কর্তেন রাইজর

প্রধান মন্ত্রী শ্রী নরেন্দ্র মোদীনা ২০২২গী এপ্রীল ১দা পরিক্স পে চর্চাগী ৫শুবা ইদিসনগী মতমদা মালেম পুম্বদা লৈরিবা মহৈরোইশিং, ওজাশিং অমদি মমা-মপা ওইবশিংগা উনদুনা ৱারি শানগনি৷ প্রোগ্রামগী শরুক ওইনা, প্রধান মন্ত্রীনা অয়ুক্কী পুং ১০দগী হৌরগা ন্যু দিল্লীদা লৈরিবা তলকাতোরা স্তেদিয়মদা তাউন হোল ইন্তরেক্তিব ফোর্মেত অমদা ক্লাস ৯দগী ১২ ফাওবগী স্কুল মহৈরোইশিং, মখোয়গী মমা-মপাশিং অমদি ওজাশিংগা উনদুনা ৱারি শানগনি৷

লৈবাক অসিনা কোবিদ-১৯ লাইনা-লাইচৎতগী থোক্লক্লিবা অমদি একজামশিংনা হান্নগী মতৌগুম ওফলাইন মোদতা হঞ্জিল্লকপা মতম অসিদা প্রোগ্রাম অসিগী মঙাশুবা ইদিসন অসিনা অখন্ননা মরু ওইবা থৌদাং লৌরি৷ থীম কয়া অমদা ওনলাইন ক্রেতিব রাইতিং কম্পিতিসন অমা তৌদুনা প্রধান মন্ত্রীদা ৱাহংশিং হংগদৌরিবা মহৈরোইশিং, ওজাশিং অমদি মমা-মপা ওইবশিংগী ওইবা মমিং থোকখ্রে৷ কম্পিতিসন অদু মাইগোভ প্লেতফোর্মগী খুৎথাংদা ২০২১গী দিসেম্বর ২৮দগী ২০২২গী ফেব্রুৱারী ৩ ফাওবা শিনখি৷

চহি অসিগী ওইনা পরিক্সা পে চর্চা ক্রেতিব রাইতিং কম্পিতিসনদা পার্তিসিপেন্ত লাখ ১৫.৭না রেজিস্তর তৌরকখ্রে, মসিদা মহৈরোঅ লাখ ১২.১ হেন্না, ওজা লাখ ২.৭ অমসুং মমা-মপা ওইবশিং লিশিং ৯০ হেন্না য়াওরি৷

থৌরম অসি মহৈ-মশিং মন্ত্রালয়গী স্কুল এজুকেসন অমসুং লিতরেসী দিপার্তমেন্তনা হৌখিবা চহি মরিগী ওইনদি মাই পাক্না শিনখ্রে৷ পি.পি.সি.গী অহানবা ইদিসন অহুম অদু ন্যু দিল্লীদা তাউন-হোল ফোর্মেত অমদা পাংথোকখি৷ প্রধান মন্ত্রী উনবগী প্রোগ্রামগী অহানবা ইদিসন "পরিক্সা পে চর্চা ১.০" ২০১৮গী ফেব্রুৱারী ১৬তা পাংথোকখি৷ স্কুলশিং অমদি কোলেজ মহৈরোইশিং য়াওনা হায়রিবা ইন্তরেক্সন প্রোগ্রাম অদুগী অনিশুবা ইদিসন "পরিক্সা পে চর্চা ২.০”না ২০১৯গী জনুৱারী ২৯দা পাংথোকখি অমদি অহুমশুবা ইদিসননা ২০২০গী জনুৱারী ২০দা পাংথোকখি৷ কোবিদ-১৯ লাইনা-লাইচৎনা মরম ওইদুনা, মরিশুবা ইদিসন অদু ২০২১গী এপ্রীল ৭তা ওনলাইনদা পাংথোকখি৷

থৌরম অসি দূর্দশন (দি.দি. নেসনেল, দি.দি. ন্যুস, দি.দি. ইন্দিয়া), রেদিও চেনেলশিং, তি.ভি. চেনেলশিং, নরেন্দ্রমোদী, ইদুমিন ওফ ইন্দিয়াগী য়ুত্যুব চেনেলশিং য়াওনা দিজিতেল মেদিয়া, পি.এম.ও.ইন্দিয়া, পি.আই.বি.ইন্দিয়া, দূর্দশন নেসনেল, মাইগোভ ইন্দিয়া, দি.দি. ন্যুস, রাজ্য সভা তি.ভি., স্বয়াম প্রভদা লাইব তেলিকাস্ত তৌরগনি৷

******