نیتی آیوگ نے ​​11 اپریل 2022 کو نیتی آیوگ کے وائس چیئرمین ڈاکٹر راجیو کمار کی صدارت میں منعقدہ ایک تقریب میں ریاستی توانائی اور آب و ہوا کا اشاریہ راؤنڈ1 کا آغاز کیا ہے۔ اس موقع پر ڈاکٹر وی کے سرسوت، رکن، نیتی آیوگ، شری امیتابھ کانت، سی ای او، نیتی آیوگ، شری آلوک کمار، سکریٹری، وزارت بجلی اور ایڈیشنل سکریٹری (توانائی)، نیتی آیوگ بھی موجود تھے۔

ایڈیشنل سکریٹری ڈاکٹر راکیش سروال نے رپورٹ کے اہم نتائج پیش کئے۔ اسٹیٹ انرجی اینڈ کلائمیٹ انڈیکس (ایس ای سی آئی ) راؤنڈ I ریاستوں کی کارکردگی کو 6 پیرامیٹرز پر درجہ بندی کرتا ہے، یعنی (1) DISCOM کی کارکردگی (2) توانائی کی  قابل برداشت اور قابل اعتماد رسائی، (3) صاف توانائی کے اقدامات (4) توانائی کی کارکردگی یا حدِ اہليت (5) ) ماحولیاتی پائیداری؛ اور (6) نئے اقدامات۔ پیرامیٹرز کو مزید 27 اشارے میں تقسیم کیا گیا ہے۔ جامع  ایس ای سی آئی  راؤنڈ I کے اسکور کی بنیاد پر، ریاستوں اور UTs کو تین گروپوں میں تقسیم کیا گیا ہے: فرنٹ رنرز، اچیورز، اور خواہشمند۔

ریاستوں کو سائز اور جغرافیائی فرق کی بنیاد پر بڑی ریاستوں، چھوٹی ریاستوں اور UTs کے طور پر درجہ بندی کیا گیا ہے۔ گجرات، کیرالہ اور پنجاب کو بڑی ریاستوں کے زمرے میں ٹاپ تھری پرفارمرز کے طور پر درجہ دیا گیا ہے۔ گوا، چھوٹی ریاستوں کے زمرے میں سب سے زیادہ کارکردگی دکھانے والی ریاست کے طور پر ابھرا ہے، اس کے بعد تریپورہ، اور منی پورہیں۔ UTs میں، چنڈی گڑھ، دہلی، اور دمن اور دیو/دادرا اور نگر حویلی سرفہرست ہیں۔ تفصیلی ریاستی پروفائلز اور سکور کارڈز کو رپورٹ میں شامل کیا گیا ہے جو مختلف پیرامیٹرز پر ہر ریاست اور مرکز کے زیر انتظام علاقے  کی ایک جامع تصویر فراہم کرتا ہے۔

اس موقع پر خطاب کرتے ہوئے، نیتی آیوگ کے وائس چیئرمین ڈاکٹر راجیو کمار نے کہا کہ COP-26، گلاسگو میں عزت مآب وزیر اعظم کے اعلان کردہ 'پنچ امرت' اہداف کو حاصل کرنے کے لیے ہماری کوششوں کو عوامی تحریک میں تبدیل کرنے کی ضرورت ہے۔  ایسا کرنے کے لیے ریاستوں کا کردار اہم ہونے جا رہا ہے۔ ریاستوں کی طرف سے گورننس کی اختراعات اور باہمی سیکھنے سے نتائج کو بہتر بنانے میں بہت مدد ملے گی اور  ایس ای سی آئی  راؤنڈ I اس سمت میں صحیح قدم ہے۔

ڈاکٹر وی کے سرسوت، رکن، نیتی آیوگ، نے کہا کہ مرکز اور ریاستوں کے درمیان ہم آہنگی اور شراکت داری توانائی اور آب و ہوا سے متعلق اہداف کو حاصل کرنے اور ملک کو توانائی کے شعبے میں خود کفیل بنانے کے لیے اہم ہوگی۔ انہوں نے کہا کہ اسٹیک ہولڈرز کے ساتھ وسیع بات چیت کے بعد اس رپورٹ میں ریاستوں کی کارکردگی کو ٹریک کرنے اور درجہ بندی کرنے کے لیے کئی کلیدی پیرامیٹرز کی نشاندہی کی گئی ہے۔

نیتی آیوگ کے سی ای او جناب امیتابھ کانت نے کہا کہ آب و ہوا کے حوصلہ افز اہداف کو حاصل کرنے کے لیے سرمایہ کاری کی حوصلہ افزائی کے لیے سازگار پالیسی ماحول کی ضرورت ہوگی۔ انہوں نے یہ بھی تبصرہ کیا کہ ریاستی توانائی اور موسمیاتی انڈیکس راؤنڈ-I ریاستوں کے ساتھ توانائی کے شعبے پر بات چیت شروع کرنے میں مدد کرے گا تاکہ پالیسی میں مطلوبہ بہتری لائی جاسکے۔

سکریٹری پاور نے ریاستی توانائی اور آب و ہوا کے اشاریہ کے ساتھ سامنے آنے کے لئے نیتی آیوگ کی طرف سے اٹھائے گئے کام کی تعریف کی۔ انہوں نے زور دیا کہ صاف توانائی کی منتقلی ناگزیر ہے۔ DISCOM کا کردار سب سے اہم ہے اور ان کی عملداری اہم ہے۔ انہوں نے نشاندہی کی کہ ایک ہی وقت میں ریگولیٹری اثاثوں کو ختم کرنے کی ضرورت ہے جو DISCOMs کو ناقابل عمل بنا رہا ہے۔

ایس ای سی آئی کے تحت ریاستوں/ مرکز کے زیر انتظام علاقوں کی تفصیلی درجہ بندی مندرجہ ذیل جدولوں میں دی گئی ہے۔

شکل 1

شکل 2

شکل 3

*****

ش ح۔ش ت۔ س ا

U.No:4138