খুরমজরি!

ঐহাক্না নখোয় ময়ামদা, লৈবাক অসিগী নুপীশিংদা ইন্তর্নেস্নেল ৱিমেন্স দেগী থৌরম অসিদা য়াইফ পাউজেললম পীরি। মসিগী থৌরম অসিদা লৈবাক অসিগী নুপী সন্ত অমসুং সাধুশিংনা মসিগী অনৌবা মখলগী থৌরম অসি শিনখি। ঐহাক্না নখোয় ময়াম্বু থাগৎপা ফোংদোক্লি।

ইমাশিং অমসুং ইচে-ইচলশিং,

নখোয় ময়াম্না লাক্লিবা কচ্ছকী লমদম অসি চহি চা কয়াদগী নারিশক্তি অমসুং শক্তিগী খুদম্নি। মফম অসিদা মা আশাপুরা মশামক্না মাত্রুশক্তিগী শক্লোন লৌদুনা লৈরি। মফম অসিগী নুপীশিংনা খুনাই অসিবু মহৌশাগী শিংনবশিং, খুদোচাদবা ফিভমশিংগী মরক্তা করম্না হিংগদগে হায়বা তম্বীরে, করম্না লান্থেংনগনি হায়বা তম্বীরে, অমসুং মাইপাকপসু তম্বীরে। ৱাতর প্রিজার্ভেশনগী মতাংদা কচ্ছকী নুপীশিংনা লৌখিবা থৌদাংশিং, ৱাতর কমিতী শেমদুনা তৌখিবা থবকশিং অদুবু ইন্তর্নেস্নেল ওর্গনাইজেশনশিংনাসু ইকাইখুম্নবা উৎখি। কচ্ছকী নুপীশিংনা খন্না হোৎনদুনা কচ্ছকী সিভিলাইজেশন অমসুং কলচরবু হিংহন্দুনা থম্লি। কচ্ছকী মচু অসি মরু ওইনা মফম অসিগী হেন্দিক্রাফ অসিনা য়াম্না চাউরবা খুদম্নি। মসিগী কলাশিং অমসুং হিং-শিংবশিং অসিনা মালে অসিদা তোপ-তোপ্পা মশক অমা তাক্লি।  নখোয়না হৌজিক ভারত কী নোংচুপ থংবা ঙমখৈগী খ্বাইদগী মতাই থংবদা লৈবা খুঙ্গংনি। হায়বদি  ভারতকী ওইনা গুজরাতকী খ্বাইদগী ঙমখৈদা  লৈবা খুঙ্গংনি। মসিগী মতুংদা কনা অমত্তা তাদ্রে। মসিগী মতুংদা অতোপ্পা লৈবাক অমা ওইরে। ঙমখৈদা লৈবা খুঙ্গংশিং অসিদা লৈরিবা মীসিং অদুনা লৈবাক অসিগী  ওইনা খ্বাইদগী মথৌ চাউই। কচ্ছকী মথৌনা লৈরবা নুপীশিং শিংনা মখোয়গী মথৌদাংশিং অদু নিংথিজনা পাংথোক্তুনা লাক্লি। নহাক্না মমাংদা তারম্লগনি, ১৯৭১গী লানদা য়েক্নবশিংনা ভুজকে এয়রপোর্ত্তা  লান্দাদুনা এবরস্ত্রিপ থুগাইখি, মতম