চহি ১৮ মথক্কী মীওইশিংগী কোবিদ ভেক্সিনগী প্রিকোসন দোজ লনাই ভেক্সিনেসন সেন্তরশিংদা ফংহন্নবা ফীরেপ লৌরে‍। চহি ১৮ মথক্কী মীওইশিংনা প্রিকোসন দোজ কাপ্পগী থবক লনাই ভেক্সিনেসন সেন্তরশিংদা এপ্রিল ১০ (নোংমাইজিং), ২০২২দগী হৌরগনি‍। চহি ১৮গী মথক্তা লৈবা অমদি অনিসুবা ভেক্সিন কাপখিবা থা ৯ মপুং ফারবা মীওই পুম্নমক্না প্রিকোসন দোজ কাপ্পা য়ারগনি‍। হায়রিবা খুদোংচাবা অসি লনাই ভেক্সিনেসন সেন্তর পুম্নমক্তা ফংগনি‍।

হৌজিক ফাওবদা লৈবাকসিগী চহি ১৫ মথক্কী মীওইগী চাউরাক্না ৯৬%দি য়ামদ্রবদা কোবিদ-১৯ ভেক্সিনগী দোজ অমা কাপথোকখ্রে অদুগা চহি ১৫ মথক্কী মীওইশিংগী চাউরাক্না ৮৩%না দোজ অনিমক কাপখ্রে‍। হেল্থকেয়র ৱর্কর, ফ্রন্তলাইন ৱর্কর অমসুং চহি ৬০ মথক্কী মীওইশিংদা প্রিকোসন দোজ করোর ২.৪ হেন্না কাপখ্রে‍। চহি ১২দগী ১৪ ফাওবগী মনুংদা লৈবা মীওইশিংগী ৪৫%না অহানবা দোজ কাপথোকখ্রে‍। লৈঙাক্কী ভেক্সিনেসন সেন্তরশিংগী খুত্থাঙদা হেল্থকেয়র ৱর্কর, ফ্রন্তলাইন ৱর্কর অমসুং চহি ৬০ মথক্কী মীওইশিংগী অহানবা অমদি অনিসুবা দোজ লোয়ননা প্রিকোসন দোজকী হৌজিক চত্থরিবা লেম্না তিকা থাবগী থবক মখা চত্থখিগনি অমদি হেন্না খোঙজেল য়াঙশিনহল্লগনি‍।

****