লমদম অসিদা ফংবা জিয়োগ্রাফিকেল ইন্দিকেশন (জি.আই.) তেগ তৌরবা লৌউ-শিংউগী পোত্থোকশিংগী এক্সপোর্ত তৌবা অসিবু য়োকখৎনবা, কেন্দ্রনআ অনৌবা পোত্থোকশিং অমসুং অনৌবা এক্সপোর্ত তৌগদবা মমফশিং খঙদোক্নবা কন্না হোৎনরি।

দার্জীলিংগী চা অমসুং বাস্মতি রাইস অসি ভারতকী ময়াম্না পাম্নবা জি.আই. তেগ তৌরবা লৌউ-শিংউগী পোত্থোক অনি অশিগী ওইনা মালেম শিনবা থুংনা রেদী মার্কেতশিং লৈ। তৌ্ইগুম্বশুং লৈবাক অসিগী মফম কয়াদা মমিং লৈরবা জি.আই. তেগ তৌরবা পোত্থোকশিং কয়া অমা লৈ অদুবু কস্তমরশিং লৈতে অমসুং পোতেন্সিয়েল বায়রশিংদা খরা হেন্না য়ৌহন্নবা নিংথিনা মার্কেত্তা পুথোকপগী তঙাইফদে।

ইকাইখুম্নরবা প্রধান মন্ত্রীগী ‘ভোকল ফোর লোকল’ অমসুং ‘আত্মানির্ভর ভারত’ অসিগী মতুং ইন্না, কেন্দ্রনা এগ্রিকলচরেল এন্দ প্রোসেসদ ফুদ এক্সপোর্ত দেবেলপমেন্ত ওথোরিতী (এ.পি.ই.দি.এ.)গী খুত্থাংদা কালা নমক, চেং, নাগা মির্চা, অসাম কাজি নেমু, বেঙ্গলোর রোস ওনিয়ন,  নাগপুর কোম্লা, হৈনৌগী  জি.আই. ভেরাইতীশিং, জি.আই. তেগ তৌরবা শাহি লিৎচি, ভালিয়া গেহু, মদুরাই মল্লি, বর্ধমান মিহিদানা অমসুং সিতাভোগ, দহানু ঘোলভাদ সাপোতা, জলগাওন লফোই, ভাঝাকুলম কিহোম, মরায়ুর জেগরী অসিনচিংবা পোথোকশিং অসিগীদমক্তা মালেম পাকশন্না অনৌবা মার্কেতশিংদা ত্রায়েল শিপমেন্তশিং থাবদা মতেং পাংলি।

২০২১দা জি.আই. পোত্থোকশিংগী য়াম্লবা শিপমেন্তশিং খুদম ওইনা নাগালেন্দদগী নাগা মির্চা (কিং চিল্লি) য়ু.কে.দা, য়ুনাইতেদ কিংদমদা মনিপুংর অমসুং আসামদগী ব্লেক রাইস,  য়ুনাইতেদ কিংদম অমসুং ইতলীদা অসাম লেমন, বাহরেন অমসুং কতারদা ৱেস্ত বেঙ্গলদগী হৈনৌগী জি.আই. ভেরাইতী অহুম (ফাজলি, খির্সাপতি, অমসুং লক্সমন ভোগ) অমসুং বিহারদগী হৈনৌগী জি.আই. ভেরাইতী (জার্দালু) থাখি। ৱেস্ত বেঙ্গলগী সাউথ ২৪ পর্গানা জিলাদগী স্বীতমীত দেলিকেসী, জোয়নাগর মোআগী চাউরাক্না কে.জি. ৩০গী সেম্পল শিপমেন্ত অমা কোলকাতাদগী বাহরেনদা থাখি।  