অদুদা ঐবরস্ত্রিপ অমগী মথৌ তাখি। মতম অদুদা কচ্ছকী নুপীশিংনা মত্বাই খুবাক্তা হাপ্তুনা  নুমিদাং অদুমক্তদা অনৌবা এয়রস্তিপ অমা শাখি অমসুং ভারতকী লানমীশিংগীদমক্তা ফেসিলিতীশিং শাখি। পুৱারিগী ওইনা খ্বাইদগী নিংশিংনিংঙাই ওইবা থৌদোক অমনি। মসিদা শরুক য়াখিবা ইমাশিং অমসুং ইচে-ইচলশিং অদু ঐগা লোইনা মখোয়গী মতাংদা ই-পাউ লৌরবি , মখোয়শিং অদুগী চহি অদু য়াম্না য়াম্লে অদুবু ঐহাকসু মখোয়শিং অদুগা উনদুনা কয়ারক অমা মখোয়শিং অদুগা ৱারী-ৱাতাই শাবগী খুদোংচাবা  ফংখি। অদু ওওইরবদি নুপীশিংগী অসিগুম্বা ময়ামদগী থোইদোক-হেন্দোকপা মথৌনাশিংগীদমক্তা  মালেম অসিদা ঐখোয়গী মত্রুশক্তিনা খুনাই অসিগীদমক্তা সেৱা য়গ্যা হৌদোক্লরে।

ইমাশিং অমসুং ইচে-ইচলশিং,

ঐখোয়গী বেদশিংনা নুপীশিংদা ‘পুরন্ধি:য়োশা’গুম্বা মন্ত্রশিংনা পুক্নিং থৌগৎলি। মসিনা নুপীশিংবু মখোয়গী সিতী, মখোয়গী খুনাইগী ওইনা থৌ পুবা ঙম্নবা, লৈবাক অসিবু লুচিংনবগী থৌনা পীরি। নুপী ওইবীশিং অসি পোলিসী, লোয়ল্তি, ৱারেপ লৌবগী শক্তি, অমসুং লুচিংবা অমা ওইবগী শক্তম্নি। মসিনা মখোয়বু মশক তাকই। মরম অদুনা ঐখোয়গী বেদনা ঐখোয়গী চৎনবীনা মখোয়বু মতিক চাবা, লৈবাক অসিবু লমজিং-লমতাকপীবদা মতিক চাই হায়না হায়রি। মরম অদুনা ঐখোয়না নুপীশিংবু, নারি তু নারায়নি! হায়না হায়রি, করিগুম্বা নুপাশিংনা করনি তৌরবদি মহাক অদু নরায়ন ওইরে! হায়বদি করিগুম্বা মহাক্না নরায়ন ওইনবগীদমক্তা থবক খরা তৌবা মথৌ তাই! অদুবু নুপীশিংগীদি করি হায়না হায়বগে, নুপী নং নারায়নিনি! মসিদা কয়া য়াম্না খেৎনবগে হায়বদু য়েংবীয়ু। ঐখোয়না মসিমক্তি হায়রি অদুবু খরা খন্থদুনা য়েংলবদি নুপানা কর্নি তৌরবদি মহাক নরায়ন ওইগনি! অদুবু ইমাশিং-ইচে-ইচলশিংগী ওইনদি, নুপী নখোয় নরায়ননি!

