হকশেল অমসুং য়াইফ-য়ুম্বাল মন্ত্রালয়
azadi ka amrit mahotsav

ইকায় খুম্ননীংঙাই ওইরবা সুপ্রীম কোর্তনা কোবিদ-১৯ নাদুনা লৈখিদবা ইমুংশিংদা এক্স প্রেসিয়া পীবগী ক্লেম ফাইল তৌবগী মতম লেপখ্রে

Posted On: 11 APR 2022 11:26AM by PIB Imphal

ইকায় খুম্ননীংঙাই ওইরবা সুপ্রীম কোর্তনা মার্চ ২৪, ২০২২দা থোকখিবা ওর্দর, রিত পেতিসন (সি.) নম্বর. ইং ২০২১গী ৫৩৯গী মিসসেলানিয়স এপ্লিকেসন নম্বর. ইং ২০২১গী ১৮০৫দা নেস্নেল দিজাজতর মেনেজমেন্ত ওথোরিতীনা লাউথোকখিবগুম্না কোবিদ-১৯ নাদুনা লৈখিদবা মীওইগী ইমুং মনুংদা এক্স গ্রেসিয়াগী তেংবাং পীবগী বেনিফিশরীশিংনা ক্লেম তৌবগী মতম মখাদা পীরিবা অসিগুম্বা লেপখ্রে।

ইকায় খুম্ননীংঙাই ওইরবা কোর্তনা থোকখিবা মরু ওইবা ৱাফমশিং -

করিগুম্বা কোবিদ-১৯দগী শিখিবা অসি মার্চ ২০, ২০২২গী মমাংদা ওইরগদি, কম্পেন্সেসন লৌবগী ক্লেম থাংগৎপা অসি মার্চ ২৪, ২০২২দগী হৌরগা নুমিৎ ৬০নিগী মনুংদা ওইগদবনি।

মতুং তারকপা মতমশিংদা লৈতবগী ওইনদি, কোবিদ-১৯দগী শিবা নুমিৎকী মনুংদগী নুমিৎ ৯০নিগী মনুংদা কম্পেন্সেসন ক্লেম ফাইল তৌবা য়াগনি।

ক্লেম প্রোসেস তৌবা অমসুং ক্লেম ফংবা নুমিত্তগী নুমিৎ ৩০নিগী মনুংদা কম্পেন্সেসন পীথোকপগী মমাংদা থোকখিবা ওর্দরশিং অদুমক চৎনখিগনি।

ক্লেম তৌরিবা মীওই অদুনা করিগুম্না শাথীবা অৱাবা তাবদগী অপীবা মতমগী মনুংদা ক্লেমগী এপ্লিকেসন পীবা ঙমহৌদবা ওইরগদি, মহাক্না গ্রাইভেন্স রিদ্রেসেল কম্মিতীদা চত্তুনা কম্মিতীগী খুত্থাংদা ক্লেম পীশিনবা য়াগনি হায়না ইকায় খুম্ননীংঙাই ওইরবা কোর্তনা হায়খ্রে। কম্মিতী অসিনা কেস অমমম ওইনা য়েংশিনগনি অমসুং করিগুম্বা ক্লেম তৌরক্লিবা অখন্নবা মীওই অমনা মহাক্কী মতিক্কী ৱাংমদা লৈবা থৌদোক থোকপনা মরম ওইরগা মতম চানা ক্লেম তৌবা ঙমহৌদ্রে খঙলবদি, কম্মিতী অসিনা মহাক্কী ক্লেম্বু অচুম অরানগী মখা পোন্না খন্নগনি।

মসিদা নত্তনা, অরান ক্লেম তৌরকপশিং মাইয়োক্ননবগীদমক্তা, ক্লেম এপ্লিকেসনগী ৫%গী চাংদি রেন্দম ওইনা স্ক্রুতিনী তৌনবা ইকায় খুম্নরবা কোর্তনা খঙহনখ্রে। মীওই অমনা অরানবা ক্লেম তৌরক্লে হায়বা খঙবা য়াওরবদি, মীওই অদুবু দি.এম. এক্ত ২০০৫গী সেক্সন ৫২গী মখাদা খন্নদুনা চুনবা চৈরাক পীবা য়াই।

****



(Release ID: 1815582) Visitor Counter : 89