সেম্পল শিপমেন্ত অসিগী মতুংদগীদি মখাতানা জোয়নাগর মোআগী ওর্দরশিং বাহরেনদগী লাকখি।

বিহারদগী জি.আই. তেগ তৌরবা পোত্থোকশিংগী এক্সপোর্ত হেনগৎহন্নবা, জি.আই. তেগ তৌরবা শাহি লিৎচিগী কে.জি. ৫২৪গী অহানবা শিপমেন্ত অমা ২০২১গী মেদা বিহারগী মুজফরপুরদগী লন্দনদা এক্সপোর্ত তৌখি। চই অদুদা অন্ধ্র প্রদেশতগী জি.আই. তেগ ফংলবা বনাগনাপল্লে মেঙ্গোসু সাউথ কোরিয়াদা থাখি। 

সরকার অসিনা মরু ওইনা জি.আই. তেগ ফংলবা লৌউ-শিংউগী পোত্থোকশিংগী এক্সপোর্ত হব অমা বরানসিদা লিংখৎনবা ফার্মর প্রদ্যুসর ওর্গনাইজেশনশিং (এফ.পি.ও.শিং), ফুদ প্রোদ্যুসর কমপনীশিং অমসুং এক্সপোর্তরশিংগা ইন্তর্নেস্নেল বিজনেস কম্যুনিতীশিংগা কনেক্ত তৌবদা য়াম্না মরু ওইবা পীরি।

জি.আই. তেগ ফংলবা পোত্থোক প্রোমোত তৌনবা, বরানসিগী লাল বহাদুর শাস্ত্রি ইন্তর্নেস্নেল এয়রপোর্তকী দিপার্চর এরিয়াদা মরু ওইবা মফম অমা মশক খঙদোকখ্রে। ২০২১গী জুনদা, জি.আই. তেগ ফংলবা মালিহাবদি দসেহরি মেঙ্গোগী  কে.জি.১০৪৮,সিজন অসিগী অহানবা শিপমেন্ত ওইনা লখনৌদগী য়ুনাইতেদ কিংদম অসমুং য়ু.এ.ই.দা এক্সপোর্ত তৌখি।

নোর্থ ইস্তর্ন রিজনজনদগী তোপ-তোপ্পা জি.আই. পোত্থোকশিং প্রোমোত তৌনবা খুদম ওইনা মনিপুর ব্লেক রাইস (চাকহাও), মনিপুর কছাই লেমন, মিজো চিল্লি, অরুনাচল ওরেঞ্জ, মেঘালয় খাসি মন্দরিন, অসাম কাজি নেমু, কার্বি আঙলোংগী শিং, জোহা রাইস, অমসুং ত্রিপুরা ক্বীন পাইনএপল, কেন্দ্রনা এ.পি.ই.দি.এগী খুত্থাংদা বায়র-সেলরগী মীফম শিল্লি, এন.ই.আর. রাজ্যশিং, এফ.পি.ও.শিং/ এফ.পি.সি.শিং, এক্সপোর্তরশিং, এসোসিয়েশনশিং, অমসুং সরকারগী দিপার্তমেন্তশিং খুদম ওইনা ইন্দিয়ন রেলৱেজ, এ.এ.আই.সি.এল.এ.এস., এন.এ.এফ.ই.দি., দি.জি.এফ.তি., আই.আই.এফ.পি.তি.নচিবশিং অসিগী মীহুৎশিংনা শরুক য়াবগা লোইননা এৱেবরনেস অমসুং কেপাসিতী বিলদিং ৱার্কশোপশিং পাংথোক্লি।

অতোপ্পা রিজনশিংদগী জি.আই. পোত্থোকশিং অদুদা সাংলি রেসিনস, নাগপুর কোম্লা, দহানু ঘোলভাদ চিকু, মরাধৱাদা কেসর হৈনৌ, মহারস্তএদগী জলগাওন লফোই, ওরিশাদগী কন্ধমল য়াংঙং অমসুং কর্নাতকাদগী বেঙ্গলোর রোস ওনিয়ন, অলাহবাদ সুর্খা পুংদোন, উত্তর প্রদেশতগী কালানমক রাইস, তামিল নাদুদগি মদুরাই মল্লিনচিংবা য়াওরি।