ইমাশিং ইচে-ইচলশিং,

ভারত অসি মালেম অসিগী ওইনা অসিগুম্বা ৱাখল-লৌশিংগী ওইবা চৎনবীগী পাউজেল পীরিবা লমদমনি, মফম অসিগী মশক অসি লমদম অসিগী ফিলোসোফীদা য়ুমফম ওই। অমসুং মসিগী ৱাখল্লোনা অসি নারি শক্তিদা য়ুমফম ওই। ঐখোয়না নুপী অমগী শক্তমদা ইশ্বরগী মতিক-মঙাল অদুসু উৎলি। ঐখোয়না ইশ্বরবু নুপী অমসুং নুপাগী    শক্তমদা উবা মতমদা, ঐখোয়না মরু ওইবা অদু নুপীদা হেন্না পী। হায়রিবা অসিদা সিতা-রাম ওইগেরা, কৃষ্ণ-রাথা ওইগেরা, গৌরি-গনেশা ওইগেরা, লক্সমি-নরায়ন ওইগেরা! নখোয়দগী হেন্না ঐখোয়গী চৎনবী অসিগী মতাংদা কনানা খঙগনি। ঐখোয়গী বেদশিংদা ঘোশা, গোধা, অপালা, অমসুং লোপামুদ্রাগুম্বা বেদ কয়া অমা লৈ অমসুং মসিগা চপ মান্ননা রিশিকাশিংসু মফম লমদম অসিদা লৈরি। গার্গি অমসুং মৈত্রেয়িগুম্বা স্কোলারশিংনা বেদান্তগী রিসর্চ তৌবদা লমজিং-লমতাকপীখি। নোংপোক্লোমদা মিরাবাই অমসুং খা লোমদা অক্কা মহাদেবিগুম্বা ভারতকী দেবিশিংনা ভক্তি আন্দোলনদগী হৌরগা মীয়ামদা ৱাখল-লৌশিং পীদুনা খুনাই অসিদা অহোংবা অমা পুরক্নবা মীয়ামদা খোল্লাও অমা পীখি। গুজরাত অমসুং কচ্ছকী লমদম অসিদা সতি তোরল, গঙ্গা সতি, সতি লোয়ন, রামবাই অমসুং লীরবাইগুম্বা দিবি কয়া অমগী মমিং অসি সৌরাস্ত্রদা লাক্লগা য়েংবদা য়ুমথোং খুদিংদা থেংনগনি। অসুম্না রাজ্য খুদিংমক্কী মফম খুদিংমক্তা য়েংবদা, লৈবাক অসিগী খুঙ্গংশিং, মফমশিংদা গ্রামদেবি, কুলদেবিবু মফম অদুদা ময়াম্না খ্বাইদগী থজদবা , নিংদবা মফম অমত্তা লৈরম্মোই!   মসিগী দেবীশিং অসি  লৈবাক অসিগী নুপীগী শক্তিগী খুদম্নি, হায়রিবা অসি মতম কয়াদগী কূনাই অসিবু শেমদুনা লাকখি। অসিগুম্বা নুপীগী শক্তি অসিনা লৈবাক অসিগী নিংতম্বগী খোংজংদা নিংতম্বগী মৈরা চুখত্তুনা থমখি। অমসুং ঐখোয়না নিংশিংগদবদি , ১৮৫৭গী নিংতম্বগী খোংজং অদুবু নিংশিংবীয়ু অমসুং ঐখোয়না ঙসি আজাদি কা অমৃত মাহোতসব পাংথোক্লবনিনা ভারতকী নিংতম্বগী খোংজংদা ভক্তি মোবমেন্তকী য়াম্না চাউবা রোল য়াওরি। ভারতকী মফম খুদিংদা কনাগুম্বা রিশি, মুনি, সন্ত, অচার্য় অমদি পোক্লি, মখোয়না ভারতকী ওইবা ৱাখল্লোনশিং অসি শাগৎপদা য়াম্না চাউবা থৌদাং লৌখি।  