মুম্বাই, ২০২২গী এপ্রিল ১৭

ইনফোর্মেসন অমসুং ব্রোদকাস্তিং অমসুং য়ুথ এফিয়র্স অমসুং স্পোর্তকী কেন্দ্রগী মন্ত্রী শ্রী অনুরাগ থাকুরনা ঙসি মুম্বাইদা মাইনোরিতী এফিয়র্সকী কেন্দ্রগী মন্ত্রী মুক্তার আব্বাস নকবি য়াওনা ‘হুনর হাত’কী ৪০শুবা ইদিসন হৌদোকখ্রে।

‘স্বাদেশী’গী পোত্থোকশিং পুক্নিং থৌগৎনবা থাজনিংঙাই ওইবা প্লেতফোর্ম অমা ওইরিবা ‘হুনর হাত’কী ৪০শুবা ইদিসন অসি মুম্বাইগী বন্দ্রা-কুর্লা কমপ্লেক্সকী এম.এম.আর.দি.এ. গ্রাউন্দা ২০২২গী এপ্রিল ১৬তগী ২৭ ফাওবা পাংথোক্কদৌরি। 

থৌরম অসিদা ৱা ঙাংলদুনা, শ্রী থাকুরনা হায়খি “আত্মানির্ভর ভারত অসি হুনর হাতগুম্বা খোঙথাংশিংনা মপাঙ্গল কলহনবনি। হুনর হাতকী ৪০শুবা ইদিসন অসিদা, রাজ্যশিং ৩১দগী লাকপা আর্তিসানশিং অমসুং ক্রাফস্মেন লিশিং অমা হেনবনা স্তোল ৪০০ হাংলি”।

“ভারত্তা হৈ-শিংবগী অৱাৎপা লৈতে,” হায়না মহাক্না ক্রাইসিসকী পুংফম মনুংদা পি.এম.না আত্মা নির্ভর ভারতকীদমক কন্না হায়রিবা অসিদা মতৌ করম্না ভারতনা থবক ওইনা তৌরকখিবগে হায়বা নিংশিংলদুনা হায়খি। “ঐখোয়না পি.পি.ই. কিতশিং, মাস্কশিং অমসুং বেন্তিলেতর ফাওবা পুথোকপা হৌখি”।

মন্ত্রীনা পোত্থোক অমগীদমক জিলা খুদিংমক শকখঙলিবা ‘জিলা অমা পোত্থোক অমা”গী মরমদা ৱা ঙাংখি। মহাক্না হায়খি মসিগী খোঙথাং অসিনা মীয়াম্বু মখোয় মশাগী ওইনা ইনকম তানবা খক্তা নত্তনা, মফম অদুদা লৈরিবা অতৈ অতোপ্পশিংদা মালেম শিনবা থুংনা লায়চৎনা ইকোনোমীদা শোকহল্লবা মতমদা থবক্কী খুদোংচাবশিংসু পীখি।  

প্রধান মন্ত্রীনা স্কীল ইন্দিয়বু পুক্নিং থৌগৎনবগীদমক লৌখৎখিবা খোঙথাংশিং শ্রী থাকুরনা উৎখি। “স্কীল ত্রেনিংশিং অসি অদোম্না থবক তান্নবা নত্তনা, মদুগী মহুৎতা থবক পীনবগীদমক পীখিবনি”। মহাক্না পনখি মদুদি ঐখোয়গী চৎনবী অমসুং মহৈ তম্বগী মওং অসিনা থবক শুবগী লেমজনিংঙাইদা মিৎয়েং চংদে। “প্রধান মন্ত্রী শ্রী মোদীনা ‘দিগ্নিতী ওফ লেবর’দা মরুওইবা য়াম্না পীরি,” হায়না মহাক্না হায়খি।

শ্রী থাকুরনা ভারত সরকারনা হৌদোকখিবা স্কীলিং প্রোগ্রাম অমা ওইরিবা ‘তেজাস’কী মরমদা পাউদমখি। মসিগী ভারতনা লৌখৎপা খোঙথাংগী মখাদা ভারতনা য়ু.এ.ই.দা স্কীল ওইরবা মেনপাৱর থারগনি। “চহি অমগী মনুংদা, স্কীল ওইরবা থবক থিবা ৩০,০০০ য়ু.এ.ই.দা থারগনি,” হায়না মহাক্না পাউদমখি।  