২০২০দা, ভর্চুৱল বায়র-সেলরগী মীফম অদু এ.পি.ই.দি.এ. সেদ্যুলদ প্রোদক্তশিংগীদমক্তা খ্বাইদগী চাউবা এক্সপোর্ত মার্কেত অনি,  য়ু.এ.ই. অমসুং য়ু.এস.এ.গা লোইননা শিনখি, হায়রিবা অসি অবু ধাবিদা লৈবা ভারতকী এম্বেসি অমসুং ৱাসিংতন দি.সি.দা লৈবা ভারতকী এম্বেসিগা খুৎশম্নদুনা শিনখিবনি।

জি.আই. প্রোদক্তশিংগী মতাংদা শিনখিবা মীফম অসিনা ভারতকী এক্সপোর্তরশিং অমসুং বু.এস.এ. অমসুং য়ু.এ.ই.গী ইমপোর্তরশিংগী মরক্তা ৱারী-ৱাতাই শান্নবগীদমক্তা প্লেতফোর্ম অমা পীখি। এক্সপোর্তরশিং অদুদা এক্সপোর্তকীদমক্তা পোতেন্সিয়েল লৈবা জি.আই. প্রোদক্তশিং খুদম ওইনা বাস্মতি রাইস, হৈনৌ, কফোই, বেঙ্গলোর রোস ওনিয়নশিং, সঙলি গ্রপশিং/রেসিন, লফোই অমসুং নোর্থ ইস্তর্ন রিজনগী পোত্থোকশিং খুদম ওইনা অসামগী  জোহা রাইস, ব্লেক রাইস (চাক-হাও), নাগা মির্চা, অমসুং মসিদগী পুথোরকপা পোত্থোকশিংগী মতাংদা খঙহনখি। ২০২০গী এপ্রিলদগী ২০২১গি মার্চ ফাওবগী মনুংদা, ভি.বি.এস.এম.শিং অদু এ.পি.ই.দি.এ. সেদ্যুলদ প্রোদক্তশিংগী প্রোমোশনগীদমক্তা ওইথোকপা য়াবা ইমপোর্ত তৌগদবা লৈবাকশিং খুদম ওইনা য়ু.এ.ই., ইন্দোনেসিয়া, কুঢেত ইরান, থাইলেন্দ, ভুতান, বেলজিয়ম,স্বিতজর্লেন্দ, জর্মনী, সাউদি আরেবিয়া, উজবেকিস্তাননচিংবশিং অসিগা পাংথোকখি। জি.আই. তেগ ফংলবা পোত্থোকশিংগী এক্সপোর্ততা অখন্না মিৎয়েং থমখি।

এ.পি.ই.দি.এ.না ফোরেন রিতেলরশিং খুদম ওইনা বাহরেনগী অল-জজিরা গ্রুপ অমসুং দোহাগী ফেমিলী ফুদ সেন্তর, কাতরগা খুৎশম্নদুনা ইমপোর্ত তৌরিবা লৈবাকশিংদা ইন-স্তোর প্রোমোস্নেল প্রোগ্রামশিং শিনখি। এক্সপোর্ত হেনগৎহন্নবা কর্নাতকাদগী জি.আই.তেগ ফংলবা নঞ্জনগুদ লফোইগী সেমপলশিং  লুলু গ্রুপ, য়ু.এ.ই.দা থাখি।

হৌজিক ফাওবদা রেজিস্তর তৌরবা জি.আই. প্রোদক্ত ৪১৭ লৈ, চাউরাক্না জি.আই. তেগ ফংলবা প্রোদক্ত ১৫০দি লৌউ-শিংউ অমসুং অচা-অথক্কী পোত্থোকশিংনি, মসিগী মনুংদা রেজিস্তর তৌরবা জি.আই. প্রোদক্ত ১০০ হেন্না এ.পি.ই.দি.এ.  সেদ্যুলদ প্রোদক্তশিং (সিরিয়লস, অতেকপা হৈ অমসুং ইন্সাং নাপিশিং, প্রোসেস তৌরবা প্রোদক্তশিং অসিনচিংবা)গী কাংলুপকী মনুং চল্লি।

*****