মসিগী মাইকৈ অসিদা , অসিগী ৱাখল্লোন অসিনা  মরম ওইরগা লৈবাক অসিগী নিংতম্বগী খোংজং অদু মাইপাকপা ঙম্লিবনি। ঙসিদি ঐখোয়না নিংতম্বগী চহি ৭৫ শুবগী থাক অসি য়ৌরদুনা ঐখোয়গী ৱাখল্লোনশিং অসিগী খোংচৎ অসি মখাতানা অদুমক চত্থখিগনি। অদুম ওইনমক সোসিয়েল কন্সিয়সনেস, সোসিয়েল কমপিতেন্স, সোসিয়েল দেবেলপমেন্ত, খুনাই অসিদা লাক্লিবা অহোংবা, মসিগী মতম শিং অসি প্রজা খুদিংমক্কী মথৌদাংশিং অদুগা তৎন-থানবা য়াদ্রবা মরী লৈনৈ। অমসুং অসিগূম্বা মশিং য়অম্লবা সন্তকী চৎনবীগী ইমাশিং ইচে-ইচলশিং মফম অসিদা পুন্না ফমদুনা লৈরবনিনা ঐহাক্না নখোয়শিংদা ৱারীসু শাবগী মথৌ তাই। অমসুং ঙসি ঐনা মতিক-মঙাল লৈরবীশিংগী মীতিন অসিদা ৱারী শাবা হায়বসি ঐগী ওইনদি য়াম্না লাইবক ফবনি।

ইমাশিং ইচে-ইচলশিং

পৃথিবী অসিবু ইমানি হায়না খনবা লৈবাকশিংদি, নুপীশিংনা খুমাং চাউশিবনা লৈবাক অদুগী চাউখৎপদা য়াম্না চাউনা মতেং পাংঙি। ঙসিদি লৈবাক অসিগী ওইনা খ্বাইদগী মরু ওইবা  পীরিবা অসি নুপীশিংগী পুনশিবু হেন্না ফগৎহনবা হায়বসিনি। ঙসি লৈবাক অসিগী খ্বাইদগী মরু ওইবা অসি ভারতকী চাউখৎ-থৌরাংদা নুপীশিংনা মপুং ফানা শরুক য়াহনবা হায়বসিনি অমসুং মরম অদুনা ঐখোয়গী ইমাশিং ইচে-ইচলশিংগী অৱাবা কোকহনবা য়বসিদা য়াম্না মরু ওইবা মীৎয়েং থম্লি। ঐখোয়গী লমদম  অসিদদি ইমাশিং ইচে-ইচলশিংনা খোংহাম-খুৎহাম্বগীসু লমহাংদা থোক্লম্মি।য়ুমদা তোইলেতশিং লৈতবনা মরম ওইরগা অৱাবা কয়া ময়োক্নৈ। মসিগী ৱাফম অসি ঐহাক্না ওগস্তকী ১৫দা লাল কিলাদা থমখি অমসুং মসিবু ঐনা স্বচ ভারত মিসনগী মনুং চন্না তোইলেত করোর ১১গী মথক্তা শাহনখি। মমাংদদি খুঙ্গংশিংদা ইমাশিং ইচে-ইচলশিংনা শিং অমসুং শন্থি অকংবা মৈ থাদুনা চাক-ইনশাং থোংনরম্মি অদুবু কোকহন্নবগীদমক্তা উজ্বালা গ্যাস পীদুনা মৈখুগী অৱাবা অসিদগী কোকহনবীরে।  হান্নদি নুপীশিংগী, মরু ওইনা লাইরবা নুপীশিংগী বেঙ্ক একাউন্ত ফাওবা লৈরমদে। মসিনা মরম ওইরগা মখোয়গী শেন্মিৎলোনগী ফিভম নতৈ চারমদে অদুবু হৌজিক্তি ঐখোয়গী সরকার অসিনা নুপী করোর ২৩দা জনধন একাউনতশিং হাংদোকহল্লে। হৌজিক্তি খুঙ্গং-খুঙ্গংশিংদা নুপীশিংনা সেল্ফ-হেল্প গ্রুপশিং শেমদুনা ইন্দস্ত্রী মচাশিংগী খুত্থাংদা