মন্ত্রীনা অনিং-অপাম্বা ফোংদোকখি মদুদি মাইনোরিতী এফিয়র্সকী মন্ত্রালয়না য়ুনিভর্সিতীশিং, কোলেজশিং অমসুং স্কুলশিংগা লোয়ননা মহৈরোইশিংনা এক্সপো পাংথোকপা ঙম্নবা অমসুং মতৌ করম্না ‘ফত্ত-হৌদিদগী খ্বায়দগী ফবা’ পুথোকপা ঙমগদগে হায়বা উৎপা ঙম্নবা খুৎশ্নবা য়াই। মহাক্না মাইনোরিতী মন্ত্রালয়দা লৈবাক শিনবা থুংনা থৌরাং তৌরিবা তুংদা লাক্কদৌরিবা হুনর হাতকী ইদিসন্দা শোর্ত তর্ম স্কীল ত্রেনিং কোর্সশিং পাংথোকপা য়ানবসু কন্না তকশিনখি।

শ্রী থাকুরনা মেদিয়াপর্সনশিংদা ৪০শুবা হুনর হাতকী হাংলিবা স্তোলশিংদা মিৎয়েং থম্নবা হায়রিবা অসিনা মখোয়গী পাউ মীয়ামদা য়ৌনবা অমসুং মখোয়গী পোত্থোকশিং ময়েক শেংনা খঙননবা কন্না তকশিনখি। মহাক্না মুম্বাইগী কোর্পোরেৎ হাউসশিংদা মখোয়গী দিৱালীগী পোৎলম অমসুং কুমওনগী খুদোলপোৎশিং হুনর হাত্তগী লৌনবসু কন্না তকশিনখি। “দিৱালী লাক্কদৌবা থা ৫-৬ ৱাৎলি, অদুবু কোর্পোরেৎকী খুদোলপোৎকীদমক হৌজিকমক, মফম অসিমক্তদগী ওর্দর তৌবিয়ু” হায়না মহাক্না হায়খি।  
মাইনোরিতী এফিয়র্স মন্ত্রালয়গী খোঙথাং অমা ওইরিবা হুনর হাতকী মরমদা ৱা ঙাংলদুনা, কেন্দ্রগী মন্ত্রী মুক্তার আব্বাস নকবিনা হায়খি মদুদি মীওই অমনা মুম্বাইগী হুনর হাত্তা ‘এক ভারত শ্রেস্থা ভারত’ অমসুং ‘য়ুনিতী ইন দাইবর্সিতী’গী ইথিল উবা ফংগনি। “অদোম্না কশ্মিরদগী কন্যকুমারী ফাওবা অমসুং কুতচতগী কত্তক ফাওবগী লৈবাক্কী ওইবা কলচর অমসুং স্কীলগী মহাও ফংবা ঙমগনি,” হায়না মহাক্না হায়খি। মহাক্না মসিমসু পাউদমখি মদুদি হৌখিবা চহি মঙাদা আর্তিসানশিং অমসুং ক্রাফপর্সনশিং লাখ মাপল হেন্না হুনর হাতকী খুথাংদা থবক্কী খুদোংচাবা ফংদুনা কান্নবা ফংখ্রে।  

পার্লিয়ামেন্তগী মেম্বর অমসুং হান্নগী কেন্দ্রগী মন্ত্রী প্রকাশ জাবদেকরনা লৈবাক অসিগী নহারোলশিংদা লৈরিবা হৈশিংবা অমসুং মখোয়দা লৈরিবা থোইদোক হেন্দোকপা মখল কয়াগী হৈ-শিংবশিংগী মরমদা ৱা ঙাংখি। মহাক্না আর্তিসানশিংবু থোক্লক্তুনা লোকেলগী পোত্থোকশিংবু মালেমগী কৈথেলদা য়ৌবদা মতেং ওইনবগীদমক তেক্নোলোজী শিজিন্নবা পুক্নিং থৌগৎখি। মহাক্না লৈবাক্কী আর্তিসানশিংবু হেন্না চাউবা কৈথেল অমা থিবদা মতেং ওইগদবা জিওগ্রাফিকেল ইন্দিকেতরগী মরমদসু ৱা ঙাংখি। “পোত্থোক অমা জি.আই. ওইনা শকখঙলবা, মসিনা মালেমগী কৈথেল য়ৌনবগী খুদোংচাবা অমা ফংগনি,” হায়না মহাক্না হায়খি।

করিগীদমক হুনর হাত চৎকদৌরিবনো?

