নহারোল অমসুং শান্ন-খোৎনবগী মন্ত্রালয়
নেহরু য়ুব কেন্দ্র সঙ্গথন্না “ত্রিব্যুৎ তু রিভোলুস্নরিজ” হায়বা হীরমদা দিস্ত্রিক্ত ৬২৩দা সহীদ দিবস পাঙথোক্কদৌরি
এন.ৱাই.কে.এস.কা মরী লৈনবা নহা ভোলুন্তিয়রশিংনা স্তেত ৮ অমসুং য়ু.তি. ২গী মফম ১৪দা পাঙথোক্কদৌরিবা অখন্নবা থৌরমশিংদা শরুক য়াগনি
Posted On:
22 MAR 2022 12:26PM by PIB Imphal
অজাদি কা অমৃত মহোৎসবকী শরুক অমা ওইনা, নেহরু য়ুব কেন্দ্র সঙ্গথন্না (এন.ৱাই.কে.এস.) মার্চ ২৩, ২০২২দা লৈবাক শিনবা থউংনা দিস্ত্রিক্ত ৬২৩দা মশিং য়াম্লবা নহা ভোলুন্তিয়রশিং অমসুং এন.ৱাই.কে.শিংদা এফিলিএত তৌবা য়ুথ ক্লবশিংগী মেম্বরশিং শরুক য়াদুনা সহীদ দিবস পাঙথোক্কদৌরি।
নীংশিংবা য়াই মদুদি, মার্চ ২৩, ১৯৩১দা ভগৎ সিংহ, রাজগুরু অমসুং সুখদেব থৌরী য়ান্দুনা হাৎখি। মথৌনা ফরবা নহা নীংতম লান্মীশিংদুগী অমদি ঐখোয়গী লৈবাক্কী মথৌনা লৈরবা মচাশিংগী কত্থোকপবু নীংশিংবগা লোয়ননা ভারতনা চহি খুদিংগী মার্চ ২৩বু সহীদ দিবস হায়না পাঙথোক্লি।
থৌরমসিগা মপা চাননা, চহি অসিদা অজাদি কা অমৃত মহোৎসবকী শরুক অমা ওইনা এন.ৱাই.কে.এস.না ‘ত্রিব্যুৎ তু রিভোলুস্নরিজ’ হায়বা হীরমসিদা মীৎয়েঙ থমদুনা সহীদ দিবস পাঙথোক্কদৌরি। হীরম অসিগী য়েংলগা, সহীদ দিবস ২০২২সিদা, নেহরু য়ুব কেন্দ্র সঙ্গথন্না নীংতম লান্মীশিংনা লৌরমবা থৌদাংশিংবু লৈবাক শিনবা থুংনা এন.ৱাই.কে. দিস্ত্রিক্ত ৬২৩দা নীংশিংদুনা থৌরম পাঙথোক্কনি।
থৌরম অসিনা হায়রিবা নীংতম লান্মীশিং অসিগী পুন্সি, থবক অমসুং ৱাখল্লোনশিং নীংশিংদুনা নহা ওইরিবা মীরোলদা থাগৎপা, চাউথোকচবা, ইকায় খুম্নবা অমসুং থৌদাংগী ৱাখল্লোন পোকহন্নবা পান্দম থম্লি। মখোয়গী ৱারীশিংনা নহাশিংদা মরৈবাক নীংবগী ইথিল পোকহন্দুনা মখোয়বু লৈবাক শেমগৎ-শাগৎপগী থবক থৌরমশিংদা হেন্না শরুক য়াহন্নবগীদমক পুক্নিং থৌগৎকনি।
ভারতকী নীংতম লালহৌগী অথৌবা লান্মীশিংবু ইকায়খুম্নদুনা পাঙথোক্কদৌরিবা থৌরমসিদা দিস্ত্রিক্ত এন.ৱাই.কে.শিংগী মরুওইবা থবক থৌরমশিংদি ফোতোদা লৈ হুকপা, মৈরা চুখৎপা, ভগৎ সিংহ, রাজগুরু অমসুং সুখদেবকী পুন্সিগী মরমদা সেমিনার/ৱারোল পাথোকপা, ৱাশক লৌবা, শান্ন-খোৎনবগী থৌরমশিং, স্কিৎ, স্পোৎ কুইজ, পোৎলম চৈরমশিং য়েন্থোকবা, প্লোগ রন, লৌশিং হিদান্নবা অসিনচিংবনি।
মসিগী মথক্তা, অথৌবশিংগী মফমদা শ্রদ্ধাঞ্জলি কৎকনি অদুগা অমরোমদা মহৈশঙশিং, এন.এস.এস., এন.সি.সি. অমসুং ভারত স্কাউত এন্দ গাইদনচিংবা অতৈ য়ুথ ওর্গনাইজেসনশিংদা লৈরিবা নহাশিংগী পুক্নিংদা মরৈবাক নীংবগী ইথিল পোকহনগনি। এন.ৱাই.কে.এস.না তোঙান তোঙানবা থৌরমশিংদা নীংতম লান্মী, একাদমিক্সিয়ন, আর্তিস্ত, মমীং লৈবা মীওইশিং, স্তেত/দিস্ত্রক্ত এদমিনিস্ত্রেসনশিংসু কোনশিনগনি। এন.ৱাই.কে.এস.তা য়াওরিবা নহা ভোলুন্তিয়রশিংনা কলচর মন্ত্রালয়না স্তেত ৮ অমসুং য়ু.তি. ২গী মফম ১৪দা পাঙথোক্কদৌরিবা ভারতকী নীংতম লালহৌগা মরী লৈনবা অখন্নবা থৌরমশিংদা শরুক য়াগনি।
*******
(Release ID: 1808117)
Visitor Counter : 160