খুঙ্গংগী শেনমীৎলোনশিংদা চাউখৎপা পুরক্লি। নুপীশিংদা হৈশিংবগী অৱাৎপা অমত্তা লৈতে, মসিগী হৈশিংবা অসিনা ঙসিদি মখোয়গী ইমুং-মনুংশিংগী মপাঙ্গল ওইরি। ঐখোয়গী ইচে-ইচলশিং, ইচানুপীশিংনা মখোয়গী মংলান অদু মঙফাওনবা ঙম্নবা, অপাম্বা অদু মনিং থুংবা ঙম্নবা, মখোয়গী অপাম্বগী মতুং ইন্না থবক তৌবা ঙম্নবা, সরকার অসিনা তোঙান-তোঙানবা পাম্বৈশিংগী খুত্থাংদা মখোয়দা শেলগী ওইবা মতেংশু পাংলি।  ঙসিদি লোনশিংগী চাদা ৮০দি  ‘স্তেন্দঅপ ইন্দিয়া’গী মখাদা ইমাশিং, ইচে-ইচলশিংগী মিংদা লৈরে।  মুদ্র য়োজনাগী মখাদা ইমাশিং ইচে-ইচলশিংদা লোন চাউরাক্না চাদা ৭০ পীখ্রে। ঐখোয়গী সরকার অসিনা পি.এম আৱাজ থোজনাগী মখাদা য়ুম করোর ২গী মথক্তা শারগা পীখ্রিবা অসি ভারত অসিদা লাইরবা খুদিংমক্‌তা মখৌবগী মশাগী য়ুম লৈগদবনি হায়বা মঙলান অমা লৈ। হায়রিবা য়ুম অসি মাইকৈ মরিনা খাজিনবা য়ুম হায়বা নত্তে মসিদা তোইলেত লৈবা, ঈশিংগী কনেক্সন ফংবা, মৈগী কনেক্সন লৈবা,  তঙাইফদবা ফেসিলিতীশিং লৈবা, গ্যাস কনেক্সন লৈবা , হায়রিবশিং অসি মপুং ফানা লৈবা য়ুম অসি ইমুং করোর ২ হেন্না ঐখোয়না পীখ্রে। অহানবা ওইনা ঐখোয়না ফিরেপ লৌখি মদুদি ঐখোয়গী ইমাশিং, ইচে-ইচলশিংগী মিংদা মরল-মথুম লৈহনগনি অমসুং অসিগীদমক্তা ঐখোয়না য়াম্না মরু ওইবা ফিরেপ অমা লৌখি। অমসুং মখোয়গী মখুত্তা অসিগী পাঙ্গল অসি লাকপা মতমদা, এমপাৱরমেন্ত অসি লাক্লিবনি, অদু ওইরবদি মখোয়শু য়ুমগী শেল-থুমগী মতাংদা খন্নবদা শরুক য়াবা ঙম্লগনি। হান্না মমাংদা নুপী ওইবীশিংনা য়ুমগী শেল-থুমগী মতাংদা খন্ন-নৈনবদা বাওহল্লমদে অদুবু হৌজিক্তি মখোয়শু এমপাৱরমেন্ত ওইওরবনিনা , মসি অরানবনি অদুনা অসুম্না তৌসি হায়বা ঙম্লে। অমাং-অতোংগী মতাংদা খন্নবা ঙম্লে। হৌজিক্তি মখোয়না শরুক য়াবা হেনগৎলক্লি, হান্নদগীসু মখোয় অসি মতিক য়াম্না চাই অদুবু হান্নগী অরিবা  ৱাখল্লোন অমসুং অথিংবশিং অদুনা পুন্দুনা থম্বনা থবকশিং অসি পাংথোকপা ঙমদবনি। নুপীশিংনা থবক তৌবা মতমদা, কয়ারক হন্না মীরোনবনা মরম ওইরগা থবকশিং তোকপা তারম্মি। নুপী কয়া অমনা নতৈ চাদবা লিচৎশিং চৎপদি কীদনা তোপসু য়াওরি। ঐখোয়না মসিগী ফিভমশিং অসিবু