রাজ্যশিং/য়ু,তি.শিং ৩১দগী আর্তিসানশিং অমসুং ক্রাফসপর্সনশিং ১,০০০ অমা হেন্না হৌজিক চৎথরিবা ইদিসন অসিদা শরুক য়ারি, মখল কয়াগী পোৎলম অমসুং হৈ-শিংবশিং উৎলি: মহারাস্ত্রা, উত্তর প্রদেশ, রাজস্থান, দিল্লী, নগালেন্দ, মধ্য প্রদেশ, মনিপুর, বিহার, অন্ধ্র প্রদেশ, ঝরখন্দ, গোৱা, পঞ্জাব, উত্তরাখন্দ, হিমাচল প্রদেশ, লদাখ, কর্নাতকা, গুজরাত, হরিয়ানা, জম্মু অমসুং কশ্মির, ৱেস্ত বেঙ্গাল, ছত্তিসগর, তামিল নাদু, কেরলা অমসুং লৈবাক অসিগী অতৈ মফমশিংনা মুম্বাইগী ‘হুনর হাত’তা ইরমদমগী ওইবা পোত্থোকশিং উৎলি। চংবগী মমল লৌদ্রি।

ফত্ত-হৌদিদগী খ্বায়দগী ফবা পুথোকপা: “ভোকেল ফোর লোকেল” অমসুং “বেস্ত ফ্রোম ৱেস্ত”কী থীমদা, শিজিন্নদ্রবা অমসুং লংথোক্লবা পোৎলমশিংদগী শেম্বা নিংথিরবা পোত্থোকশিং হায়বদি প্লাস্তিক, চে, প্লাই, উ, গ্লাস, সেরামিক, জুত, লশিং অমসুং শাম্তুগুম্বা, লোয়ন-লোয়ননা লফু মউ, চু মকু, চরু, ৱাই, রব্বর, য়োৎ, শেঞ্জেংগুম্বা উৎকনি।       

বিশ্বকর্ম ভতিকা

“বিশ্বকর্ম ভতিকা”দা, হুনর হাত্তা য়াম্না মরুওইনা পুক্নিং চিংশিনবা অমা ওইনা, মতৌ করম্না নাৎকী ওইবা ইরমদমগী পোত্থোকশিং পুথোকপগে হায়বা আর্তিসানশিংনা লাইব ওইনা উৎকনি। 

‘মেরা গাও মেরা দেশ’ চান-থক্নবগী কোর্ত

‘মেরা গাও মেরা দেশ’ চান-থক্নবগী কোর্তকী মরী লৈনবা অমা লিংখৎলি। ভারতকী রাজ্য কয়া শিনবা থুংবদগী নাৎকী ওইবা চান-থক্নবা মহাও তংবা ফংগনি। হাত অসিদা চান-থক্নবগী স্তোল ৬০ হেন্না হাংলি।

শক্নাইরবা আর্তিস্তশিংনা নুমিৎ খুদিংগী নুমিদাংগী পুং ৬তগী ১০ ফাওবা ইশৈ-নোংমাই অমসুং কলচরেল প্রোগ্রামশিং পাংথোক্কনি।

‘হুনর হাত’তা নুমিৎ ১২নি লাকপা মীওইশিংনা শক্নাইরবা আর্তিস্তশিং হায়বদি অন্নু কপুর, পঙ্কাজ উধাস, সুদেশ ভোস্লে, সুরেশ ৱাদকর, সধনা সর্গম, অমিত কুমার, শৈলেন্দ্র সিংহ, শব্বির কুমার, মহালক্সমী আইয়র, ভুমী ত্রিবেদী, কবিতা পদৱাল, দেলর মহেন্দি, অলতাফ রাজা, রেখা রাজ, উপসনা সিংহ (কোমেদী আর্তিস্ত), ইহসান ক্যুরেসী (কোমেদী আর্তিস্ত), ভুপিন্দর সিংহ ভুপ্পি, রানি ইন্দ্রানি, মোহিৎ খানা, প্রিয়া মলিক, জোল্লী মুখর্জী, প্রিয়ানা মাইত্রা, বিবেক মিশ্রা, দিপক রাজা (কোমেদী আর্তিস্ত), অদিতি খান্দেগল, অনকিতা পথক, সিধান্ত ভোস্লে, রাহুল জোশী, সুপ্রিয়া জোশী, ভুমিকা মালিক, প্রেমা ভতিয়া, পোশ জেম্স অমসুং অতৈশিংনা ইশৈ-নোংমাই অমসুং কলচরেল প্রোগ্রামশিং পাংথোক্কনি।

এপ্রিল ২৬তা লেজর লাইত শো অমা শিনগনি অমসুং লাক্লিবশিংনা “অন্তাকশরি”গী নুঙাইবসু অন্নু কপুরগা লোয়ননা ফংগনি।

‘হুনর হাত’ অসি ভর্চুএল প্লেতফোর্ম https://hunarhaat.org/ and https://gem.gov.in/দসু ফংবিগনি। লৈবাক অসিগী অমদি মপাল লমগী মীওইশিংনা ওনলাইন্দা পোৎলমশিং লৈবা য়াগনি।

***