পোর্তস, শিপ্পিং অমসুং ৱাতরৱেজকী কেন্দ্রগী মন্ত্রী শ্রী সর্বানন্দ সোনোৱালনা কোবিদকী ৱারবা মতমদা লৈবাক অসিবু আত্মনির্ভর ওইহন্নবা অমসুং গ্লোবেল সপ্লাই চেন চত্থদুনা থম্নবা হোৎনবদা হীরোইশিংনা মরু ওইবা থৌদাং লৌখি হায়না ফোঙদোকখ্রে।

মেরিতাইম ফ্রেতর্নিতীগী স্তেকহোল্দর পুম্নমকপু ৫৯শুবা নেস্নেল মেরিতাইম দে পালন তৌবগী থৌরমদা থাগৎপা ফোঙদোক্লদুনা ঐখোয়গী ভারতকী হীরোইশিংনা অচৌবা শীংনবশিং লৈজরবসু থৌনা ফনা ভারতকী ফিরাল অসি মালেম শিনবা থুংনা ৱাংনা পাইহনবা ঙমখি হায়না মহাক্না ফোঙদোকখ্রে। মহাক্না ভারতকী হীরোইশিংনা গ্লোবেল সপ্লাই চেন চত্থদুনা থম্বদা লৌরিবা থৌদাং অসি কোবিদ-১৯ লাইচৎনা খমথেংনা অৱাবা পীরিঙৈ মনুংদা ২০২১দা ভারতকী হীরোই ২,১০,০০০ হেনবনা ভারত অমসুং মীরমগী জহাজশিংদা থবক তৌখিবা অসিনা তাকখি হায়না ফোঙদোকখ্রে।

মসিনা ভারত অমসুং মালেমগী ললোন-ইতিক্কী থবক-থৌরমশিংদা অপনবা পীদনবা হোৎনখি হায়না মহাক্না ফোঙদোকখি। শ্রী সোনোৱালনা ঐখোয়গী হীরোইশিংনা লাইচৎকী মতমশিংদসু মালেম শিনবা থুংনা থবক তৌখিবা অসিগা লোয়ননা ঐখোয়না ভারতকী মমল য়াম্লবা বসুদৈবা কুতুম্বকম নত্ত্রগা মালেম পুম্বা অসি ইমুং অমত্তনি হায়বগী ৱাখল্লোন অসি খুদম ওইনা উৎখি হায়না ফোঙদোকখ্রে।

শ্রী সোনোৱালনা প্রধান মন্ত্রীনা ভারতনা ২০৭০ ফাওবদা নেৎ জিরোগী পান্দমশিং য়ৌবা ঙমগনি হায়না লাউথোকখি হায়না ফোঙদোকখ্রে। মসিগী মতুং ইন্না চহি অসিগী নেস্নেল মেরিতাইম দেগী থিম অসি চুন্না ‘প্রোপেলিং ইন্দিয়ন মেরিতাইম ইন্দস্ত্রী তু নেৎ জিরো’ ওইহনখি। মহাক্না মেরিতাইম ইন্দস্ত্রী অসিদা ভারতনা মতম চুপ্পদা অকোইবগী ফীভম ঙাকশেনবগী মতাংদা, গ্লোবেল সল্ফর কেপ নত্ত্রগা আই.এম.ও. গ্রীনহাউজ গ্যাস ইমিসন রিগ্যুলেসনশিং দোমেস্তিক শিপশিংদা ইমপ্লিমেন্ত তৌবা নত্ত্রগা ২০৭০ ফাওবদা নেৎ জিরো য়ৌনবা য়ু.এন.এফ.সি.সি.গী কনফরেন্স ওফ পার্তীশিংদা ৱাশকখিবা ওইরবসু মসিদা লুচিংদুনা লাকখি হায়না ফোঙদোকখ্রে।

প্রধান মন্ত্রীগী মঙলান অসি থুংহন্নবা হোৎনবা অমসুং মেরিতাইম ইন্দিয়া বিজন, ২০৩০ ঙাক্না চৎতুনা ভারতনা লাক্কদৌরিবা চহিশিংদা মেরিতাইম সেক্তরগী খত্থাংদা মাংজিল থাবা ঙম্লগনি হায়না মহাক্না ফোঙদোকখ্রে।

মন্ত্রীনা ২০১৬তগী ২০১৯ ফাওবগী মনুংদা মালেমগী শিপ্পিংদা ভারতকী হীরোইশিংগী শিয়র অসি ২৫% হেনগৎলকখিবগী মতাংদা শন্দোক্না হায়খি।

ভারতকী ক্রুজ ইন্দস্ত্রী অসি হৌখিবা চহি ৩দা সরকারনা খোঙথাং কয়া লৌখৎখিবনা মরম ওইরগা চাউনা খুমাং চাউশিল্লক্লি হায়না মহাক্না ফোঙদোকখ্রে। মথংগী দিকেদতা ভারতকী ক্রুজ মার্জেৎ অসিবু দিমান্দ অমসুং দিস্পোসেবল ইনকমশিংনা শাহৌ পীদুনা শরুক ৮ হেনগৎহনবা ঙমগনি, হায়না মহাক্না মখা তাখি।

শ্রী সনোৱালনা মেরিতাইম কম্ম্যুনিতীনা চাউনা শরুক তমখিবা অদুবু থাগৎপা ফোঙদোকখি অমসুং সরকারনা লোজিস্তিক্স কোস্তশিং হন্থহন্নবা অমসুং শিপ্পিং খুদোংচাহন্নবা ‘ইজ ওফ দুইং বিজিনেস’ প্রমোৎ তৌরি অমসুং ভারতকী মেরিতাইম সেক্তনা মালেমগী মাং থাবা ঙম্নবা মাইকৈদা থবক পাইখৎলি হায়না পাউদমখি।

ঙসিগী থৌরম অসি রাজ্য মন্ত্রী শ্রী শান্তনু থাকুরনা অয়ুক্তা সফদরজং তোম্বদা ৱাকাথোন অমা লমথদুনা হৌদোকখি। থৌরম অসিদা মন্ত্রালয়গী মকোক থোংবা ওফিসিএলশিং, দি.জি. শিপ্পিং, পোর্ত ওফিসিএলশিং অমসুং এন.সি.আর. এম.তি.আই.দা লৈবা মেরতাইম ইন্সতিত্যুতশিংদগী ত্রেনী কেদেৎ ৬০০, তীচিং ফেকলতীশিং লোয়ননা এন.সি.আর. রিজনদগী মর্চেন নেভী ওফিসরশিংসু শরুক য়াখি।

নেস্নেল মেরিতাইম দে সেলেব্রেসন অসি অখন্না মরু ওইখিবগী মরমদি চপ চানা চহি ১০৩গী মমাংদা এপ্রিল ৫, ১৯১৯দা পুৱারী অমা শেমখি, এস.এস. লোয়েল্তৌ, ভারতকী ফিরাল য়াওবা অহানবা জহাজ অসিনা মুম্বাইদগী লন্দনদা চৎখি।

*****