হোংদোক্নবগীদমক্তা থবক কয়া অমা পাইখৎখি। ঐখোয়না মীরোল্লবী নুপীশিংগীদমক্তা ছুতি লৌবগী মতম অসি চয়োল ১২দগী হেনগৎলদুনা চয়োল ২৬তা ওন্থোকখ্রে। চহি অমদা চয়োল ৫২ লৈ মসিদা চয়োল ২৬ অমদি মখোয়দা ছুতি পীরি। ঐখোয়না ৱর্ক প্লেসশিংদা নুপীশিংগীদমক্তা অসোই-অঙাম য়াওদনবা য়াম্না  শাথিবা আইনশিং শেমখ্রে। রেপকুম্বা য়াম্না তমথিরবা ক্রাইমশিংগীদমক্তসু ঐখোয়গী সরকার অসিনা থবক কয়া অমা তৌখ্রে। অসিগুম্বা য়াম্না তমথিরবা ক্রাইমশিং অসিগীদমক্তা ফাসী তৌবগী দন্দি ফাওবা পীবগী অয়াবা লৈরে। মচা নুপা-নুপীগী মরক্তা খেৎনবা অমত্তা লৈহন্দনা চপ মান্নবা মিৎয়েংদা য়েংলি হায়বা ৱাফম অসি থমদুনা, নুপীশিংগী লুহোংবগী চহি অদু চহি ২১দা হেনগৎনবগীদমক্তা খন্নরি অমসুং মসিগী মতাংদা পার্লিয়ামেন্তা  পওপোজলসু থাংগৎখ্রে। ঙসিদি লৈবাক অসিগী লানমীশিংদা নুপীশিংগী থৌদাং কয়া অমগীদমক্তা শৌগৎলি, শৈনিক স্কুলশিংদা নু্রীশিংগী এদমিসন তৌবা হৌখ্রে।    

ইমাশিং ইচে-ইচলশিং

নারিশক্তিগী এমপাৱরমেন্ত তৌবগী খোংচৎ অসিবু খোংজেল য়াংনা মাংলোমদা চংশিনহনবা হায়বসি ঐখোয় পুম্নমক্কী ইথৌদাংনি। নখোয় ময়াম্না ঐবু নুংশিবীদুনা, থৌজানবীদুনা, নখোয়গী মরক্তা চাউরক্তুনা, নখোয়গী মরক্তগী থোরক্লিবনি, মরম অদুনা নখোয়দা ঐহাক্না নোল্লুক্না করিগুম্বা খরদং নিজগে। ঐহাক্না নখোয়দা থবক খরগী মতাংদা হায়বা পাম্লি, ঐখোয়গী মন্ত্রী খরা, কার্য়কর্তা খর মফম অদুদা লাক্লমগনি, মখোয়না হায়রম্বা য়াই নত্রগা তুংদা হায়গদবা ওইরমগনি। হৌজিক মালন্যুত্রিশন অসি মফম অমহেক্তদা ওইসনু, ঐখোয় য়ুম পানবা ওইগেরা পান্দবা ওইগেরা, অদবু ভারতকী অঙাংশিং অমনা মালন্যুত্রিশন ওইবদা ঐখোয়দা নুংঙাইতবা ফাওব্রা? নুংঙাইতবা অসি ফাওফম থোকপ্রা নত্রগা থোক্তব্রা? ঐখোয়না মসিগীদমক্তা সাইন্তিফিক ওইবা মওংদা  মসিগী উপায় অমা পুথোকপা য়াগদ্রা নত্রগা য়ারোইদ্রা? মসিগী মতাংদা থোদাং লৌবা ঙম্লোইদ্রা অমসুং মরম অদুনা মালন্যুত্রিশনগী মায়োক্তা চত্থরিবা কেমপেন অসিদা নখোয়না য়াম্না চাউনা মতেং পাংবা ঙমগনি। অসিগা চপ মান্ননা লৈবাক অসিদা বেতি বচাও বেতোই পরহাওগী কেমপেন অসিদসু নখোয়গী য়াম্না চাউরবা থৌদাং