ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ବଜେଟ ପର ଅଭିବୃଦ୍ଧି ଓ ଆକାଂକ୍ଷିତ ଅର୍ଥନୀତି ନିମନ୍ତେ ଅର୍ଥ ବ୍ୟବସ୍ଥା ଶୀର୍ଷକ ଏକ ୱେବିନାରରେ ଆଜି (୦୮-୦୩-୨୦୨୨) ତାଙ୍କ ଅଭିଭାଷଣ ରଖିଛନ୍ତି । ପ୍ରଧାନମନ୍ତ୍ରୀ ଅଭିଭାଷଣର ରଖିଥିବା ବଜେଟ ପରର ଏହା ଦଶମ ୱେବିନାର ।

ପ୍ରଥମରେ ପ୍ରଧାନମନ୍ତ୍ରୀ ଆନ୍ତର୍ଜାତିକ ମହିଳା ଦିବସ ଅବସରରେ ଶୁଭେଚ୍ଛା ଜଣାଇ ଭାରତରେ ଅର୍ଥମନ୍ତ୍ରୀ ମହିଳା ଓ ସେ ଏପରିକି ଏକ ପ୍ରଗତିଶୀଳ ବଜେଟ୍ ଉପସ୍ଥାପିତ କରିଛନ୍ତି ବୋଲି କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଭାରତୀୟ ଅର୍ଥ ବ୍ୟବସ୍ଥା ପୁଣି ଥରେ ଗତିଶୀଳ ହୋଇ ଉଠିଛି । ଏକ ବୈଶ୍ୱିକ ମହାମାରୀ ପରେ ଏହି ଗତିଶୀତଳା ଆମର ଆର୍ଥିକ ନିଷ୍ପତ୍ତି ଓ ଅର୍ଥ ବ୍ୟବସ୍ଥାର ଦୃଢ ଭିତ୍ତିଭୂମିର ପ୍ରତିଫଳନ । ସେ କହିଥିଲେ ଯେ ଉଚ୍ଚ ଅଭିବୃଦ୍ଧି ଅବ୍ୟାହତ ରଖିବା ପାଇଁ ସରକାର ବଜେଟରେ ଅନେକ ପଦକ୍ଷେପ ନେଇଛନ୍ତି । “ବିଦେଶୀ ପୁଞ୍ଜିପ୍ରବାହକୁ ପ୍ରୋତ୍ସାହନ, ଭିତ୍ତିଭୂମି ଅର୍ଥଲଗାଣ କ୍ଷେତ୍ରରେ ଟିକସ ହ୍ରାସ, ଏନଆଇଏଫଏଫ, ଗିଫ୍ଟସିଟି, ନୂତନ ଡିଏଫଆଇ ଇତ୍ୟାଦି ଦ୍ୱାରା ଆମେ ଆର୍ଥିକ ଅଭିବୃଦ୍ଧି ଦୃଢ କରିବାରେ ଲାଗିଛୁ ବୋଲି ସେ କହିଥିଲେ ।

“ଅର୍ଥର ବିଭିନ୍ନ ବିଭାଗରେ ଡିଜିଟାଲ ପ୍ରଯୁକ୍ତି ଜ୍ଞାନ ପାଇଁ ଦେଶରେ ଅଙ୍ଗୀକାରୀବଦ୍ଧତା ଏବେ ପରବର୍ତ୍ତୀ ପର୍ଯ୍ୟାୟରେ ପହଂଚିଛି । ଏହା ୭୫ଟି ଡିଜିଟାଲ ବ୍ୟାଙ୍କଙ୍କ ୟୁନିଟ୍ ହେଉ ବା ୭୫ଟି ଜିଲ୍ଲାର ସେଣ୍ଟ୍ରାଲ ବ୍ୟାଙ୍କର ଡିଜିଟାଲ ମୁଦ୍ରା(ସିବିଡିସି) ଏଥିରେ ଆମ ଦୂରଦୃଷ୍ଟି ପ୍ରମାଣିତ” ବୋଲି ସେ କହିଥିଲେ ।

ଆତ୍ମନିର୍ଭର ଭାରତ ଅଭିଯାନ ଉପରେ ଗୁରୁତ୍ୱ ଦେଇ ପ୍ରଧାନମନ୍ତ୍ରୀ ବିଭିନ୍ନ ପ୍ରକଳ୍ପକୁ ଅର୍ଥ ପ୍ରଦାନ କ୍ଷେତ୍ରରେ ଉପାୟମାନ ବାହାର କରି ଅନ୍ୟାନ୍ୟ ଦେଶ ଉପରେ ନିର୍ଭର  ନ କରିବା ଲାଗି ଗୁରୁତ୍ୱ ଆରୋପ କରିଥିଲେ । ପିଏମ୍ ଗତିଶକ୍ତି ମାଷ୍ଟର୍ସ ପ୍ଳାନ  ଏଭଳି ଏକ ପଦକ୍ଷେପର ସେ ଉଦାହରଣ ଦେଇଥିଲେ ।

