০১৩-১৭ বেতচশিংগী আই.এ.এস. ওফিসরশিংসু থৌরম অসিদা ভর্চুয়েল্লী ওইনা শরুক য়াখি৷

******