লৈরি। মশিং য়াম্না স্কুলশিং চৎপদা নত্তনা  মখোয়গী মহৈ-মশিং অদু মপুং ফানা লোইশিনগদবনি। মসিগীদমক্তা নখপোয়না মখোবু ৱারী শাবীগদবনি। অসিগা চপ মান্ননা ভোকল ফোর লোকল হায়বা অসিগী মতাংদা নখোয়না য়াম্না তোইনা তারম্লগনি। হৌজিক মালেম অসিদা লৈরিবা ফিভম অসি ঐহাক্না উরে, মসিদা মশা মথন্তা মরোমদোম লেপচবা ঙমগদবনি, মপানদগী পোৎচৈশিং পুশিল্লক্তুনা হিংলবদি, মখৌবণা করিমত্তা তৌবা ঙম্লোই। মরম অদুনা ভোকল ফোর লোকল অসি ঐখোয়গী শেনমিৎলোনদা য়াম্না মরু ওইবা হীরম অমা ওইরি অদুবু মসিগা নুপীগী এমপাৱরমেন্তকা য়াম্না নক্নবা মরী লৈনৈ। অনম্বনা লমদম অসিগী ইন্দস্ত্রীগী পাঙ্গল অসি নুপীশিংগী মখুত্তা লৈ। মরম অদুনা নখোয়না নখোয়গী মীফমদা ৱা ঙাংবা মতমদা লমদম অসিগী পোত্থোকশিং শিজিন্ননবা মীয়ামদা থৌগৎকদবনি। নখোয়গী য়ুমদা লৈরিবা নখোয়গী ভক্তশিং অদুদা মশা-মশাগী য়ুমদা লৈরিবা পোৎলমশিং অদুদা মপান লমগী পোৎকা লমদম অসিদা শাজবা পোৎলমশিংগী মরক্তা করম্বনা হেন্না লৈবগে হায়বদু য়েংবীয়ু। পীকপদগীনা পীক্লবা পোৎলম কয়াদা মপান লমগী পোৎশিং শিজিন্নরি। লমদম অসিদা শাজবা পোৎ অশিনা লুপা অহুম মরি হেনল্লম্বা য়াই অদুবু মসিনা মীওই কয়া অমগী হিংননবগী লম্বি অমা ওইরিবনি। মরম অদুনা ঐখোয়না পোৎ কয়া অমা মপান লমদগী পুশিল্লক্লি, পুশিল্লকপগী হৈনবী অমা লৈরি। নখোয়না মসিগী মতাংদা মীয়ামদা খঙহনবা   ঙমগনি অমসুং মখোয়বু থৌগৎপা ঙমগনি, মসিগীদক্তা লমজিং-লমতাকপীবা ঙমগনি।  মসিনা মরম ওইরগা লমদম অসিগী লমদম অসিদা শাজবা পোৎলমশিং, ভারতকী মীয়মগী হুমাং য়াওবা পোৎলমশিং, ঐহাক্না অসুম্না হায়বা মতমদা অমসুং ভোকল ফোর লোকল হায়বা মতমদা মীয়ামগী ৱাখলদা দিৱালিগী  দিয়া ওইরবোই খল্লি, মসি দিৱালিগী দিয়া খক্তা নত্তে পোৎ খুদিংমক্তসু য়েংঙু। অসিগা চপ মান্ননা নখোয়না ঐখোয়গী  ফিশাবা নুপা অমসুং নুপীশিং থেংনবা মতমদা সরকারগী জি.ই.