 ଦେଶରେ ସନ୍ତୁଳିତ ବିକାଶ କ୍ଷେତ୍ରରେ ଆକାଂକ୍ଷିତ ଜିଲ୍ଲା କାର୍ଯ୍ୟକ୍ରମ, ପୂର୍ବାଂଚଳ ଓ ଉତ୍ତର-ପୂର୍ବାଂଚଳ ବିକାଶ ଉପରେ ପ୍ରାଧାନ୍ୟ ଦେବାକୁ ପ୍ରଧାନମନ୍ତ୍ରୀ ଜୋର ଦେଇଥିଲେ । ପ୍ରଧାନମନ୍ତ୍ରୀ ଭାରତର ଆକାଂକ୍ଷା ଓ ଏମଏସ୍‌ଏମଇର ମଜବୁତ ସମନ୍ୱୟ ଉପରେ ଗୁରୁତ୍ୱଆରୋପ କରିଥିଲେ । “ଆମେ ଏମ୍‌ଏସ୍‌ଏମଇକୁ ମଜବୁତ କରିବା ପାଇଁ ଅନେକ ଅନେକ ମୌଳିକ ସଂସ୍କାର ଓ ନୂତନ ଯୋଜନାମାନ କରିଛୁ । ସଂସ୍କାରଗୁଡିକ ଅର୍ଥ ବ୍ୟବସ୍ଥା ମଜବୁତ କରିବା ସଫଳତା ଉପରେ ନିର୍ଭରଶୀଳ” ବୋଲି ସେ କହିଥିଲେ ।

ଦେଶ ଫିନ୍‌ଟେକ, ଆଗ୍ରୀଟେକ୍‌, ମେଡିଟେକ ଓ କୌଶଳ ବିକାଶ କ୍ଷେତ୍ରକୁ ଛାଡି ଶିଳ୍ପ ୪.୦ ସମ୍ଭବ ନୁହେଁ । ଆର୍ଥିକ ଅନୁଷ୍ଠାନଗୁଡିକର ଏହି ସବୁ କ୍ଷେତ୍ରରେ ସାହାଯ୍ୟ ଭାରତର ଶିଳ୍ପ ୪.୦କୁ ଏକ ନୂତନ ଶିଖରକୁ ନେଇଯିବ ବୋଲି ଶ୍ରୀ ମୋଦି କହିଥିଲେ ।

ପ୍ରଧାନମନ୍ତ୍ରୀ ଏପରି କ୍ଷେତ୍ର ଦେଖିବାକୁ କହିଥିଲେ ଯାହା ଫଳରେ ଭାରତ ବିଶ୍ୱର ତିନିଟି ଦେଶ ମଧ୍ୟରେ ଆସିପାରିବ । ଭାରତ ନିର୍ମାଣ, ଷ୍ଟାର୍ଟଅପ୍‌ସ ଓ ନିକଟରେ ବିକଶିତ ଡ୍ରୋନ, ମହାକାଶ ଓ ଭୌଗୋଳିକ ସ୍ଥାନ ତଥ୍ୟରେ ବିଶ୍ୱର ତିନିଟି ଶୀର୍ଷ ଦେଶ ମଧ୍ୟରେ ଆସିପାରିବ ବୋଲି ପ୍ରଧାନମନ୍ତ୍ରୀ ପ୍ରଶ୍ନ କରିଥିଲେ । ଆମର ଶିଳ୍ପ ଓ ଓ ଷ୍ଟାର୍ଟଅଫ ଆର୍ଥିକ କ୍ଷେତ୍ରରୁ ସମ୍ପୂଣ୍ଣ ର୍ସହାୟତା  ପାଇବା ଅପରିହାର୍ଯ୍ୟ । ଔଦ୍ୟୋଗିକତା,   ନୃତନତ୍ୱର ପ୍ରବର୍ତ୍ତନ ଓ ଷ୍ଟାର୍ଟଅପ୍ କ୍ଷେତ୍ରରେ ନୂତନ ବଜାରର ଖୋଜ ସେତେବେଳେ ହେବ ଯେତେବେଳେ ଯେଉଁମାନେ ସେମାନଙ୍କୁ ଆର୍ଥିକ ସହାୟତା ଦେଇଛନ୍ତି ସେମାନଙ୍କର ଉତ୍ତମ ବୁଝାମଣା ରହିଛି ।

