সেনিতেশন কোম্না, অসোই-অঙাম য়াওদনা ফংহন্নবগীদমক্তা অমসুং ইনখৎলক্লিবা নুপীমচাশিংগী মরক্তা মখোয়গী থাগী খোংকাপ লাকপা মতমদা ইকাইবা লৈতনবা, কর্নাতকাগী গদগ জিলানা জিলা অসি শিনবা থুংন গ্রাম পঞ্চায়ত (জি.পি.শিং) ৩২দা পিঙ্ক তোইলেতশিং শারি।  

মসিগী মনুংদা য়ুনিৎ ২০দি লোইখ্রে অদুগা ১২ অমনা লোইগদৌরে। য়ুনিৎ অমদা লুপা লাখ ৬ চংখি – (এম.জি.এন.আর.ই.জি.এ.দগী লাখ ৩, এস.বি.এম.-জি.দগী লাখ ১.৮ অমসুং গ্রাম পঞ্চায়তকী ১৫শুবা ফাইনান্স ফন্দদগী লুপা লাখ ১.২)

অসিগুম্বা ফেসিলিতী অসি কে.ঐচ. পাতিল গর্লস সেনিয়র প্রাইমরী স্কুলদা অহানবা ওইনা শাখি অমসুং মসিদা মাইপাক্না চাংয়েং তৌরবা মতুংদা, অতোপ্পা খুঙ্গংশিংদা অমুক মসিগী মতৌ তমখি।

ঈশিং মরাং কাইনআ ফংলবা, মৈ থানবা, ফি হোংফম  অমসুং অতোপ্পা এমেনিতীশিং য়াওরবা ইনখৎলক্লিবা নুপীমচাশিং অমসুং নুপীশিংগী ৱাশ রুম অসি স্বচ্ছ ভারত মিসন গ্রামীন (এস.বি.এম.-জি.)গী মখাদা পাইখৎলকপা অনৌবা খোংথাংনি।  য়ুনিৎ খুদিমক্তা সেনিতরী পেদশিং অমসুং থাগী খোংকাপকী অমোৎ-অকাইশিংবু য়াম্না সেফ ওইনা মফম চানা লংথোক্নবা ইন্সিনরেতর অমমম য়াওই।

মেন্স্ত্রুৱল হাইজিন মেনেজমেন্ত (এম.ঐচ.এম.) অসি স্বচ্ছ ভারত মিসন গ্রামীন (এস.বি.এম.-জি.)গী মখাদ ৱেস্ত মেনেজমেন্তকী য়াম্না মরু ওইবা শরুক অমনি, মসিনা পনবদদি য়াম্না নুংঙাইতবা অদুবু য়াম্নদি মরু ওইবা হীরম অসিনা লৈবাক অসিগী নুপীমচাশিং অমসুং নুপীশিংগী হকশেল অমসুং য়াইফনা লৈবদা অকাইবা পীবদা নত্তনা এজুকেশন অমসুং পুল্লপকী চাউখৎ-থৌরাংদসু অকাইবা পী। মসিনা রাজ্য সরকারশীং, জিলাগী এদমিনিস্ত্রেশনশীং, ইঞ্জিনীয়রশিং অমসুং মরী লৈনবা দিপার্তমেন্তশিংগী তেক্নিকলে এক্সপর্তশিংগা লোইন-লোইননা স্কুল হেদ তীচরশিং অমসুং তীচরশিংনা করি তৌগদগে হায়বদু তাকই।

মসিগী অনৌবা খোংথাং অসি নুপীমচাশিং অমসুং নুপীশিংনা মখোয়গী থাগী খোংকাপ লাকপা মতমদা ইকাইবা নংবশিং অদু কোহনবদা মতেং পাংবগীদমক্তা মসিবু য়াম্না থাগৎখি।

তোইলেতশিং অসি স্বচ্ছ ভারত মিসন গ্রামীন, মহাত্মা গান্ধি নে্সনেল রুরল এমপ্লোইমেন্ত গেরেন্তী স্কীম, ১৫শুবা ফাইনান্স কমিসন অমসুং জি.পি.ফন্দশিংগী মরক্তা পুনশিন্নদুনা শাখিবনি। অরুবা খুঙ্গং অমগী মঙলান অদু মসিগী অখন্নবা অনৌবা খোংথাং অসিনা মঙফাওনহল্লে।

গদগতা, ফেসিলিতীশিং অসিবু নিংথিজনা শিজিন্নবা অমসুং মেন্তিনেন্স তৌনবা স্কুল দেবেলপমেন্ত অমসুং মোনিতরিং কমিতী (এস.দি.এম.সি.) মেম্বরশিং, ওজাশিং, অমসুং প্রোগ্রাম অসিদা য়াওরিবা জি.পি. মেম্বরশিং য়াওহন্দুনা স্কুলগী থাক্তা পাংথোকখি।

সেনিতরী পেদশিং শেম্নবগীদমক্তা এন.আর.এল.এম.সেল্ফ হেল্প গ্রুপশিংগী খুত্থাংদা খুঙ্গংশিং অসিদা নুপীশিংবু ত্রেন তৌনবগী থৌরাংসু লেরি। মরক অসিদা স্কুলগী মহৈরোইশিংগীদমক্তা এৱেয়রনেস প্রোগ্রামশিংসু পাংথোক্লি, ৱাল রাইতিং, ব্রোসরশিং, মীয়াম তিনবা মফমশিংদা পোস্তরশিং য়েন্থোক্তুনা অমসুং নপতুনা মসিগী পাউজেল অসি শন্দোকই। সেফ ওইবা সেনিতেশন অমসু হাইজিনগী পাউজেলশিং অসিসু সোসিয়েল মীদিয়া অমসুং দোক্যুমেন্তরিশিংগী খুত্থাংদা প্রোমোত তৌখি।

******