এম. পোর্তলগী মতাংদা হায়বীয়ু। ভারতকী সরকারনা শেম্বা পোর্তল অসিগী মতেংনা কনগুম্বা অমনা অথাপ্পা মফমদা লৈজরবসু, মহাক্না মহাক্কী অশাবা পোৎশিং অদু সরকারদা য়োনবা য়াগনি। ঐহাক্না নখোয়দা থম্নিবা ৱাফম অমনা নখোয়না করিগুম্বা মতমদা খুনাই অসিগী তোঙান-তোঙানবা কাংলুপশিংগা উনবা মতমদা মখোয়দা নাগ্রিক অমা ওইবগী মথৌদাংশিং অদুগী মতাংদা  মরু ওইবা থমগদবনি। নাগ্রিক ধর্মগী ৱাখল্লোন অসিগী মতাংদা ঐখোয়না হায়গদবনি। লৈবাক অসিগীদমক্তা নাগ্রিক ধর্ম হায়বসি য়াম্না মরু ওই। সম্বিধানদা ইদুনা লৈরবা মসিগী ৱাখল্লোন অসিবু ঐখো মবাম চংদুনা হেন্না মপাঙ্গল কলহনগদবনি। মসিগী ৱাখল্লোনা অসিবু হেন্না মপাঙ্গল কনখৎহনবনা ভারতকী পান্দম অদুবু ফংবা ঙমগদৌরিবনি।ৈহাক্না থাজৈ মদুদি, লৈবাক অসিগী ৱাখল্লোনগী ওইবা অমসুং খুনাইগী মতাংদা লমজিং-লমতাকপীদুনা লুচিংবগী ৱাখল্লোন অসি শন্দোকপা মতমদা লৈবাক অসিগী মীপুম খুদিংমকপু লৈবাক অসি শেমগৎপগী খোংচৎ অসিদা পুনশিল্লগনি হায়বসি ঐগী থাজবনি।নখোয়গী থৌজাল অমসুং লমজিং-লমতাক্তগী ঐখোয়না অনৌবা ভারতকী মঙলান অদুবু য়াম্না থুনা মঙফাওনহনবা ঙম্লগনি অমসুং নখোয়না ভারতকী খ্বাইদগী অরোইবা খুঙ্গং অসিদা লৈরিবা ফিভম অসি য়েংবদা কয়াদা নুংঙাইবা ফাওবগে হায়বদু উরম্লগনি। নখোয়গী মরক্তা কনাগুম্বা খরদি অঙোবা রন য়েংবা চৎলম্লগনি। কনাগুম্বা  খরনা ঙসি য়েংবা চৎপা য়াই। মসিগী মফম অসিগী তোপ-তোপ্পা ফজবা অমনি। অমসুং মসিদা স্পিরিচুৱলগী ওইবা ৱাখল্লোনা অমা ফাওই। মতম খরগীদমক্তা নতোমতা চত্তুনা খরা লাপ্না ফমদুনা লৈবদা অনৌবা এক্সপরিয়েন্স অমা ফংগনি মরমদি ঐগী ওইনদি মতম অমদা মসিগী তোঙানবা শিজিন্নফম অমা লৈখি। মরম অদুনা ঐহাক অসি লমদম অসিগী লৈহাও অসিগা মতম শাংনদগী য়াম্না নক্নবা মরী থমদুনা লাক্লি। অমসুং নখোয়না মফম অদুদা চৎপা মতমদা নখোয়না মফম অদুগী তোপ-তোপ্পা এক্সপেরিয়েন্স অমা লৈ, অদুগী এক্সপরিয়েন্স অদুবু লৌবীয়ু। ঐনা ণকৌয় ময়াম্বু য়াইফ পাউজেল পীরি। ঐখোয়গী মরুপশিং খরা মফম অদুদা লৈ, মখোগা য়াম্না ফজনা ৱারী-ৱাতাই শানরকউ। নখোয়না খুনাই অসিগীদমক্তা  চোংথোরকউ। সন্তকী চৎনবী অসিনা নিংতম্বগী খোংজংদা য়াম্না চাউবা থৌদাং লৌরকখি। নিংতম্বগী চহি ৭৫ মতুংদা লৈবাক অসিবু পুখৎলকপদা সন্তকী চৎনবী অসিনা মাংজিল থানা চোংথোরক্তুনা খুনাই অসিগী ওইবা মখোয়গী মথৌদাং  অদু পাংথোরকখি। মসিনি ঐহাক্না থম্লিবা থাজবসি। নখোয় ময়াম্বু হন্না-হন্না থাগৎচরি!    

***