“ଆମର ଆର୍ଥିକ କ୍ଷେତ୍ର ମଧ୍ୟ ଆର୍ଥିକ ସହାୟତା ମଞ୍ଜୁର କଲାବେଳେ ଅଭିନବ ଉପାୟ ସହ ନିରନ୍ତର ସମ୍ଭାବ୍ୟ ବିପଦ ପରିଚାଳନା ଓ ଭବିଷ୍ୟତକୁ ଆଖିଆଗରେ ରଖି ପଦକ୍ଷେପ ନେବାକୁ ପଡିବ ବୋଲି ଶ୍ରୀ ମୋଦୀ ଦୃଢଭାବେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଭାରତୀୟ ଅର୍ଥନୀତି ବଡ ଭାଗ ହେଉଛି ଗ୍ରାମ୍ୟ ଅର୍ଥନୀତି । ସରକାର ସ୍ୱୟଂ ସହାୟକ ଗୋଷ୍ଠୀକୁ ମଜବୁତ କରିବା, କିଷାନ କ୍ରେଡିଟ୍ କାର୍ଡ, କୃଷକ ଉତ୍ପାଦକ ସଂଘ ଓ ସାଧାରଣ ସେବା କେନ୍ଦ୍ର ଇତ୍ୟାଦି ପାଇଁ ପଦକ୍ଷେପ ନେଉଛନ୍ତି । ଗ୍ରାମ୍ୟ ଅର୍ଥନୀତି ଉପରେ ନୀତି କେନ୍ଦ୍ରିତ କରିବାକୁ ସେ ସମବେତ ଜନତାଙ୍କୁ ନିବେଦନ କରିଥିଲେ ।

ସେ କହିଥିଲେ ଯେ ଭାରତର ଆକାଂକ୍ଷା ପ୍ରାକୃତିକ ଓ ଜୈବିକ କୃଷି ସହ ଯୋଡି ହୋଇ ରହିଛି । “ଯଦି କେହି ଏ ଦିଗରେ କିଛି ନୂଆ କରିବାକୁ ଆଗେଇ ଆସେ ତେବେ ଆମ ଆର୍ଥିକ ସଂସ୍ଥାମାନେ ତାଙ୍କୁ କିପରି ସାହାଯ୍ୟ କରିପାରିବେ ସେଥିନେଇ ମଧ୍ୟ ଚିନ୍ତା କରିବାକୁ ପଡିବ ।”

ସ୍ୱାସ୍ଥ୍ୟ କ୍ଷେତ୍ରରେ କାର୍ଯ୍ୟ ଓ ନିବେଶ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଡାକ୍ତରୀ ଶିକ୍ଷା କ୍ଷେତ୍ରରେ ଥିବା ଆହ୍ୱାନର ମୁକାବିଲା ନିମନ୍ତେ ଅଧିକରୁ ଅଧିକ ଡାକ୍ତରୀ ପ୍ରତିଷ୍ଠାନର ଆବଶ୍ୟକତା ରହିଛି । “ଆମର ଆର୍ଥିକ ଅନୁଷ୍ଠାନ ଓ ବ୍ୟାଙ୍କ ସେମାନଙ୍କ ବ୍ୟାବସାୟିକ ଯୋଜନାରେ ଏ ଦିଗ ପ୍ରତି ଅଗ୍ରାଧିକାର ଦେଇପାରିବ କି ବୋଲି ଶ୍ରୀ ମୋଦୀ ପ୍ରଶ୍ନ କରିଥିଲେ ।

ପ୍ରଧାନମନ୍ତ୍ରୀ ବଜେଟ୍‌ରେ ଆଲୋଚନା କରାଯାଇଥିବା ପରିବେଶ ଓ ଜଳବାୟୁ ବିଷୟ ଉପରେ ମଧ୍ୟ କହିଥିଲେ । ୨୦୭୦ସୁ୍‌ଦ୍ଧା ଶୂନ୍ୟ ଅଙ୍ଗାରକାମ୍ଳ ଉଦ୍‌ଗୀରଣ ଭାରତର ଲକ୍ଷ୍ୟ ଦିଗରେ କାର୍ଯ୍ୟ ଆରମ୍ଭ ହୋଇ ସାରିଛି । “ଏହାକୁ ଦ୍ରୁତ କାର୍ଯ୍ୟକାରୀ କରିବା ପାଇଁ ପରିବେଶ ଅନୁକୂଳ ପ୍ରକଳ୍ପଗୁଡିକୁ ତ୍ୱରାନ୍ୱିତ କରିବାକୁ ପଡିବ ।” ନିରନ୍ତର ପରିବେଶଗତ ବିକାଶ ଓ ତା’ର ଅନୁଧ୍ୟାନ ଓ ଏଥିରେ ଦେଖାଦେଇଥିବା ନୂତନ ଦିଗଗୁଡିକ ଆଜିର ଆବଶ୍ୟକତା” ବୋଲି  ସେ କହିଥିଲେ ।

*****

SM /SLP